1st THANGKHAL LITERATURE SOCIETY (TLS) ANNIVERSARY 2025

Tuni 2nd March, 2025, nitaklam dak 1:00 PM in TLS kiphuhni TLS Day/Anniversary vaiguan tomkim informal in TLS Office, Tangnuam, Lamka ah ana ki zang hi. Anniversary vaiguan ah hunhawmna leh recording secy. in Pu Lianminthang Secy. TLS pang hi. Vaiguan patna diing in Pastor Elco Kamlianlal Director Women & Child, TBC( ABA) in hun pat thumna nei in hun ana ki panta hi. Chairman Speech ah Pu Thangkhanlian Chairman TLS in thu manpha tampi genna nei hi. Chairman pu in Anniversary muthei a ih om Pasian tung ah kipak thu gen a, tua leh Thangkhal ham-leh-pau kepbit diing Thangkhal mite teng teng mawhpuak ahi dan zong gen hi. Chairman pu in a genbehna ah Thangkhal te ikiim a nam dang te ham influence hat mah mah ahi man in, iham mah a ham tinten a kepbit diing, nam dang te ham va zak-zak zongsang louh ahoih dan gen hi. Ham-leh-pau pe'n a neite mah ham diing leh zak diing ahi chi'n  Thangkhal ham-leh-pau tawh kisai thumanpha tampi genna nei hi. Tua leh TLS Special report piakna TLS Secy. Pu Lianminthang in nei hi. Secretary pu in Thangkhal Literature Society (TLS) 2nd March, 2024, zingsang 7:30 AM a Thangkhal Tribe Organisation President Pu T Khaikhanhau teenna in Gochinkhup Veng, New Lamka a akiphuh dan te a tomkim in report piakna nei hi. Tua leh TLS kiphuh apat TLS nasepsa te leh sep diing om lai project tuam-tuam te pulakna zong nei hi. Vaiguan sung in member paikhawm te'n zong ngaihdan tuam-tuam te genna nei uhi. Tua leh Vice Chairman, TLS Pu Hangkhankhup in thukhumsim genna nei a, Thangkhal te'n iham kepbit diing, itawndan te uh zong kepbit diing, beh pailou a, iham-leh-pau a kikhai khawmte ihi man un iham gentaaklouh nopni, dahni, sihni chiang a zong Thangkhal Nam puan te leh Thangkhal tawndan te zong zak tei-tei diing ahi dan gen hi. Tuni 2nd March 2025, TLS Anniversary vaiguan khakna diing in Dr. Pastor Kammuanmung in tawpna thumna nei in vaiguan khak ahi ta hi.
TLS Anniversary lopna in niangtui dawn khawmna kinei a, tua leh maan kizaihna zong kinei hi.
Pasian in kumkik TLS Anniversary hung musak kik ta he'n.
Pasian in asiamsa Thangkhal ham-leh-pau kembit diing in masuan tou-zeel ni!

Report:

Recording Secretary

TLS Anniversary 2025 Vaiguan

Share: