ZRA-EC toh kikapna ah melma CNA/ F, CC lam a kipat in hinna taan tamtak om chihthu kiza hi. A limte uh sel'chip sawm mah le uh, selchip zou tuanlou uhi.
CNF/ A in agitlouhna asutzop zel leh hiaidan a misi kibehlap zel ding [uh] ahi. ZoRO' deihdan zahtaak uh hen.
*Unau kaal a sisan suahna akiamna ding in, hong pil mah² uh hen aw…*
_________
Zan zinglam dak 9:00 in, Chin State Tedim DC huamsung ah, Tualthat Migilou CNF/ A leh anoukaite hong lut uhi. Zogam mipi'n kideihlou ahihman in, *"Zogam a kipat akinthei pen in paikhia un"* chi'n khovel pumpi a om Zomite'n _Online_ tungtawn in lungphouna kinei hi.
Theih ding ah; CNF/ A leh anoukaite'n Tedim laak ding paulap in Zogam Tangvalte' omna mun teng manoh/ masuan uh ahihman in kikaptuahna piang hi.
Huai ban ah, Zomi tuailai khenkhat hiam (galvan) tawisak in Zomi sung toknawi sak uh chih kithei a, hichibang a Zomi khenkhap sawm a akalsuanna uh khawlsan ding in mipi'n ngetna kinei hi.
Huchi ahihziak in, Zomite' mun leh mual teng ah hiam (galvan) tawi a mipi sukpatuahna, khat leh khat kimuhkhelhna ding thu leh la tuamtuam toh akisingsatnate uh sunzom nawnlou ding in khovel pumpi a om Zomite' ngetna leh lungphouna kinei hi.
19-01-2025 | Sunday
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
.JPG)
No comments:
Post a Comment
Comments not related to the topic will be removed immediately.