UTLA/KNO LEH UTLA-J ANA KI GOMKHOM LHON TA

11 December 2024 --- Phat sottah Communication kihetuo na lhahsam jehin, UTLA KNO leh UTLA-J hi Kivaihomna min chom chom pu in ana um uvin ahi. Hijongle tuchung Gaal pi inei utoh kilhonin, Organisation sunga alangtoa Lamkaiho lungel them jehin, achesa Nisim 10th December 2024(Tuesday) nikho a chun, Gamsunga Kuki Inpi JTN, KCA Tousem Block, KKL RHQ leh Lhangsunga CSO lamkai ho Hetpina ngeijin, Thingtuhbung Vangkhuo a Khotol Inpipu Inn mun in, Gan ANKUONG in, Local Pastor Pu Haolal Dimngel MAICHAM THEMPU in mangcha in, Achekhom lamkai chengsen Sathi, Salung, Saba Nehkhom na neijin, Tunia kipat in UTLA/KNO leh UTLA-J hi thakhat pumkhat Organisation chom chom hitalouvin, Organisation khat akihitai tichu Pu Seiminlun Sitlhou Home UTLA/KNO in PHONDOHNA aneijin ahi._

   Tunia kipat in UTLA-J kiti chu Suhmang ahitan, UTLA -J chu UTLA/KNO toh KIGOMKHOM ahitah toh kilhonin, hiche minpua koiman, Gamsunga Kai le don hihen Chanvou ijakai hihen UTLA -J mina kibol thei talou ding ahitai.

   Hiche thil kibol hi alangtoa Organisation teni lamkai mopoho jouse kinoptona a kibol ahitoh lhonin gamsunga Kuki Inpi JTN, KCA Tousem Block,KKL RHQ lamkai chengin Hetpina ana nei uvin ahi.

🌏NITIN THUSOH 🌍

Share: