NAMPI KIHUHHING NA DIA JESU A NAPAN DING HA, OLE JUDAS A NAPAN DING HAM?*
~ Pr. Thangkhomang Suantak
(L.Semol 8/3/2025)
Pathen in vannoi hi chonset a kon a ahuhdoh na dia hi van a kon a A chapa changkhat Jesu ahin sol ahi. Hinlah vannoi kihuhhingna dia hi Jesu hi athitei ngai ahi. Athiding jeh a chu athat ding ngaikit ahi. Akitha ding leh apedoh ding khat ngaikit ahi. Hiche huhhingna thu hi film (drama) bang in gah gel le chun, Jesu hi Hero ahin apedoh a pang chu Judas ahin, Rome sepai ho le Juda houlamkai ho chu athat a pang ahi. Amaho cheng jeh a vannoi hi chonset a kon a huhhing a um thei ahi.
Hitobang thim a hi nampi kihuhhingna ding le lungtup molsona dia hi *thingam a kikatdoh ding, apedoh a pang ding, chuleh athat ding…* hicheng panmun thum hi ngai ahi.
Hiche panmun thum lah a hi (1) athat ding hi imelmateu ahitai. (2) Ahinkho thichan a dia kipedoh ding leh kikat doh ding chuleh (3) aseilep ding leh ajoh doh ding ding hi eiho mopohna ahitai. Nang hoilaipen a napan em?
*Jesu le Kuki nampi:* Vannoiya huhhingna dia Jesu min tilou mindang aumlou bang in (Acts 4:12), inam min diuva manthei tamjong leh nampi huhhing channa ding leh lungtup molsona din *Kuki* tilou mindang aumpoi.
*Judas le Kuki kijoh ho:* Judas in Jesu ana joh doh chu Jesu huhhingna natoh na a panmun lentah ahi. Aman ana pedoh lou hileh huhhingna natoh chu ana lolhing theilou ding ahi, tithei ahi. Amavang Jesu anapeh doh jeh chun Jesu seijui ngaitah Judas chu Jesu melma lenpen soh doh ahitai. Hinlah Pathen in Judas lungthim phalou panlah na chu huhhingna natoh nan amang cha thei thou thouve.
Tuchung gal hin jong nampi melman pangjong leuhen nampi jalenna dia manchah thei hithou thou ding ahi.Hinlah Judas panna chu thilpha ahilou jeh in ajonan thingleh akikhaiyin atumpi apohkeh bouve. Athinung in jong damun jon inte ti hi Christian te tahsan ahi.
*Kuki johdoh ho panmun letdan:* Tun jong inamsung uva hi phung chom chang chom hijong leuhen melmaten Kukitha eithauva, Kuki hijeh a eihin deldoh u ahi. Hinlah, mitsing keiya *"Kuki kahipoi,"* tia Kuki chu melmate heng a kijoh le le jong I umda lou u ahi. Ama ho jong hi panmun lentah a pang ahiuve. Amaho jeh a hi inam sung'uva Kuki hi ipi ham ti kholchetna le hetchet na hung um ding ahibouve. Hinlah adihlou le aphalouva pang a nampi johdoh a pang hohi Jesu pedoh pa chanvou achantei diu ginmo aum e.
*Nampi ki huhhingna dia nam lamkai ho hadem a demding:* Tu gal boilaitah a nampi khankho ding gelna a inam lamkai houhi ihmu mo jankhang moa um u ahi. Alang khat a ibolthei pen uleh ithepna pen u chu I nam lamkai hou kithopi a taopeh jing ding sang a inam lamkai hou aneova pat alen geiya dem thei chan a dem a, social media dung a numei chapang houva houset a mingol houva houding kitam kit ahi. Heng e, demthei chan a idem diu ahi. Kidemna le kiseisetna thoh jou lou lamkai hochun nampi Jalen gam ilhut jou lou diu ahi.
Mose jong chu Israelten demthei chan a ademu ahi, aha dem chan un Mose chu Pathen lhen lamkai ahi ti akicheh cheh cheh jeng ahi. HInlah adem a pang ho vang thi phan athiji pouve. Hijechun I nam lamkai hadem a idem u hi Pathen tun Nam lamkai ahi ahilou u kihetna dia satan manchah ahikha diuvem tijat aum e. Hijehchun atosot a ipan diuha? Adem a ipan diu ham eima thu ahitai.
