Zionist Movement: Jabontinsky

Israel gam ana kitun doh til achu Zionist/Jews Movement Lamkai Jabotinsky in hiitia ana sei ahi.

ISRAEL hi gam neocha Arab gam tampin akol khum chah kheh, chuleh mijong lhomcha minority aki hin, Israel existence na dinga ibol diu chu vannoi Leiset kol ningli sunga um Isreal chate jouse Israel gama iki chon lutdiu, Financially, Militarily Israel gam isuh hat diu, Israel gama Iron wall itun doh diu ana ti ahi. (Hillai a Iron wall atihi Israel gama thih bang get khum ding ati na hiloua Doctrine khat phudoh ding hichu gaal mite psychologically a suhnem ding, gaal mi ten Israel ati teng jaa na le kichat na anei diu tihi ama ideology ana ahin, tuni chen a Israel in achepi doctrine khat hijing ahitai).

Jabonstinky in hiche Ideology anasei achu Europe gama um Jews Intellectual ho le Israel community kiloi khom na chom2 hon Jabonsky jah a Israel gam hi Arab Muslim gam in aum kiem chah kheh ahin, nang ideology kiche pi le iti cham le lung monga kicheng thei ding ham? Hiche sanga achu Jews te hi Financially, Innovation le Technology lama ki advance ahin, Israel le akiem vel a um Arab gam hotoh collaboration in Israel le Arab gam sung khantou na ho kitho khom leuhen khantou na le cham na jong um intin, Egypt, Jordan, Syria le Arab world dang hotoh jong good neighbour kihi intin, lung monga ichen thei diu ahi ana tiu ahi. Jabonsky in na lunggel uhi chapang lunggel bang beb ahi ana tipeh u ahi.

First Israel PM David Ben injong Jabonsky jah a na lunggel a negative behseh e, Defence le  Psychological Warfare lama focus akibol behseh le neighbour Arab gam hon ipi agel diuham? lunggel phalou agel thei u ahin, chuleh military lam kiha focus behseh le itih a development focus kibol man a iti ikhan tou diuham ana ti peh ahi. Jabonsky in Israel Intellectual hole Israel PM koma nangho lunggel le Arab world lunggel opposite ahi lam itia nahet phah lou uham ana tipeh kit u ahi.

1947 a Europe le UK, US gam hon UN (United Nation)a Israel gam recognise bolding ana tiule hiche nikhoa chu Arab gam jouse kilung toh tah a hoia hichu hithei ding ham,kinom louhel ding, Israel state kiti chu umthei louding, suh mong ding ahi tia dinkhat a ana ding u ahi. Hiche nikhoa chu Israel  PM David Ben le Israel intellectual ho ana hah doh uva Jabonsky thusei dih dan ahin het uva Jansnaku Ideology accept ana bol u ahi.

Israel nam kiti mong thei lou ding ahi tia vannoi leiset kol ning lia um Israel chate jouse Europe le America gama nomtah tah a cheng ho jong a inn le lou dalha a Israel gam ana jot uva,  kilungtoh tah a ana pang khom uva 1967 Six day war tia jong kihe Arab gam jouse kitho khoma Israel suhmong ding ana tiu jong koi suhmong tah sanga Israel in gam ana kikeh let be ahi. 

Vannoi leiset hi hoilai hile "Power shake hand with Power" bou ahin, Politics jong cut throat politics ngan, nam hangsen mite bou min jaana apeh u ahi tuchunga jong imu sohkei uve.

Eiho jong igam inam kihuh bit na dinga option dang umlou hel ahi,  Extremist thim lamkai ngai, Unity ngai, Thinglhang  gama kihol taha chen nadinga Haosa ho lunglet ngai (tah2 iti teng sacrifice and dedicated jong ngai mong² ahi), igam sung roadways, communication, Educationa kisem phat ding, ikah uva selfish politics kichem hon ingah diu, keiho tribe chom, nangho tribe chom kahiu vin ti vanga houidoh nading jong umdeh lou, hiche khat le ni personal interest politics le policy , longterm visionary umlou, short term politics le selfish policy hohi ingah u ngai ahi.

Tua jong Central government in military rules a namphu in chamna umsah ding tijongle, solution umlou temporary ahin, malam a iti panlah dingham ti aguh a kigot got jing ding ahi. Itih hijongle koima Imphal sunga iki nungle loudiu, ama hojong thinglhang lama maingel sel a hung le lut kit lou diu ahitan, hiche Separate Administration tabanga ichen u alim agoung hi ilha so ule abeb beb ihi diu ahin, thinglhang le phaicham kikhen tabanga aum hi Ehsen hon apoh nat joh u ahi.

Anjo khat le koiloi nahiu ham hinbol lele in selfish politics kichem in Imphal a hung nung chen get uvin nate, natu nacha teu akhang akhang chengei a dinga bolkhel lenpen hiding ahi.

~ Kuki News

Share: