Pherzawl-Parbung Electric Line gui niam mah mah

Bukpi 6th Jan 2025: Kum bangtan hiam paita akipan in Bukpi khokiim leh kiang ah electric lak na guipi 33kv (High tension ) Pherzawl leh Parbung line gui niam mahmah a, dainawl a singpua, vaksuk, vaktou te adia nawngkai na naktak tun ahih thu aki saipih Deptt. (MSPDCL) te Village Authority tungtawn a theihsak zel himah leh tuni tan a bawl thak/puahthak a om tuanlou in kumlui 2024 November kha in meigui in pa N.Thongzatuan Sialpi khat manlum hi.

Aki saipih mite kiang a thutut zel himah leh tuni tan ngaihsak a a om tuan louh ziak in zan Dt. 06/01/2025 (Monday) mahmah in Nu Kaizaching Bawngpi khat leh Pa Lamkhanson Uipi khat manlum nawn a poi kisa mahmah hi. Hiai High Tension gui ahih leh Bukpi khua lutnadi bul waiting shed sak gamlak leh Pa Thangkhosiam huansung tawn a niamtak apai hi a, Gan a matlup na munte ahih leh a saan dan leitual apan feet 3 (thum) lel di a meigui pai ahih man in kuapeuh adi'n lauhhuai in mitdonhuai mahmah hi.

Hiai bangthu suahthak/ theihsak thak ahih apan ngahsak a aom masiah Pherzawl Sub station, Parbung Sub station Electric high tension gui disconnect hidi'n Bukpi khomi te apan thutut kimu hi.

Tuadan ahih ziak in akisaipih miten akinlam a ngaih ven a, etfelpah hitheita leh chih khosung mipi leh Village Authority apan thusuak kimu hi. 

~ WAP

Share: