HAOSA LEN PU LHUKHOMANG LEH MAHARAJ CHURACHAND KINGAILUTNA
Haosalen Pu Lhukhomang @Pache Chahsad pa leh Phaicham Lengpa Churachand chu ana kijol lhon in, thukhoh-kinkhoh aumsehle maharaj chun Pu Pache chu anakou jing in ahi. Chuchilai a chu phaipi(Imphal) a hi eimi koima anachenglou ahijeh in Paona road a Saap manai/Saap minai (khonunga Kakhulong tia kiheho) hon jinlhun in anaboljeh u chun Pu Pache leh anungjui hon lhunna-genan anamangji uvin hinlah analungkimjouji pou e. Pu Pache in jong Churachand kom a anang inla neikou jing in, kei dingin lah kicholna ahahsai atileh Maharaj in jong achapa Budhachandra kuom ah chahsadpa lhunna ding munkhat pehding in anaseijin hiti chun Maharaj Bodhachandra in nisim 10th Dec.1948 kum chun lengte compound tua Haokip-Veng kitina mun hi ahinpetan ahi.
#Bodhachandra in Merger Agreement soi akai ding Chahsadpan jahnuomlou.
1947 kum'a Britishten India anadalhah phat u chun Manipur phaicham lengpa Churachand chapa Maharaja Bodhachandra leh thinglhang a Kuki haosalen Pu Pache chapa Pu Tongkhothang Chahsadpa chun agamcheh lhon chu Britishte vaipoh masang tabanga avel'a zalenna lhingset hikit a agellhon ahi. Hinlah, chuchilai a Indian Union Home Minister Sardar vallabahai Patel in phatkhat a British India a ana umkhom gamjouse Pakistan tilou chu Indian Union a kipelut ding in thupeh khoutah ahinneitan ahileh manipur jong chu 1949 kum ngeingei a Union a merged dinga thupeh ahung lhung tai. Home ministry thupeh chungchon a chun phaisunga Akhil Hindu Mahasabha kitiholoi chun lengpa'n manipur chu Indian Union a apehlutloi ding in ano uvin kiphinna nasatahtah anabol uvin ahileh maharaja Bodhachandra chu analungkham lheh jengtan anahi.
Chutia Maharaja Bodhachandra lungkham leh lengvaitah a aum chu Pu Tongkhothang Haokip in ahin hetdoh phat in Manipur pumpi Indian Union a ajaokit ding chu agelthei him him tapoi. Ajehchu Britishte vaihopna kichainunga Indian Union a um ding chu midang thaneina noi a ki-umthou thou ding ahin zalenna umdehlou ahi tin anaote haosalen ho:
Pu Sumkhohen Haokip (Nabilpa)
Pu Vumtong Haokip
(Maokotpa)
Pu Paolen Haokip (Saitupa)
Pu Paokhohang Haokip (Saitol)
Pu Solet Haokip
(Aihangpa)
Pu Thongngam Haokip (Leirik Vaisonpa)
Pu Chunghao Haokip
(Teijangpa)
Pu Pakang Haokip
(Hengleppa)
Pu Limmang Haokip (Gotholpa)
Pu Semchung Haokip
(Songpipa)
etc
akoukhom in anungjui u thaldom cheh pasal 250 leh 300 kikahtoh phaipi ahinjon uvin palace gate a khun apang uvin Bodhachandra in merger agreement gakailoi hen chuleh alenghina suhmang in umhen tia kiphinan nasatah bol a lengte nokhum jeng ding gong Akhil Hindu Mahasabha kiti holoi chu palace gate a khun anating uvin lengpa chu nasatah anaveng uvin ahi. Chuleh maharaja jong chun agamsung zalenna chu nasuhbeilou ding, shillong a jong nachelou ding, na lengvaipohna jong napehlou ding ahi tin hilchahna ananei uvin ahi.
Maharaja Bodhachandra chu Kuki haosa hon phatah a aven jeng vang uvin Union Home Ministry akuon telegraph nivei thumvei ahung phat in lengpan iti nama jongleh thupeh hi kinangjoutaponte ti ahetan hiphat chun aman jong a pathen ang'ah thumvei agabohkhup in ahung kilen Kuki haosahoto chun akika uvin chu in lengpa jong 15th September 1949 nikho chun lhisoh pum in Indian Union a kipelut ding in Shillong anajontan ahi.
