El-Clasico final a Real Madrid leh Barcelona kimaito ding

🔖 Spanish Super Cup Final

El-Clasico final a Real Madrid leh Barcelona kimaito ding


🔲 Jan 12, 2025 (Pathenni)

Saudi Arabia in availhun Spanish Super Cup final tunilhah Jeddah khopi a Real Madrid leh FC Barcelona hung kimaito diu ahi. Masanga hiche Spanish Super Cup hi kumlui a La Liga champion leh Copa Del Rey champion ho direct a final match kichem jiu ahin, hijongle 2020 apat achedan hung kikhel a, team 4 in pan alah u ahitan, amun jong Saudi Arabia khopi a aumsah u ahi.

Semi-final match a kumlui a Spanish League (La Liga) champion Real Madrid in Copa Del Rey runners-up Real Mallorca te 3-0 a ajo u ahin, La Liga runners-up FC Barcelona in jong Copa Del Rey champion Athletic Bilbao te 2-0 a anajo u ahi. Tu season bul lang La Liga match Real Madrid te homeground a akisuhto nalhon a FC Barcelona te 4-0 a ana goljou ahiuvin, khuche nung Real Madrid hatah a hung machal ahinau tolhon a, tunilhah koipen goljou ding ham ti vang seithei ahinai pon ahi. Tuchung hiche Super Cup final akichep lhon ding hi kum 3 kijom a akisuhto nalhon ding ahitan, khatvei cheh ana kijou lhon ahi.

Match ahileh jansot nung 12:30 am le umding ahi. 

~ EIMI SPORTS

Share: