Date 18 Dec, 2024, Nilaini nitak Biakinn kikhop kal in Airfield Presbyterian Pastor te Inn ana kiluh a, sumtang 25,000 mang hi. Hiai hun in David leh a lawmpa nasem tawp Inn ah pai, dak 7:30 vel dingin Kumpuan duty ten muanmoh thu ah man in VDP room ah thudotna nei kawm in soisa uhi. David leh a lawmpan "ka la kei uh" a chih chiang unle duty ten gingta lou in vuak belh semsem uhi. Atawp in vuak thuak thou thou chi'in amaule "Ka la mah uh" chi uhi. Duty ten a koihna mun uh a dot chiang un gen ding theilou law lam mun tuamtuam gen ua, himahleh sum pen muhkik a om tuanlouh takin soisa zom zel uhi. Hiai hun in David nu leng om a, duty te kiang ah hehpihtak a ngaidam a Police khut ah pekhia a, sum pen ken ka hon din na ding chi'in ngen mahleh duty ten ngaihsaklou in amah(David nu) leng khutkha khazek uh hi'n kigen hi.
David ahihleh kum bullam a a accident na a ngalguh kitan damsiang nailou hi a, huai leng poisakna neilou in duty ten soisa uhi. Atawp in a nu beidong Pastor kiang ah va tai in hehpihtak a vawsak nawnlou a Police khut ah pekhe ding leh a sum teng aman dinkik ding dan in va ngen hi. Himahleh Pastor pa'n "Ken ka ngaidam theikei, Kumpuan duty te kiang ah ka piakkhiak sa ahi" ana chihsan hi. Beidong takin Inn polam ah a tapa te lawmta a vuak khit uh ngak in om a, zinglam dak 12:30 AM vel in a soisak na Inn ua pan Paching mi 10(sawm) vel in David Zothansanga hon zawngkhia ua, Damdawi Inn zotpih himahleh a taksa tunga soisakna te thuak zoulou in hon beisan ta hi.
Source : Mizoram News
.jpeg)
.JPG)
No comments:
Post a Comment
Comments not related to the topic will be removed immediately.