Chahsadpa leh anaote jouse jong chun lhisohpum in maharaja Bodhchandra chu anavailhah uvin hinlah outer manipur a thunei vaihom kuki haosa hovang merger agreement a pang ding in koiman kouna anamuhih uvin ahileh tuchan hin manipur thinglhanggam hi Indian Union a akipehlutlam akihepuon, phaicham lengpa soikai jeh a chu India vaihom hon manipur pumpi chu vai ahopkhum jeng dan u hintin, ahinlah Phd phasah jih dungjui in Bodhachandra in manipur gam Indian Union a agapehlut gam chu phaicham gambeh khat bou ahin, manipur pumpi ahoppoi atiu e.
# Pu Haokhothong Haokip Haosa a anatung u.
Maharaja Bodhachandra jong Shillong a kon ahungkile jou 15th Oct.1949 nikho chun leng ahina a athaneina jouse lahpeh ahitai. Aleng hina lahpeh hita jongleh manipur thinglhanggam a Haosa len phabep chahsadpa lamkaina a phaicham lengpa vengtup dingleh agam Indian union pelutlou a zalentah aumjing ding gelkhohna jala lunglengvaitah aumpet a ahung panpinau chu aman jong asumil theipon hijeh chun chahsadpa phaituol a ahung kholjinle komleh alhunna ding in sahna ding mun anapehsa chu munna chun Mamong Tingkai a kon lengte Mali a hung pang Pu Haokhothang Haokip chuchipet a Jongveng( Mahabali) anacheng leh 1946 lai a pat State Maharaja Police a anapang Pu Haokhothong ( Service no.106) chu lengpa pehsa inmunna chun in ahinsa lhon in ana chengpantau in ahi. Pu Haokhothong hi sepoy anahi jehin sepoy lane tua 1st MR a khu anacheng ahi. Alangkhat a Pu Haokhothang hi lengte Mali ahijeh a chu Jongveng tua mahabali temple kisahna keng a khu anacheng ahi. Jongvenga achenna mun chu jaan teng lhadam, Joumi leh thilha ahat in sunleh Jong alaangkit in ahileh amaho jong lungmong in anachengthei hih uvin ahi.
Lengpa pehna mun a Pu Haokhothong leh Pu Haokhothang ahung chenlut phat in u leh nau phabep in ahinbel uvin ahileh kho kivaipohna a kivaipohthei dinmun ahiphat in Haokip sunga lunggel theiho leh phungpi ho 1962 kum in akihoukhom uvin chenna mun hi Haokip-veng hisah ute tin akiphatsah uvin Pu Haokhothong Haokip chu Haosa in apansah uvin ama damlaisungse a acheng jousen dangka 1000 cheh Haosapu jabolna apeh cheh ding u, kivaipohna vang chu abonna Committe in anei ding ti ahi. Hichi committee hi Haokip-veng Village Authority tin akihetai.
#Haokip-venga cheng hon patta ahinnei theinau
Atil chun Chahsadpa lhunlena ding a Leng Churachand in achapa Bodhachandra anathulhah jala gam hung kipe chu hijongleh patta umlou ahijeh chun khonung in lengte in gam ahin lelahnuom phat uvin Haokip-veng a acheng hotoh case anakibol uvin hiva Haokipte advocate chu Pu Manisana ahin lengte Advocate chu RK Dorendro ahi. RK Dorendro chun thusimlui ho ahetjeh chun lengte(Four Brothers) leh Haokipte kikah chun kichamna ahinsem in, chujou in aman jong MLA atet in CM chan ahung hitai. CM ahung hi phat in palace compound a innei hon patta akisemthei ding uvin ahin phatsahtan ahileh vengmiten jong Four Brothers ho kuom a No Objection Certificate (NOC) aga kilah uvin patta dettah chu ahin neidohthei u ahitai.
#Thuchaina
Haokip-Veng kiti hi chahsadpa phaituol a ajinkuomleh akicholna dinga Leng churachand in achapa Bodhachandra athumop bang a hung kipe chenna mun ahin, hichi mun hin Kuki Haosalenho leh Phaicham lengte akigailutnau leh gam ahuhkhomnau melchihna apoh ahi.
