Myanmar Leh India Ramri Khar Kal Tlang Dan Awl Sam

06 January 2025 --- India Central chuan Assam Rifle hmangin Myanmar Chinland ram Chin State Hualngoram, Tio Khawmawi leh India ram Mizoram State Champhai District Zokhawthar khua in kar chu kum thar January 1st atangin vawiin thleng an khar hmaka, he thil thleng chungchangah vawiin ah a hmun ah kalin thu zawh fiahna kan va nei.

Myanmar mi tan ;

Myanmar ram mi chuan Tio Khawmawi Gate bula awm HPO/CDF-Hualngoram leh Police te hnenah fiah taka zawh theih an ni a, Hualngoram office lam ah kalin lehkha siam tir theih reng a ni. Mi pakhat tan lehkha siam tir man Ks,1000 fee thun tur a ni a, chu lehkha hriatpui na hmangin awl sam takin Assam Rifle duty lakah luh chhuah theih a ni.

Hriatpuina lehkha chu Mizoram, Zokhawthar thlenin ( ral leh lam) Assam Rifle hnenah nem ngheh tir tur a ni a, zing lam dar 6:00 AM atangin tlai lam dar 3:30 PM thleng Assam Rifle office hawn a ni a, lehkha siam ni atangin ni-7 chhung a nung anga, siam nawn tir leh țhin tur a ni. Eng mah hlauh awm leh buaina tur  a awm lem lo.

Pathian rawngbawltu leh Political&mipui sipai hotu lam tan erawh kum khat daih FMR lehkha an siam sak theih thu HPO/CDF-Hualngoram lam chuan an sawi.

Phalna lehkha kan siam tir loh chuan Myanmar ram nihna ID card neih a ngaia chuti a nih loh chuan Assam Rifle lam in Mizoram luh an phal tawh lo. ID card nen Tio Khawmawi a kal theiha Mizoram lut tur chuan HPO/CDF-Hualngoram hriatpuina lehkha a ngai thung a ni.

Mizoram mi tan; FMR chuan Km10 bak a huam lo va Champhai District hung chhung ID card nei tan chiah zalen taka luh chhuah theih a la ni a, thil dang tul erawh a la awm lem lo.

Sum dawnna bungrua lut chhuak erawh ni dang angin ramri ah a lut chhuak reng tho a, motia (ni 100 hlawh) thawktu te chuan hriatpuina lehkha nen felfai takin an thawk chhunzawm mek zel tho a ni.

Tio Khawmawi atanga Zokhawthar lam school kal zirlai naupang pawh tluang takin an kal chhun zawm thei a, kum tling lo naupang te chu an chhungten phalna lehkha nen an kalpui thin tur thu an sawi.

Thu chhuah leh a awm hma chu he tia kal pui chhun zawm tur a nih hmela, mipui tan nun phung erawh a khaih lak ve hle bawk a ni.

********************

India Central lam thawktu pakhat thu kan zawh fiah angin tiang hian chhanna min pe;

India leh Myanmar ramri hmun dang pawh an khar chhun zawm tur thu an sawi a, luh chhuah dan fel fai taka siamin ramri control an tum tawh thu an sawi. He thil hi ram dang leh hmun dang atanga lo kal te pawh fiah taka record an neih theih nan niin an sawi bawk.

India in Assam Rifle hmanga FMR a control chungchangah Police leh Department dang NGO thlengin eng mah hmalak theih a ni lo va, India Central lam chuan Order a pek khauh hle thu hriat a ni.

~ Zofa Journal

Share: