MEITEI - KUKI GAL HI HOIJA HUNG KON HAM: Dr. Sir H.H. Mate

MEITEI le Kuki te hi akhang akhang’a ana chengkhomte ana hiuvin, Manipur a Meitei dihlou Cachar (Assam) gam ma konna hung vahlut mini in CM ahin poh a patna hi mei hi ahin cho lhonna tuni’a mei koudoh a, Meitei dih tah Manipur gam sung phaicham ma chengho genthei na sangtah sohdoh ahitai. Centre a RSS hole Papong le Sumbu pipa kichepna ahin, ahi jeh a tuni channa donna ase lhonlou ahi. Chule, Ehsante hin Kukite hi anuoise val uva, gal’in kibol leh kithat gam jou thei jin tin ahilou leh gam dang’a jam mang uvin tin, chuteng leh agam kilo thei nante tia tua CM Detolpa, akengto tatna, alhoh tat chavai pan khonung, khoma ding musao louva anam volunteer ho le thingnoi mi ho kison pina jalla natoh apat uleh amaho gel toh bang talou ahi.

Kukite la aicha ako sung’a ahang nge kiti bang’a apute-apate gam sung’a hangsan tah a pang ahi tauvin, Ehsanten CF hole State force hotoh akitho vang’uva Pathen in ajah nomlou jeh a ki jumso jing ahiuve. Tulang hin inam sung’u akivetna ahileh ponkang sil le ponvom sil (lungthim pha le lungthimse) a-um tan ahi. Ehsante toh kisah thei ding lungput nei jong ahung umtai. Hitobang lungput nei hi Kukite lah a a-um tah jeh a Ehsanten einuoise cheh cheh u ahi bouve. Meitei-Kuki gal hi Papong le Sumbu pipan Kukite ding’a solution (SA/UT) apeh doh louva ahileh chesot ding ahi. Gal hi hung khoh cheh cheh maithei ahi. Ehsanten tua hi Kanggui district lang hi kijou ding ham tia nasa tah a State le Central force hotoh gal abollu ahin, Kanggui mite kilungto dan le hansan dan ahin het them phat uleh hoilang ahin ngat diu ham? Lamka or Moreh hi atup ten ten’u ahi bouvin ahi.

Kanam mite ho, manchah, amu, alengchom le alengsao phaten lam be, choh be hiutin, phaten kiguong hiute. Lamka ten sei ingai lou uleh ineh u hung twi ding ahi. Nam lamkai, inpi, KIC, ZC, MPC, HI chule KCA, ZCA chule CSO dang dang ho phaten kiguong pan tauvin, igal nei uhi moh thip pon te. Ehsante hi thangtom cheh cheh ahiuve. Kuki Army hole volunteer ho jong phate a gal kap ding’a kigo sa dem’a na-um lou uleh iboi nao hung sang ding ahi. Centre a nahsang ten Kuki le Meitei kinah nahi chance ahin lah diu ahi. Gal kap louva SA/UT mu ding in vang kipum nep da mai hiute, sopite. Lamka sung’a lamkai ITLF, KIC, ZC, MPC hon thilguon nei pan loi uvin, PP le MS sem ho phaten material chohna ding sum le pai pe uvin lang, thal jong, alengchom le alengsao jong tamtah semdoh sah loi uvin, tu tua gal kap ding deilou hohin gal ahin kap thou thou na diu nikho hung lhung ding ahi. Taona mang ho thase poute, tao jing hiute, alengchom alengsao le manchah/thal sem hojong lhase poute, inam’a ding’in pang jing ute. Ehsanten Lamka gam sung hi ahin tham niu leh akhopi hou lhut thei chan lhut hiute, hichu igal jonao hi ding ahi. Anuoija lamkai hon gal kap ding le alengchom, alengsao lha ding kicha hih uvin, hiche ding’a kisem ahi.

Ibol thei thei ibollou uleh Ehsanten igam’u alo/alah diu ahi. Chule Papong le Sumbu pipan jong ichung thu-u aseilhon lou ding ahi. Chule, Moreh te hi gal kipat tilla chu Commando mi 20 bep ana umho hedoh/suhtheng doh uvin tia kisei pih jing ahin, henge, ati uva, aki nom nom kah uva Detolpan vanleng’a mi tamtah asollut pih phatna alonaji tuchanna ahet louvu ahitai. Kwatha hal lha uvin, Ehsante sepai ho nodoh uvin tia kansei jing chu angai lou jeh uva tua hi umden ahiuve.

Ehsanten Moreh khopi hi lotei ding aguot nu ahi. Agam mite hon Moreh khopi huh doh jouna ding’a pan nasatah a nalah u ngai ahi. Detolpan akam ma asei achuom, atohsah achuom ahi ti hi Kukiten nasuh mil lou diu ahi. Detolpan adei deija thu asei, gal a bol sah hi koi jeh ham? Iding’a BSF le CRPF ho Manipur a hung kitol lut thei ham? Home Ministry noija um ahiuvin, Detolpa hin Home jong apoh tha ahin, adei deija aman ding’a hung ki sol ahi hi Kuki ten hethem uvin, Hiche bol hi Papong le Sumbu pipa ahin, iki cheh thei ten diu ahi.

Kanam mite ho, philosopher pan nahilnao, naphonao, nathumop nao, natil khounao hohi phaten gel uvin lang, phaten kiguong hiute. Kathu sei ho atamjo guilhung gam ahitai. Tua ahung lhung ding’a kahin seiho jong hi mingol thusei tia nagel uva, thip jen jun, model dulla na-um uva, naki guot tup lou uleh asalai iso kit diu ahi. Kukiten SA/UT hi imulou uleh ineh diu hi hung twi sel ding ahije. SA/UT muding iti uleh na itoh diu, thu isei diu ahi. Kiven mai mai jin koiman eiho SA/UT eipedoh po vinte sopite. Gal ahi leh gal sat ding ngai ahi. Gal kadei poi iti uleh ithi gam diu hi tam? Namel maten tha gam kei ding’a gal na bol khum’u hilou ham?

**********************

If you want to read about the author, click the links below:

Dr Sir HH Mate: The Jewel of Manipur

Dr HH Mate achieves 100 awards

**********

Share: