YPA Dorcas Veng in Inkuan 5 panpihna nei

Tuni tarik 5th January, 2025 (Wednesday) nitaklam dak 4:00 pm in, YPA Dorcas Veng in Vengsung a suansamthei Inkuan kin-le-buang in panpihna/kithuahpihna nei uhi. Inkuan 5 te' Anntang Bag 1 (50 Kgs.) + Daal (Havai) chiat piak in om uhi.

L.Lianzakhup, Asst.Area Leader, Chiimtung Area, YPA Dorcas Veng pilvanna leh phatuamngaih suahna tungtawn in, Chiimtung Area a tuabang suansamthei Inkuan om ahihdan YPA Dorcas Veng President/Secretary theihsakna aneih dungzui in, bohzuina leh sepsuahna neih in om hi. Inkuan 5 te' panpihna piak hun ah, G.Kamsanglian, Secretary, YPA Dorcas Veng, L.Thuamginlian, Property Secretary/Store Incharge, G.Kamkhangin, Finance Secretary/Store Incharge, YPA Dorcas Veng te kihel uhi.

L.Lianzakhup, Asst.Area Leader, Chiimtung Area, YPA Dorcas Veng in ama Auto zang in, panpihna mu Inkuan 5 te' a Inchiat uah amaute toh, phatuamngaitak leh athawn in va koihsak hi. YPA Dorcas Veng in Meitei gal kipatchiil apan, nektak zonna leh Inkuan khosakna haksadiak (Meikuang paisuakthei/suansamthei) Vengsung a omte YPA Val-Upate/Area Leaders-te bengvakna leh pilvanna tungtawn in tuabang in asukkhak Inkuan te kiang ah, Anntang bag 300 val pekhia ta uhi. 

~ WAP

Share: