VPC GHQ CABINETS & PORTFOLIOS |

ZOMI COUNCIL IN VPC GHQ PRESIDENT THAK PU KHATKHOTONG BAITE LEH A CABINET TE VAIDAWNNA LEH KITHUAKHAWMPINA NEIPI 

Tuni 1st April, 2025 (Tuesday) ni'n Vaiphei Peoples' Council General Headquarters President Pu Khatkhotong Baite, Vice- President Pu Ngulzathang leh cabinet member thak te zosia Zomi Council Office, New Lamka mun ah thingpi- tuilum dawnkhawmpina leh holimkhawmna lawting tak mai nei ahi.

Vaiphei mipite dawina gual in Pu Khatkhotong Baite hi VPC GHQ President ah hung ki telting thak ahi. Hiat dinga pha ma ma chu S. Kawtlian VPC Special Assembly, 2024 dated 17th October, 2024 ni ah Nomenclature thu chungchang ah mi 15 thugenna nei lak ah mi 4 bep in Vaiphei Chu Vaiphei a support ua, a dang mi 11 te'n ipu ipa teu sa thin sa lung nekna Zomi um den ding nasatak in ala gen ui. Ahinla, Moderator ah pang Pu Henlianthang in ama mimal thupukna ala lak Zomi apat Vaiphei te apawt tai ati kha VPC Constitution Chapter- IV, Article 20 clause (ii) na "Nam policy chungchang ahileh Two-Third majority vote ah chiapi hina" ti tawh ki kal tin ten ahi. Ziakachun, zia ni ma ma akhan zia thupukna chu NULL and VOID declaration Vaiphei mipite sik in VPC BLOCK paguk (6) te'n JOINT PRESS STATEMENT ala bawl un, ZILLAI GHQ, YVA GHQ leh Vaiphei Chief Association (VCA) te'n le ala bawl tau.

Chuleh, 22nd October, 2024 ni'n Tangmual YVA Hall mun in Pu Henlianthang chu VPC GHQ President apat paithakna (impeached) ala bawl tau hi. Zia tawh kitawn in Interim Period ding in Pu Mangbeldam Vaiphei leh Pu Jilkhopao Baite-te chu President leh Vice- President ding in teldawk in ala um ui. Zia interim period kichai tak ziak in 8th March, 2025 ni'n Pu Khatkhotong Baite leh Pu Ngulzathang-te hi VPC GHQ (2024-2027) term sung a ding in President leh Vice- President ding ah teldaw ala hitau. Zia dungzui achun 15th March, 2025 ni'n Mata Community Hall ah Oath-taking ceremony matzaw ala hitai.

Chuleh, tuni 1st April, 2025 nitak lam dak 2:00 PM in Pu Khatkhotong Baite, President VPC GHQ in cabinet member thakte kiang ah Portfolio hawpdawna a nei hi. Zia zaw ahin, maban panlak di dan kikupkhawmna hunsawt tak nei ahi zaw in ankuang upkhawmna le nei ahi.

Share: