Zogam, 01 March 2025
Yangon Ah Inn Man Kiam:
Lashio lam kiciah theita ahihman in Yangon ah innsap leh inn lei ding tampi kiamtuam ahihman in inn man kiam hiaihiai ta hi. (Zakhai lam leh Moegoke lam kiciah thei lai peuhmah leh nawh kiam mahmah lai ding hi)
Kilem Ding Hanciam Uh:
TNLA te Kawl Galkapte tawh kiho ding in Sen (China) gam Yunan gamhuam Kunming khuapi, tuni in tung khinta uh hi. Zingciang a kipan kiho kipan ding uh hi. Asawt lo in northern Shan State lam nuamtak in khualzin-gamvakna leh sum lei' sum zuakna kihong kik khading hi.
Tedim Tung Zo Lo:
CNF leh anungzuite in Tedim ka kap ding uh hi, acih zawh uh kha 1 paikhin ta a, tuni dong Tedim tungzo nai lo uh hi. Tedim zuan ding in apai'sial un Zogam Galkap [ZRA]-te tawh lampi ah kituakkha pahpah sese uh ahihman in, tuni dong Tedim atungzo nai lo uh ahi hi. Amau' vaithaai kaal in Tedim a om Kawl Galkapte nakpi in na kithawi in mi leh van na kibehlap lap uh hi.
Khalkha Ah Zomi Nam Ni:
Tutung kum 77 cin' Zomi Nam Ni pen Chin State khuapi Khalkha ah nasiatak in thuneite in bawl ding in kithawi thawita uh hi. Falam pan a Hakha ah khuapi atuah pen Galkapte mah himawk ahihman in, Hakha pan mundang khatpeuh ah atuah leuleu khak ding uh lauthawng uh ahihman in tualam a thautawite pau ngam peuhmah lo uh hi.
40000 Val Kibehlap:
Kawlgam ah khangno-te Kawl Galkap lut loh phamawh thukhun (conscription law) azat zawh uh kum 1 sung in Kawl Galkap thak mi 40000 val kibehlap khin, cih thucian kiza hi. Alangpang Media-te in Kawl Galkapte nisim in Online tung ah tampipi asihsak sam uh hang' asi taktak 2021 kum khit 10,000 apha nai ding uh hiam? kithei lo hi.
Cimphawng hi ei, guai na heh pahpah kei vo maw!
©Mung Laan Thang
Lashio lam kiciah theita ahihman in Yangon ah innsap leh inn lei ding tampi kiamtuam ahihman in inn man kiam hiaihiai ta hi. (Zakhai lam leh Moegoke lam kiciah thei lai peuhmah leh nawh kiam mahmah lai ding hi)
Kilem Ding Hanciam Uh:
TNLA te Kawl Galkapte tawh kiho ding in Sen (China) gam Yunan gamhuam Kunming khuapi, tuni in tung khinta uh hi. Zingciang a kipan kiho kipan ding uh hi. Asawt lo in northern Shan State lam nuamtak in khualzin-gamvakna leh sum lei' sum zuakna kihong kik khading hi.
Tedim Tung Zo Lo:
CNF leh anungzuite in Tedim ka kap ding uh hi, acih zawh uh kha 1 paikhin ta a, tuni dong Tedim tungzo nai lo uh hi. Tedim zuan ding in apai'sial un Zogam Galkap [ZRA]-te tawh lampi ah kituakkha pahpah sese uh ahihman in, tuni dong Tedim atungzo nai lo uh ahi hi. Amau' vaithaai kaal in Tedim a om Kawl Galkapte nakpi in na kithawi in mi leh van na kibehlap lap uh hi.
Khalkha Ah Zomi Nam Ni:
Tutung kum 77 cin' Zomi Nam Ni pen Chin State khuapi Khalkha ah nasiatak in thuneite in bawl ding in kithawi thawita uh hi. Falam pan a Hakha ah khuapi atuah pen Galkapte mah himawk ahihman in, Hakha pan mundang khatpeuh ah atuah leuleu khak ding uh lauthawng uh ahihman in tualam a thautawite pau ngam peuhmah lo uh hi.
40000 Val Kibehlap:
Kawlgam ah khangno-te Kawl Galkap lut loh phamawh thukhun (conscription law) azat zawh uh kum 1 sung in Kawl Galkap thak mi 40000 val kibehlap khin, cih thucian kiza hi. Alangpang Media-te in Kawl Galkapte nisim in Online tung ah tampipi asihsak sam uh hang' asi taktak 2021 kum khit 10,000 apha nai ding uh hiam? kithei lo hi.
Cimphawng hi ei, guai na heh pahpah kei vo maw!
©Mung Laan Thang
.jpeg)
.JPG)
No comments:
Post a Comment
Comments not related to the topic will be removed immediately.