January 2nd, 2025 --- Chinland ram Chin State leh India ram Mizoram State in ramrina Tio Khawmawi leh Zokhawthar khua in kar lei chu India Sawrkar chuan January 1st kum thar atangin vawiin January 2nd ah pawh a la khar chhun zawm thu tualchhung mi ten Zofa Journal ah a hriattir.
Thu dawn danin;
India Central order Assam Rifle lam chuan lei dawh chu kharin Tio lui atanga Myanmar ram kal pawhna hmun hrang hrangah an duty chhun zawma duty an la khauh hle a ni.
India ram mi tan Myanmar ram kal tlang tur chuan India ram nihna ID card or Addar ken chhuah a ngai a, Myanmar mi ten India Mizoram kal duh chuan Tio Khawmawi khawtlang hriatpuina lehkha hmuh tir an beisei thu tualchhung mi ten an sawi bawk a ni. Kum thar ni te a nih avangin Buannel leh Rih dil chhim duh leh lo hawng duh mipui tam tak chuan harsatna an tawk nghal bawk a ni.
Free Movement Regime (FMR) chu India Sawrkar chuan a tih tawp avangin Myanmar raltlan tan chuan harsat lian tak pakhat a tling thu sawiin eng chen nge an khar dawn hriat a ni lo.
India Sawrkar chuan hmun dang chu a la khar lem lo a, he buaina hi then khat chuan Mizoram Sawrkar leh NGO kal tlanga fel leh thuai an beisei thu an sawi.
--- Zofa Journal
%20along%20with%20MANMASI%20Editorial%20Board.%20Pix-BRUCE%20K.%20THANGKHAL.jpg)
%20-%20MANESHE%20CULTURAL%20TROUPE.jpg)
.jpg)
.JPG)
No comments:
Post a Comment
Comments not related to the topic will be removed immediately.