Haosalen Pu Lhukhomang @Pache Chahsad pa leh Phaicham Lengpa Churachand chu ana kijol lhon in, thukhoh-kinkhoh aumsehle maharaj chun Pu Pache chu anakou jing in ahi. Chuchilai a chu phaipi(Imphal) a hi eimi koima anachenglou ahijeh in Paona road a Saap manai/Saap minai (khonunga Kakhulong tia kiheho) hon jinlhun in anaboljeh u chun Pu Pache leh anungjui hon lhunna-genan anamangji uvin hinlah analungkimjouji pou e. Pu Pache in jong Churachand kom a anang inla neikou jing in, kei dingin lah kicholna ahahsai atileh Maharaj in jong achapa Budhachandra kuom ah chahsadpa lhunna ding munkhat pehding in anaseijin hiti chun Maharaj Bodhachandra in nisim 10th Dec.1948 kum chun lengte compound tua Haokip-Veng kitina mun hi ahinpetan ahi.
#Bodhachandra in Merger Agreement soi akai ding Chahsadpan jahnuomlou.
1947 kum'a Britishten India anadalhah phat u chun Manipur phaicham lengpa Churachand chapa Maharaja Bodhachandra leh thinglhang a Kuki haosalen Pu Pache chapa Pu Tongkhothang Chahsadpa chun agamcheh lhon chu Britishte vaipoh masang tabanga avel'a zalenna lhingset hikit a agellhon ahi. Hinlah, chuchilai a Indian Union Home Minister Sardar vallabahai Patel in phatkhat a British India a ana umkhom gamjouse Pakistan tilou chu Indian Union a kipelut ding in thupeh khoutah ahinneitan ahileh manipur jong chu 1949 kum ngeingei a Union a merged dinga thupeh ahung lhung tai. Home ministry thupeh chungchon a chun phaisunga Akhil Hindu Mahasabha kitiholoi chun lengpa'n manipur chu Indian Union a apehlutloi ding in ano uvin kiphinna nasatahtah anabol uvin ahileh maharaja Bodhachandra chu analungkham lheh jengtan anahi.
Chutia Maharaja Bodhachandra lungkham leh lengvaitah a aum chu Pu Tongkhothang Haokip in ahin hetdoh phat in Manipur pumpi Indian Union a ajaokit ding chu agelthei him him tapoi. Ajehchu Britishte vaihopna kichainunga Indian Union a um ding chu midang thaneina noi a ki-umthou thou ding ahin zalenna umdehlou ahi tin anaote haosalen ho:
Pu Sumkhohen Haokip (Nabilpa)
Pu Vumtong Haokip
(Maokotpa)
Pu Paolen Haokip (Saitupa)
Pu Paokhohang Haokip (Saitol)
Pu Solet Haokip
(Aihangpa)
Pu Thongngam Haokip (Leirik Vaisonpa)
Pu Chunghao Haokip
(Teijangpa)
Pu Pakang Haokip
(Hengleppa)
Pu Limmang Haokip (Gotholpa)
Pu Semchung Haokip
(Songpipa)
etc
akoukhom in anungjui u thaldom cheh pasal 250 leh 300 kikahtoh phaipi ahinjon uvin palace gate a khun apang uvin Bodhachandra in merger agreement gakailoi hen chuleh alenghina suhmang in umhen tia kiphinan nasatah bol a lengte nokhum jeng ding gong Akhil Hindu Mahasabha kiti holoi chu palace gate a khun anating uvin lengpa chu nasatah anaveng uvin ahi. Chuleh maharaja jong chun agamsung zalenna chu nasuhbeilou ding, shillong a jong nachelou ding, na lengvaipohna jong napehlou ding ahi tin hilchahna ananei uvin ahi.
Maharaja Bodhachandra chu Kuki haosa hon phatah a aven jeng vang uvin Union Home Ministry akuon telegraph nivei thumvei ahung phat in lengpan iti nama jongleh thupeh hi kinangjoutaponte ti ahetan hiphat chun aman jong a pathen ang'ah thumvei agabohkhup in ahung kilen Kuki haosahoto chun akika uvin chu in lengpa jong 15th September 1949 nikho chun lhisoh pum in Indian Union a kipelut ding in Shillong anajontan ahi.
