Gamgiphai Frontline ah Pu Aron Kuki pan lah dan

Gamgiphai Frontline  PHAILENG Luwangsanggol mun na bunker a AR ho ana pansat thua Pu Aron Kuki in pan ana lah dan:

Tule tua Gamgiphai frontline a Phaileng kho KVV hon duty apoh nao jong khu Gal kipat til a chu khomi jam man ahitan KVV hole SS ho ahung tou leo firing ana um pan in ehsan hotoh Sekmai Commando ho combined force ana hi ji uve.

Tua Saibol din mụn tobang hin eiho komma um Assam Rifle hon kei hon kalo diuvin order aum e nang ho KVV ho khosung a na um sah diu kei hon bunker ka tou pha diu ahi âna tiuvin tahsan tah in nikhat âna ki ot man e. 

Phaileng khomite ahung jam gam chai got phat uvin Pu Aron Kuki, UPF spokesperson pa lamkai nan arms ah ana che uvin bunker kale tou diutai tia Assam rifle hotoh aga kihou leo Assam Rifle ho âna nom tapoi. Assam rifle

Hon thal a ahin đoi uvin kile uvin ahin ti uvin Pu Aron Kuki in kile lou đing a hung kahi hih uvề ka mipi uleh kagam huh đing a hung kahi uvin nang hon jong mipi nahuh nom uva ahileh um uvin lang kei ho um jeh uva boina nasem diuva ahileh kile taovin atin AR hochu ana kidinte pi in ahi. 

Thal a kidoi to uva Frontline mun a ana kihou u ahi. Chu phat in sepai ho chun a CÓ pao a phone uvin CÓ pan jong Pu Aron Kuki kom achun hiche hi Sekmai Police jurisdiction noi ahi nang ho dam na đing kasei ahi kinungle un ahin tipeh'e.

Pu Aron Kuki in jong hangsan tah leh koima kicha louvin, AR CO pa kom ah; Imphal East, Imphal West thu aum poi Phaileng hi Kuki kho ahin kami hou le kagam uhi ahuh ding a um kahiuve kaki nung khin thei lou diu ahi ati jangpet jeng in ahileh AR hochun alonaji ana he deh pouvin ahi.

Hiche ni a chu Sekmai Commando team jong agal a chu ready a um u ahi.

Achai na kheh chun Assam Rifle CÓ pan a Chapang ho thal down abol sah in Frontline mun na kahung ding face to face in kihou hite atin âma jong major ni toh ahung in  khosung a um Pu Aron Kuki toh aga kihou uvin chomkhat jou in Assam rifle ho chu CO pan ale pui in KVV hole SS hon bunker ho ana kile lo in tuni chan geijin bit kei chan i-pansa thei yun ahi.

Hiche nikho chun ana kijou hih leh Phaileng Luwangsanggol jong tuni hi Sekmai Police Station a konna ahin control diu ahitai.

Hijeh chun SoO noija um hijongleh agam leh Anam boina mun huh na ding a AR hihen SF hokom hitaleh hangsan tah a thusei lamkai Pu Aaron Kuki chung ah kipathu isei kit uve.

~ Kuki News Admin Team

(WAP)

Share: