YPA Dorcas Veng in Computer Set leh Printer petu' Innkuan hunzatpihna nei
Zan tarik 6th January, 2025 (Monday) nitak 6:00 pm in YPA Office, Dorcas Veng mun ah, YPA Dorcas Veng in YPA gou (asset) leh vanzat manpha hi ding a Computer Set leh Printer petu' Innkuan Mr.&Mrs.Thangkhawmsang Duhlian leh Manini Makabo, Shillong (Meghalaya) te tung ah kipahthu genna hunzatpihna nei uhi.
Hunzatna G.Kamsanglian, Secretary, YPA Dorcas Veng in makaihna nei in, YPA Dorcas Veng gou leh vanzat ding Computer Set leh Printer petu' Nupa tegel omthei kei mahleh uh, a Upa' Khuma Duhlian S/o D.Thangtinlun, Chiimtung Area, Dorcas Veng kiang ah K.Khamzading, President, YPA Dorcas Veng in Pahtakna Laipi/Memento piakna leh Puandum silhsakna nei hi. K.Khamzading, President, YPA Dorcas Veng in a genna ah; Thangkhawmsang Duhlian te nupa' in neihval ziak hilou in, YPA poimoh vanzat ding kiphaltak a apiakna uah, Pathian tung leh Petu nupa' te tung ah kipahna lianlua ahihdan gen hi.
Khuma Duhlian B/o Thangkhawmsang Duhlian apan thugenna saulou om in; Anaupa' te nupa sepna ziak in hunzatna a omthei kei mahle uh, Thangkhawmsang in YPA ading a piaktheih aneih omte ziak a Khotang/Mihinpihte' adi'a nnasepna a Innkuan khat i hihdan uh kilatna banah YPA Dorcas Veng nnasepte leh vaihawm zia te thupi leh zahtakhuai ahihdan genna nei hi. Upa H.Pumsong, Works Secretary, YPA Dorcas Veng in Thangkhawmsang Duhlian Nupa' te ading in thumsakna nei hi.
G.Kamsanglian, Secretary, YPA Dorcas Veng in Computer Set leh Printer piak a omdan report tomkim nei in; Meitei gal buai tung apan YPA Office work leh vanzat ding Computer poimohna liandiak ahihman in, donate theitu ding zonna neih ahihlai in neulai akipan lawmhoih (Childhood friend) Thangkhawmsang Duhlian in Anupa'/Family min a piakding zaksakna kimuh dungzui in, June 5, 2023 in Computer Set (Lenovo) leh Printer (Epson L3212 Color All-in-one Ink Tank/Flat Bed Scanner-Black) Rs.48,500/- man piak a om Pastor Dr.Tunson Tunglut, Local Pastor, EBCC Dorcas Veng in latna ana neita ahihdan genna nei hi.
YPA Dorcas Veng Office work nasepna kia gentaklouh (Relief leh Defence) vai a naktak in thadontu gou (asset) leh vanzat Computer/Printer thilpiak suak ahihman in, kipahthu genna hunzatpihna Petu'/Family te Innlam hong pai ding uh sawtpi hungaih ahihnung in, lemtangzaw ding gelna in Innlam a om a Upa' Khuma Duhlian tungtawn a neihtheih a om man in, kipahthu genna G.Kamsanglian, Secretary, YPA Dorcas Veng in nei hi. Thangkhawmsang Duhlian leh Azi' Manini Makabo te ahihleh tanu 1 nei in, tulel in Shillong mun pansan in a Nupa' un SBI ah Officer liantak nasemtuak un khosa lel uhi.
Zan tarik 6th January, 2025 (Monday) nitak 6:00 pm in YPA Office, Dorcas Veng mun ah, YPA Dorcas Veng in YPA gou (asset) leh vanzat manpha hi ding a Computer Set leh Printer petu' Innkuan Mr.&Mrs.Thangkhawmsang Duhlian leh Manini Makabo, Shillong (Meghalaya) te tung ah kipahthu genna hunzatpihna nei uhi.
Hunzatna G.Kamsanglian, Secretary, YPA Dorcas Veng in makaihna nei in, YPA Dorcas Veng gou leh vanzat ding Computer Set leh Printer petu' Nupa tegel omthei kei mahleh uh, a Upa' Khuma Duhlian S/o D.Thangtinlun, Chiimtung Area, Dorcas Veng kiang ah K.Khamzading, President, YPA Dorcas Veng in Pahtakna Laipi/Memento piakna leh Puandum silhsakna nei hi. K.Khamzading, President, YPA Dorcas Veng in a genna ah; Thangkhawmsang Duhlian te nupa' in neihval ziak hilou in, YPA poimoh vanzat ding kiphaltak a apiakna uah, Pathian tung leh Petu nupa' te tung ah kipahna lianlua ahihdan gen hi.
Khuma Duhlian B/o Thangkhawmsang Duhlian apan thugenna saulou om in; Anaupa' te nupa sepna ziak in hunzatna a omthei kei mahle uh, Thangkhawmsang in YPA ading a piaktheih aneih omte ziak a Khotang/Mihinpihte' adi'a nnasepna a Innkuan khat i hihdan uh kilatna banah YPA Dorcas Veng nnasepte leh vaihawm zia te thupi leh zahtakhuai ahihdan genna nei hi. Upa H.Pumsong, Works Secretary, YPA Dorcas Veng in Thangkhawmsang Duhlian Nupa' te ading in thumsakna nei hi.
G.Kamsanglian, Secretary, YPA Dorcas Veng in Computer Set leh Printer piak a omdan report tomkim nei in; Meitei gal buai tung apan YPA Office work leh vanzat ding Computer poimohna liandiak ahihman in, donate theitu ding zonna neih ahihlai in neulai akipan lawmhoih (Childhood friend) Thangkhawmsang Duhlian in Anupa'/Family min a piakding zaksakna kimuh dungzui in, June 5, 2023 in Computer Set (Lenovo) leh Printer (Epson L3212 Color All-in-one Ink Tank/Flat Bed Scanner-Black) Rs.48,500/- man piak a om Pastor Dr.Tunson Tunglut, Local Pastor, EBCC Dorcas Veng in latna ana neita ahihdan genna nei hi.
YPA Dorcas Veng Office work nasepna kia gentaklouh (Relief leh Defence) vai a naktak in thadontu gou (asset) leh vanzat Computer/Printer thilpiak suak ahihman in, kipahthu genna hunzatpihna Petu'/Family te Innlam hong pai ding uh sawtpi hungaih ahihnung in, lemtangzaw ding gelna in Innlam a om a Upa' Khuma Duhlian tungtawn a neihtheih a om man in, kipahthu genna G.Kamsanglian, Secretary, YPA Dorcas Veng in nei hi. Thangkhawmsang Duhlian leh Azi' Manini Makabo te ahihleh tanu 1 nei in, tulel in Shillong mun pansan in a Nupa' un SBI ah Officer liantak nasemtuak un khosa lel uhi.
~ WAP
%20along%20with%20MANMASI%20Editorial%20Board.%20Pix-BRUCE%20K.%20THANGKHAL.jpg)
%20-%20MANESHE%20CULTURAL%20TROUPE.jpg)
.JPG)
No comments:
Post a Comment
Comments not related to the topic will be removed immediately.