Chahsadpa leh anaote jouse jong chun lhisohpum in maharaja Bodhchandra chu anavailhah uvin hinlah outer manipur a thunei vaihom kuki haosa hovang merger agreement a pang ding in koiman kouna anamuhih uvin ahileh tuchan hin manipur thinglhanggam hi Indian Union a akipehlutlam akihepuon, phaicham lengpa soikai jeh a chu India vaihom hon manipur pumpi chu vai ahopkhum jeng dan u hintin, ahinlah Phd phasah jih dungjui in Bodhachandra in manipur gam Indian Union a agapehlut gam chu phaicham gambeh khat bou ahin, manipur pumpi ahoppoi atiu e.
# Pu Haokhothong Haokip Haosa a anatung u.
Maharaja Bodhachandra jong Shillong a kon ahungkile jou 15th Oct.1949 nikho chun leng ahina a athaneina jouse lahpeh ahitai. Aleng hina lahpeh hita jongleh manipur thinglhanggam a Haosa len phabep chahsadpa lamkaina a phaicham lengpa vengtup dingleh agam Indian union pelutlou a zalentah aumjing ding gelkhohna jala lunglengvaitah aumpet a ahung panpinau chu aman jong asumil theipon hijeh chun chahsadpa phaituol a ahung kholjinle komleh alhunna ding in sahna ding mun anapehsa chu munna chun Mamong Tingkai a kon lengte Mali a hung pang Pu Haokhothang Haokip chuchipet a Jongveng( Mahabali) anacheng leh 1946 lai a pat State Maharaja Police a anapang Pu Haokhothong ( Service no.106) chu lengpa pehsa inmunna chun in ahinsa lhon in ana chengpantau in ahi. Pu Haokhothong hi sepoy anahi jehin sepoy lane tua 1st MR a khu anacheng ahi. Alangkhat a Pu Haokhothang hi lengte Mali ahijeh a chu Jongveng tua mahabali temple kisahna keng a khu anacheng ahi. Jongvenga achenna mun chu jaan teng lhadam, Joumi leh thilha ahat in sunleh Jong alaangkit in ahileh amaho jong lungmong in anachengthei hih uvin ahi.
Lengpa pehna mun a Pu Haokhothong leh Pu Haokhothang ahung chenlut phat in u leh nau phabep in ahinbel uvin ahileh kho kivaipohna a kivaipohthei dinmun ahiphat in Haokip sunga lunggel theiho leh phungpi ho 1962 kum in akihoukhom uvin chenna mun hi Haokip-veng hisah ute tin akiphatsah uvin Pu Haokhothong Haokip chu Haosa in apansah uvin ama damlaisungse a acheng jousen dangka 1000 cheh Haosapu jabolna apeh cheh ding u, kivaipohna vang chu abonna Committe in anei ding ti ahi. Hichi committee hi Haokip-veng Village Authority tin akihetai.
#Haokip-venga cheng hon patta ahinnei theinau
Atil chun Chahsadpa lhunlena ding a Leng Churachand in achapa Bodhachandra anathulhah jala gam hung kipe chu hijongleh patta umlou ahijeh chun khonung in lengte in gam ahin lelahnuom phat uvin Haokip-veng a acheng hotoh case anakibol uvin hiva Haokipte advocate chu Pu Manisana ahin lengte Advocate chu RK Dorendro ahi. RK Dorendro chun thusimlui ho ahetjeh chun lengte(Four Brothers) leh Haokipte kikah chun kichamna ahinsem in, chujou in aman jong MLA atet in CM chan ahung hitai. CM ahung hi phat in palace compound a innei hon patta akisemthei ding uvin ahin phatsahtan ahileh vengmiten jong Four Brothers ho kuom a No Objection Certificate (NOC) aga kilah uvin patta dettah chu ahin neidohthei u ahitai.
#Thuchaina
Haokip-Veng kiti hi chahsadpa phaituol a ajinkuomleh akicholna dinga Leng churachand in achapa Bodhachandra athumop bang a hung kipe chenna mun ahin, hichi mun hin Kuki Haosalenho leh Phaicham lengte akigailutnau leh gam ahuhkhomnau melchihna apoh ahi.
~ WAP
.jpeg)
.JPG)
No comments:
Post a Comment
Comments not related to the topic will be removed immediately.