*Thugeilhe:*
*Suhmillouding chu:*
Nom hen da jong leuhen, tuchung a hi van Pathen hung kumlha inampiu huhhing dia hung ahi ti tahsan aum e. Chuleh inampiu kihuhhingna dia, Kuki kiti min hi Pathen manchah ahiding tahsan aum e. Hijehchun,
1. Kuki hijeh a melmate khutgu thoh a tuchan a mitcho elbaiya maha pua itam tauvin, chule melsetah a melmaten atha jong itamtauve.
*Hijehchun tu lung jin lungdon, mitsin khojin ito laiyuva lamchom cheh a ipan lah nau;*
1. Tu thi le hin kikah a i-umlaiyuva ama phatchomna ding bou kihol,
4. Kuki kahipoi tia melmate toh kivop,
5. Alangkhat a nampi dia along leiya doa thichan a pang loi,
6. Anei anga itchalouva pang loi.
7. Lamkai ho dem gunset a pang loi,
8. May 3,2025 nia gal kipat a pat tuni chan a tanglouva nampi dia taona a pangloi...
Hitia hi dinmun chomcheh a ipan u ahi.
Hinlah hitobang panmun pha le pamun phalou jouse hi nampi ki huhhingna dia panmun khohtah cheh ahi. Hiche ho jouse hi nampi huhhingna dia Pathen dia manchah mo hilou ahi. Ajehchu tuchung gal hi Pathen in achaina asem ding ahibouve.( Ajehchu *"…thil ijat kigong jong leh Pakaiyin achaina aseiding ahi" Pro.16:1).*
Hinlah suhmillou ding chu ipan mun cheh uleh itohdoh dung juicheh uva tohman ikisan diu ahi.
*Vetsah nan,* Jesun huhhingna natoh achai chun,
(1) Jesu van laltouna atoutan,
(2) Judas thing leh ah akikhaiyin atumpi apoh jaltan,
(3) Jesu that a pang Juda houlamkai ho jeh in tuchan in Israelten achehchau lo uvin agal u abei thei tapoi.
Hijehchun tuchung nampi jalen galsat na a hi itobang a pan nalah em ti gellechun itobang tohman nasan ding ham kihet theitan nate.
Hijehchun tuchung a hi Pathen to galsat khom ihi jeh un, nampi tahsa le lhagaova jalen nikho le itobang tohman isan ding ham ti gel pum'in ipan nathei cheh ah pang jing ute tia Pakai Christa min'a ikitem u ahi (Rev. 22:12).
~ Pr. Thangkhomang Suantak
(L.Semol 8/3/2025)
Pathen in vannoi hi chonset a kon a ahuhdoh na dia hi van a kon a A chapa changkhat Jesu ahin sol ahi. Hinlah vannoi kihuhhingna dia hi Jesu hi athitei ngai ahi. Athiding jeh a chu athat ding ngaikit ahi. Akitha ding leh apedoh ding khat ngaikit ahi. Hiche huhhingna thu hi film (drama) bang in gah gel le chun, Jesu hi Hero ahin apedoh a pang chu Judas ahin, Rome sepai ho le Juda houlamkai ho chu athat a pang ahi. Amaho cheng jeh a vannoi hi chonset a kon a huhhing a um thei ahi.
Hitobang thim a hi nampi kihuhhingna ding le lungtup molsona dia hi *thingam a kikatdoh ding, apedoh a pang ding, chuleh athat ding…* hicheng panmun thum hi ngai ahi.
Hiche panmun thum lah a hi (1) athat ding hi imelmateu ahitai. (2) Ahinkho thichan a dia kipedoh ding leh kikat doh ding chuleh (3) aseilep ding leh ajoh doh ding ding hi eiho mopohna ahitai. Nang hoilaipen a napan em?
*Jesu le Kuki nampi:* Vannoiya huhhingna dia Jesu min tilou mindang aumlou bang in (Acts 4:12), inam min diuva manthei tamjong leh nampi huhhing channa ding leh lungtup molsona din *Kuki* tilou mindang aumpoi.
*Judas le Kuki kijoh ho:* Judas in Jesu ana joh doh chu Jesu huhhingna natoh na a panmun lentah ahi. Aman ana pedoh lou hileh huhhingna natoh chu ana lolhing theilou ding ahi, tithei ahi. Amavang Jesu anapeh doh jeh chun Jesu seijui ngaitah Judas chu Jesu melma lenpen soh doh ahitai. Hinlah Pathen in Judas lungthim phalou panlah na chu huhhingna natoh nan amang cha thei thou thouve.
Tuchung gal hin jong nampi melman pangjong leuhen nampi jalenna dia manchah thei hithou thou ding ahi.Hinlah Judas panna chu thilpha ahilou jeh in ajonan thingleh akikhaiyin atumpi apohkeh bouve. Athinung in jong damun jon inte ti hi Christian te tahsan ahi.
