SINGNGAT TUALKUAN MI LATE PU THANGTHUAM IPS MEITEI TE KHUT A ASINI SHI

✍️ 31st Dec. 2024 Last day.

📜Ngilna om omlou phamsa Eimi te a dia kamkei 🐯 banga thudih a hangsan (L) Pu Thangthruam IPS  khu tuni  31 December a Meitei helpawl  ten   a tha ni uh ahi.📜

~Chinkhanlal @Ericlal Zou

Tulai khathang ten asi dan theikhalou  seng lou pawl bang om ding ahina ah, tamlou tahlang  vai.

Kamkei bang a thudih apang, lawibang a na min thang Pu .Thangthuam IPS khu 31 December  2005 Kiginni (Saturday), in a tenna in Lamka khopi apat in  Imphal lam  zuan a pei/tai lai tah un, Meitei helpawl UNLF/PLA ten Bishnupur  distric ah na ambush in na kaplup uhi. Zosuan te a dia supna leh mangna lian tah khat  ahi.

Manipur-a helpawl  UNLF/PLA ten  state  police intelligence chief Pu T Thangthruam khu  puah convoy, vengbita hoitah tah nei khu ana ambush ua, amah leh a escort 

khat ana kaplum uhi.

 

Kum sawmthum sunga N-E state sung a helpawl ten  inspector-general rank officer a tha a  khatveina ahi.

IG (Intelligence) T Thangthuam in Churachandpur district-a a tenna in apatin  Imphal lam a pan in na tai lai un, a gari dang  leh escort car dang nih ten highway-a a sir/ning/nol lehlamah truck 🚛  sunga ki selgu  Meitei helpawl PLA/UNLF ten thau leh bomb  toh na kap uhi.

Convoy-te in Tiddim highway-a Oinam Bazaar lam pana tai lai tah un Meitei helpawl ten  thau leh bomb toh nasatahin na kap uhi.

Ambush na apat a suahta Driver David Baite in agendanin Oinam Bazaar nai a gari a atai alaitah un, truck 🚛  khat agei uah awl awl in tai in gen hi.

"Lampi awn(side) ding a  signal piah in ngen a, gingtatloupi  in Meitei  helpawl te na hi ua, tau leh bomb toh  ban kap  ua, kou jong  ka  nuah kap thuh  ngal ua, ahin, truck khu kin/gang tak in taikhia leh ki hemkhia ngal hi," chi in gen hi.

Officer thah a om,  dang ahileh  

havildar Khamkhanzam ahi a, chief escort ahi.  First Battalion Manipur Rifles-a officer dang-4 ten jong liamna tuah uhi.

Meitei helpawl ten Singtang gam teng galvan toh johtho bol tah a, lah somin Unau Hmar bial Sakawrdai,Senvon, Parbung lam leh Thanon lam, Singngat Sub-Division lam a Hiangtam Khonou, Theikhotang, suangkuang, Teikot, tualeh Saziktampak leh Candel  lam tan a hing vai hom khum man uhi.

 Theikhotang ah bang PLA ten  training centre nei ua, Indian Army ten adel khiat tah un thau tam tah a nuahsia te uh mukhia uhi.

ZRA te omna Guite  kual ah lut joulou ua, buaina omlou a, tuahlou in Thalon lam  leh Vangaitang lam ah ZRA te toh nasa tahin UNLF/PLA te toh  kikaptuah  ua, ZRA ten gam na humbit zou uhi.

Asotlou in Hmar bial Lamah HPC-D te toh na ki buai kia ua, unau Hmar numei te tung ah tatsia ua, numei te raped ua, khuasung mipi te tamtah soisa ua, ganta voh, ah(chicken)leh kel chite a thon in ban thah uhi. 

Tam thu toh ki sai in The Mirror Of The Kuki Nation  documentary kibol doh hial hi.

Candel lam ah Meitei helpawl ten nasatahin landmine kam ua, unau Kuki ten nah thuah mama ua, lou kuanna ah PLA/UNLF te landmine  kam jiah un Eimi Kukin te tam tah ten  tuankha in, sina tamtah tuah ua, kengtong, khut tong tam tah om ua, nehsuina vai a gamlah a gamvah lou kuan koima om ngam nonlou  lou uhi.

Tam ziahin 2007 kum in Delhi ah Zosuan/Kuki-Zo ten Jantar Mantar mai ah kiphina ki nei hi.

(L) Pu Thangthuam IPS in 

IG (Intelligence)  lam a tuh kha ziahin pan nasatahin lah a 'Opreation All Clear' hing om in Indian Army ten  Meitei helpawl te Manipur apat nohkhia ua,  Burma  gam ah delkhia uhi.

Pu Thangthuam omlou leh Meitei helpawl ten sopi apat a i gam uh hing lahpiah jou ta ding uhi.

Thei ding, 2001-2005 lai vel a Meitei ten ingam uh hing lapiah som ua, UNLF/PLA te ingam  agam sung ua a omnate a  Hausa te kung ah hausa daipi(hausa lekha poimo British te piah) sum toh leimding in na jol ua, hausa te a utlou uhleh thagum toh lahpiah na som kha ta   uhi.

Pu  T Thangthuam IPS panlahna jiahin lohnsam uhi.

Ehsan  ten nang Paite, Zou/Zo, Simte, Vaiphei, Hmar, Thadou/Kuki leh Gangte chia hing khen tuamlou ua, ingam uh hng lah piah som leh hing tha  chimit som gige uh ahi.

1997 buailai lai unau melhaih/kitheituah lou lai in ei leh  sina tamtah na ki tuah a, tagah meithai tam tah in om loh ua, bangma in hamphatpi sih ua, in leh lou tam tah kitaan  beh  lai hi.

I buailai un  unaunkhat hina ah gam/inmun/loumun chite kilahpaih omlouin ki  nuah luah/piah kia uhi, tam  UNAU khat ihina kilatsah na ahi.

Tun Ehsan te toh ki buai ua, Ehsante  gam  a inmun lou mun te koima in ki luah ngam nonlou ding hi. Eimi elhneimi kihileh chu ki nuah piahkia ding hi.

1993 Naga gal lai in Unau Kuki ten khua 300 lam taan ua, adiah in Zoupi lam bang gam hoitah ahi a tutan in ki nuah lahpiah joulouin Naga ten kintang det leh ki luah det ta uhi.

Eimi sung ah Pu Thangthuam IPS mihangsan mi thudih  ama bang bang lamkai inei kia dingbuh dei huai mama hi.

Manipur police leh IRB/MR ah Eimi mi tam tah sumseng lou  in ana khum  hi.

Tua i politician ten leh Police a dinmun sangtah nei/len ten  sum tellou in police a mi khum vang mama ta uhi. Pu Thangthuam in Eimi te a ding in na sepsa te ngilni om ngai sih  ding hi.

Tu injong common enemy khat ki nei ihi uh, manghil lou a, ei leh ei ki ki etla a ki phin² hun nonlou hi.  Khangson te khualna toh in Ehsan/Talpak te apat i  gam humbit khom chiat som va ui.

🌎 THE PEOPLE Voices

Share: