12-02-2025 / Wednesday: Jan nilhah a chu Pastor Nehgin, Maojang khomi hi inn gal a gamleng ahin, inn lam jona ahung kilena a meivah/torch light an kidet chu Mr Haominlen @Minlen Lhungdim, Lhangnomphai leh anaopa lamkaina a akhomi hou mi phabep in Duty poho meithal aga kilah uva ana chan uva ahunglhun lhun a thal akak khum uva, torchlight a akho uleh Pastor Nehgin in, "Kei kahibouve, inn sah a sa nung kaga vet ahi" tia kiphonna anei vanga Mr Haominlen @Minlen leh anaopan kho ngai detdet louva, asuh toh abeh atho lhon a abilkol a thisan longdoh leu ahi.
Pastor Nehgin in nei vohnau ka thohlel in, inn che tange - ati jong leh adah-alam a amat uva, ama inn gei apui nahlai uva agam lenna meithal jong alahpeh nahlai u ahi. Hiche thu aso phat a Maojang khosung gollhang-chapang ho thangtom a gakon go ahiuvin, ka phothip u ahi. Keima tah in Mr Haominlen koma dia mi kasol a thisan so nahiuvin kihoutoh ute, tia thu kapeh vanga akhohjo cheh a eihin donbut kit nahlai ahi.
Chu in, lhangsung Haosa ho thil umdan kahetsah in, lhangsung Haosa ho jong aga cheuvin ahinla Mr Haominlen in adei chabep ana kisei kit ahi. Hitiphat lai tah a Mr Haominlen @Minlen in chem toh gari neo a khosung ahin jot chu Maojang khosung gollhang kitim lel hon anamat uva ana vohkhah u ahi.
Gal boitil laia akhosung u ngengsi khongleuva adalhah uva keihon kahiti dinpiu ahin, thu ahung nopjep phat a inn heng-khoheng mi Pastor hinalai, mona neilou khat kivo chu kilungdam lou ahi.
Hiche thu hi ahechen lou hon seida hen,
Ahenom hon, keima Tongkhojam, Maojang Haosapu nei kidoh uvin.
~ WAP
.JPG)
.jpeg)
No comments:
Post a Comment
Comments not related to the topic will be removed immediately.