ZOLAND TE’N THAUMUK NGAT IN SIAL LEH SUM NGEN

16 Jan 2025 ---- Zogam Lezang khua ah Zoland te pai in, Zogam Lezang khua sung ah noptat mahmah uh hi. Lezang khuate' kiang ah khuamin tawh Vok khat hong gawh un ci'n ngetna nei uh a, khuamite in nial ngam lo in Vok khat gawh uh hi.

Khuasung mite meeting kaikhawm uh a, Sial 3 leh Ks.10,0000 (Teng sawm) piakloh phamawh ding in thaumuk ngat in kiciamna neisak uh hi.

Hihthu tawh kisai in Zoland te' gamtatzia Zogam Power in dik kisa lo ahihman in hihbang gamtat hoih lohnate nong zop nawn lohna ding un kong thum uh hi.

Sialsa duh lua mahmah na hih uh leh gamdang a om Subingtai kam dimdim in zuauthu genden migensia in nitum den nu' kiang ah ngen zaw unla, mipi' tung ah zawhtawh thu tawh ngetna nei nawn kei tapeuh un.

Zogam Lezang khua mite' khitui luannate mawkna lo ding ahihlam phawk tawntung un.

Mailam ah hihbang gamtat siatnate Zogam ah nong zat nawn lohna ding un kong theisak uh hi.

Lezang khua in Zoland te Vok gawh hi lo zaw in, Zoland te in Lezang khua te thaumuk ngat in Vok kigawh sak hizaw hi.

Lezang te'n Zoland te Vok gawh abat in kila ahihman in, khuami teng in sum kidong in dam loh/ dit kikkik akul hita.

~ Zogam Power
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭

Share: