20th Dec 2024 --- USA gam Utah state Salt Lake City a teeng Kaya minamte innkuan 5 lak pan 4 asisa in kimu in, khat aliamsa in kimu hi, ci in palik (police)-te'n Dec 19, 2024 ni in tangko khia uh hi.
Amau innkuan ahihleh apa *Dae Reh* (kum 42), anu *Bumeh* (kum 38) hi a, atate upen *Sha Reh* (kum 17), *Christina Ree* (kum 8), *Nyay Meh* (kum 2) hi a, anu uh Bumeh in nnasem in a innkuan un avaak ahi hi.
Athu paizia palikte' upmawh dan in nungkaal _weekend_ sung a thupiang hiding in ummawh uh a, apa in azi ata teng akaplup khitteh amah leh amah akikaplum hiding hi, ci in gen uh hi. Ahang in apa uh Dae Reh' khut sung ah thautom (pistol) na om ci uh hi.
Atapa upen na si lo a, alu liam in, khuaphawk mel lo in mawtaw buk (garage) ah kimu ci uh hi. Upmawh dan: apa'n asiding a alu a akap na si lo in, taisawm hiding in um mawh uh hi.
Abeisa Dec 17, 2024 ni in asanggam ameltheihte in athu-ala za lo uh ahihman in a inn ah pai in ahon'sawm uh hang apualam pan kihong thei lo ahihman in palikte ko in, alut uh ciang' hibang thupiang amukhia uh ahi hi.
Inntung that (storey) lupnatung ah anu leh ata neu gel asisa in na om a, apa uh lengla khan (common room) ah asisa in athau tawh na om in, ata upen luliam sa in mawtaw buk lam ah na om hi.
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
.jpg)
.JPG)
No comments:
Post a Comment
Comments not related to the topic will be removed immediately.