INAUGURATION: MIZO MULTI-VOLUME BIBLE

MIZO MULTI-VOLUME BIBLE TLANGZARH A NI

India rama multi-volume Bible hmasa ber, _Mizo Multi-Volume Bible_ chu vawiin January ni 7 khan Bible House-ah tlangzarh a ni. Rev. Remlalfaka, Auxiliary Secretary, Bible Society of India, Aizawl Auxiliary chuan he Bible buatsaih a nih dan hi a sawi fiah a, Rev. Dr. Vanlalnghaka Ralte, Auxiliary President chuan mipui lei theih turin a tlang zarh a ni.

He Bible hi kan Bible hman tlanglawn ber, Mizo Bible OV Re-edited 2017 a ni a, Bible pakhat, volume hlawm ruk (6)-a then niin heng hlawm hrang hrangte hi box chhunga fel taka rem theiha duan a ni.

Volume 1-naah hian
*Dan Lehkhabute* a awm a,
Volume 2-na hi
*Chanchin Ziahna Lehkhabute* niin,
Volume 3-na hi
*Hla leh Finna Bute* a ni.
Volume 4-naah hian
*Zawlnei Lehkhabute* a awm a,
Volume 5-na hi
*Chanchin Tha Bute* niin
Volume 6-na hi
*Tirhkohte, Lehkhathawnte leh Thupuan* te an ni.

He Bible hi hawrawp hraw taka chhut niin, mit chak lo leh taksa chak lote tan pawha awlsam taka chhiar theih leh lek nuam tura siam a ni a, chhungkaw Bible atana hman remchang tak a ni bawk.

Mizo Multi-Volume Bible hi Bible House-ah leh Kohhran lehkhabu dawr hrang hrangah Rs. 1900/- a lei theih a ni ang. 

~ Zoram Voice News

Share: