ZORO: "FMR A TIH TAWPNA HLIP LEH NGEI TURIN A TI"

ZO RE-UNIFICATION ORGANISATION (ZORO) CHUAN  INDIA SORKAR IN "FMR "A TIH TAWPNA HLIP LEH NGEI TURIN A TI.

Vawiin 6 January 2025, chhun Dar 12:00 khan ZORO  General Headquarters Office, Treasury Square, Aizawl-ah "ZORO EMERGENCY EXECUTIVE MEETING" koh a ni a, India Sorkarin, India leh Myanmar ramri inkalpawhna FMR a hlih chungchang sawiho a ni.

Tin , UNO in Declaration on the Rights of Indigenous Peoples 2007 Articles 36 (1) & (2) a  tarlan angin ,Mizo mipuite dikna chanvo  min pek kan hmang thei lo tura  ,  " Free Movement Regime" a tih tawpna hi hlip leh ngei turin kan ngen a, kan Dikna Chanvo nei let leh tur hian ZORO chuan a tawp thlengin a bei zel ang , tiin ZORO in Press Release thuchhuah a siam a ni.

             PRESS RELEASE

1. Government of India, Ministry of Home Affairs (Border Management -I Division) lehkha No. 1/76/2424-BM-II dated 24th December 2024 chuan Chief Secretary, Mizoram Sorkarah lehkha thawnin India-Myanmar International ramri kal kan tura thil tih dan tur a rawn hriattir a. Chumi dungzui chuan Goverenment of Mizoram, Home Department in a lehkha No. 22019/3/2022-HM(FMR) Vol-II dated 30th December 2024 -ah Director General of Police, Mizoram hnenah ramri a hma lak dan tur a thawn a. Chumi dungzui bawk chuan Champhai Superintendent of Police chuan Public Notice 1 of 2025 chu a ti chhuak nghal ta a, tichuan Myanmar leh India ramri kal tlang turte reng rengin Border Pass an neih a ngaih tur thu a puang ta a ni.

2. United Nations Declaration on the Rights of Indighenous Peoples 2007 Article 36-ah chuan-

(1) "Tualchhuak hnamte, a bik takin khawvel sorkar ramri khamin a thendarhte chu an in kal pawhin an in tanpui ang a, sakhaw thil leh khawtlang thil, ei leh bar leh politics-ah te anmahni mi leh sate nen in pawha in pawl ho theihna dikna chanvo an nei;"

(2) "Ram roreltute chuan tualchhuak hnamte nena inbe rawnin hetiang dikna chanvote hi tipuitling turin hma a la ang"

3. He Declaration UN General Assembly-a sawi hoa pass a nih lai khan India chuan he Declaration hi tha tia vote tu kha a ni a. Hemi chung changah hian ZORO pawhin India President leh Prime Minister hnenah pawh lawmthu a sawi tawh a ni. Amaherawh chu tunah UN Declaration on the Rights of Indigenous Peoples 2007 chu a dodal zawngin hma a la a, tun hma atanga Zofa ten zalen taka kan in kal pawhna Free Movement Regime chu a thiat ta a, Border Pass tel lo chuan tuman ramri kanin kan unaute tlawh pawh phal a ni ta lo.

4. He Free Movement Regime ti tawpa India-Myanmar ramri kan tura Border Crossing Permit lak a ngai ta hi Zo Re-unification Organisation (ZORO) chuan pawi a ti em em a, UN in Declaration on the Rights of Indigenous Peoples 2007 Articles 36 (1) & (2) a chunga tarlan dikna chanvo (Right) min pek kan hmang thei lo tur hi kan dikna chanvo rahbehna a ni a. Chuvangin India sorkar laipui hian Free Movement Regime a tih tawpna hi hlip leh ngei turin kan ngen a, he kan Dikna Chanvo nei let leh tur hian ZORO chuan a tawp thlengin a bei zel ang.

Issued by:

Zo Re-unification Organisation (ZORO) General Headquarters, Aizawl, Mizoram

Share: