ZRATE' TUAL BUALNA MUN TENG CHINLAND COUNCIL (CC) TE'N LUAH TA
Dec 21, 2024 --- Chin State, Tedim gam huam Tuithang khua leh Tungzang khua ah abeisa ciangciang ZRA galkapte in phualsat in thuneihna nei uh hi.
December 19, 2024 ni nitak lamin Tungzang leh Gamlai gamgi suangphuh kicihna mun tengah ZRA te leh Chinland Council pawl nai khat val sung kikaptuahna nei uh ci hi.
Hih kikapkhit akipan Tungzang khua sungah Chinland Council te in munla / phualsat in om ta uh a, ahi zongin ZRA pawl ahih leh a omna/ a tunna kithei nawnlo phot ci-in Tungzang khuami khatin Tongsan Mediate' tungah gen hi.
Tua hi in, tu akipan ZRA phualsatna mun / khuate ahi Tungzang leh Tuithang khua ah CNF makaih Chinland Council pawlin phualsat in munla zihziah ta uh ci-in Tuithang khuasung mi khat in genbeh hi.
Tuithang khua ah Chinland Council (CC) galkapte in Khuasung ah phone zangte phone sitna (Checking) nei uh ci hi. Tua bang a phone sitcianna a neihna uh deihna bulpi pen SAC leh ZRA te tawh kihona / kizopna nei maw or neilo cihte a zong khia nuam bek uh ci hi.
Ukna buluh (SAC)te leh ZRA te kipawlsim / kizopna nei sim den uh hi ci-in CNF makaih (Chinland Council)te in khuamite' sitcianna (Checking) nei uh ci hi.
Tua manin, Tungzang leh Tuithang khuamite'n phone zatzia, Online tungah SAC leh ZRA tawh kisai thapiakna leh kizopna cihte neih khak / gelh khak hetloh ding thupi mahmah ding cih thu kiza hi.
Reported by: Tongsan tanute
Dec 21, 2024 --- Chin State, Tedim gam huam Tuithang khua leh Tungzang khua ah abeisa ciangciang ZRA galkapte in phualsat in thuneihna nei uh hi.
December 19, 2024 ni nitak lamin Tungzang leh Gamlai gamgi suangphuh kicihna mun tengah ZRA te leh Chinland Council pawl nai khat val sung kikaptuahna nei uh ci hi.
Hih kikapkhit akipan Tungzang khua sungah Chinland Council te in munla / phualsat in om ta uh a, ahi zongin ZRA pawl ahih leh a omna/ a tunna kithei nawnlo phot ci-in Tungzang khuami khatin Tongsan Mediate' tungah gen hi.
Tua hi in, tu akipan ZRA phualsatna mun / khuate ahi Tungzang leh Tuithang khua ah CNF makaih Chinland Council pawlin phualsat in munla zihziah ta uh ci-in Tuithang khuasung mi khat in genbeh hi.
Tuithang khua ah Chinland Council (CC) galkapte in Khuasung ah phone zangte phone sitna (Checking) nei uh ci hi. Tua bang a phone sitcianna a neihna uh deihna bulpi pen SAC leh ZRA te tawh kihona / kizopna nei maw or neilo cihte a zong khia nuam bek uh ci hi.
Ukna buluh (SAC)te leh ZRA te kipawlsim / kizopna nei sim den uh hi ci-in CNF makaih (Chinland Council)te in khuamite' sitcianna (Checking) nei uh ci hi.
Tua manin, Tungzang leh Tuithang khuamite'n phone zatzia, Online tungah SAC leh ZRA tawh kisai thapiakna leh kizopna cihte neih khak / gelh khak hetloh ding thupi mahmah ding cih thu kiza hi.
Reported by: Tongsan tanute
.jpeg)
.JPG)
No comments:
Post a Comment
Comments not related to the topic will be removed immediately.