*Kuki johdoh ho panmun letdan:* Tun jong inamsung uva hi phung chom chang chom hijong leuhen melmaten Kukitha eithauva, Kuki hijeh a eihin deldoh u ahi. Hinlah, mitsing keiya *"Kuki kahipoi,"* tia Kuki chu melmate heng a kijoh le le jong I umda lou u ahi. Ama ho jong hi panmun lentah a pang ahiuve. Amaho jeh a hi inam sung'uva Kuki hi ipi ham ti kholchetna le hetchet na hung um ding ahibouve. Hinlah adihlou le aphalouva pang a nampi johdoh a pang hohi Jesu pedoh pa chanvou achantei diu ginmo aum e.
*Nampi ki huhhingna dia nam lamkai ho hadem a demding:* Tu gal boilaitah a nampi khankho ding gelna a inam lamkai houhi ihmu mo jankhang moa um u ahi. Alang khat a ibolthei pen uleh ithepna pen u chu I nam lamkai hou kithopi a taopeh jing ding sang a inam lamkai hou aneova pat alen geiya dem thei chan a dem a, social media dung a numei chapang houva houset a mingol houva houding kitam kit ahi. Heng e, demthei chan a idem diu ahi. Kidemna le kiseisetna thoh jou lou lamkai hochun nampi Jalen gam ilhut jou lou diu ahi.
Mose jong chu Israelten demthei chan a ademu ahi, aha dem chan un Mose chu Pathen lhen lamkai ahi ti akicheh cheh cheh jeng ahi. HInlah adem a pang ho vang thi phan athiji pouve. Hijechun I nam lamkai hadem a idem u hi Pathen tun Nam lamkai ahi ahilou u kihetna dia satan manchah ahikha diuvem tijat aum e. Hijehchun atosot a ipan diuha? Adem a ipan diu ham eima thu ahitai.
*Thugeilhe:*
*Suhmillouding chu:*
Nom hen da jong leuhen, tuchung a hi van Pathen hung kumlha inampiu huhhing dia hung ahi ti tahsan aum e. Chuleh inampiu kihuhhingna dia, Kuki kiti min hi Pathen manchah ahiding tahsan aum e. Hijehchun,
1. Kuki hijeh a melmate khutgu thoh a tuchan a mitcho elbaiya maha pua itam tauvin, chule melsetah a melmaten atha jong itamtauve.
*Hijehchun tu lung jin lungdon, mitsin khojin ito laiyuva lamchom cheh a ipan lah nau;*
1. Tu thi le hin kikah a i-umlaiyuva ama phatchomna ding bou kihol,
4. Kuki kahipoi tia melmate toh kivop,
5. Alangkhat a nampi dia along leiya doa thichan a pang loi,
6. Anei anga itchalouva pang loi.
7. Lamkai ho dem gunset a pang loi,
8. May 3,2025 nia gal kipat a pat tuni chan a tanglouva nampi dia taona a pangloi...
Hitia hi dinmun chomcheh a ipan u ahi.
Hinlah hitobang panmun pha le pamun phalou jouse hi nampi ki huhhingna dia panmun khohtah cheh ahi. Hiche ho jouse hi nampi huhhingna dia Pathen dia manchah mo hilou ahi. Ajehchu tuchung gal hi Pathen in achaina asem ding ahibouve.( Ajehchu *"…thil ijat kigong jong leh Pakaiyin achaina aseiding ahi" Pro.16:1).*
Hinlah suhmillou ding chu ipan mun cheh uleh itohdoh dung juicheh uva tohman ikisan diu ahi.
*Vetsah nan,* Jesun huhhingna natoh achai chun,
(1) Jesu van laltouna atoutan,
(2) Judas thing leh ah akikhaiyin atumpi apoh jaltan,
(3) Jesu that a pang Juda houlamkai ho jeh in tuchan in Israelten achehchau lo uvin agal u abei thei tapoi.
Hijehchun tuchung nampi jalen galsat na a hi itobang a pan nalah em ti gellechun itobang tohman nasan ding ham kihet theitan nate.
Hijehchun tuchung a hi Pathen to galsat khom ihi jeh un, nampi tahsa le lhagaova jalen nikho le itobang tohman isan ding ham ti gel pum'in ipan nathei cheh ah pang jing ute tia Pakai Christa min'a ikitem u ahi (Rev. 22:12).
Strong people stand up for themselves, but stronger people stand up for others.
.jpeg)
.JPG)
No comments:
Post a Comment
Comments not related to the topic will be removed immediately.