23/12/2024 (Mon):* Dec 18, 2024 nitak kikhop kaal in Airfield Presbyterian Pastor-te' inn luh in om a, asum uh singnih leh sangnga (Rs.2,5000/-) mang in, David Zothansanga leh alawmpa kilawh (nnasem a kuan) kiklam, Dec 17, 2024 nitak dak 7:30, in Kumpuan pawlte'n man in VDP Room ah thudotna nei in, vawzui ngal uhi. *"Sum lalou ka hi uh"* chimah le uh, naak vuaklua uh ahihman in, "Ka la uh" chitamai uhi. Huchihtak in, akoihna uh dong nawn ngal ua, amau lah gen di dan theilou ahihman un, mun tuamtuam genkual tamai ua, sum lah mu tuanlou uh ahihman in, soisa zom zel uhi.
David' Nu lah omtheilou ahihman in, avuakna uh _room_ ah taailut in, abaan zaak in, "Hehpihtak in ngaidam hamham un, Police' khut ah pe-mai un, sum ahihleh ken ka din na ding" chi'n va gen somsom hi. David avuakna lam un anu leng khoihkha gawp uhi. David in, "Nu, hon hun in, ka thuak zou kei" chi'n a Nu' kiang ah gen hi. Kumbul lam a a accident na ua angal guh kitan, siik kithuah leng damsiang nailou, naai tawmden leng – poisakpih lou in vaw zialzial ua, ek bang teh hial hi'n kigen hi.
Avaw tute lah tawp ut tuanlou uh ahihman in, atawp in a Nu mangbang in, Pastor pa' kiang a taai phei in, *"Hehpihtak in vawsak nawn dah mai in, thil hoihlou ahong tun'khaak ka lau. Police' khut ah pe-mai un, sum leng ka hon din na ding"* chi hi. Himahleh, Pastor in, *"Kei' ngaihdam theih ahikei; Kumpuan a ka piakkhiat khit hita ahi"* chihsan lel hi. Beidong in inn pawlam ah atapa avuak uh ana ngak charchar hi.
Nitak/ zinglam dak 12:30 ahong gin'tak in avuakna uh room kongkhak hong kihong in, paching 10 vel in khutthak siakna dia azat uh [atapa in] asoisakna uh thuak zoulou in khophawk lou in puk a, zawngkhia in, damdawi inn tun' mah le uh, houpih theih hizui nawn talou hi.
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
David' Nu lah omtheilou ahihman in, avuakna uh _room_ ah taailut in, abaan zaak in, "Hehpihtak in ngaidam hamham un, Police' khut ah pe-mai un, sum ahihleh ken ka din na ding" chi'n va gen somsom hi. David avuakna lam un anu leng khoihkha gawp uhi. David in, "Nu, hon hun in, ka thuak zou kei" chi'n a Nu' kiang ah gen hi. Kumbul lam a a accident na ua angal guh kitan, siik kithuah leng damsiang nailou, naai tawmden leng – poisakpih lou in vaw zialzial ua, ek bang teh hial hi'n kigen hi.
Avaw tute lah tawp ut tuanlou uh ahihman in, atawp in a Nu mangbang in, Pastor pa' kiang a taai phei in, *"Hehpihtak in vawsak nawn dah mai in, thil hoihlou ahong tun'khaak ka lau. Police' khut ah pe-mai un, sum leng ka hon din na ding"* chi hi. Himahleh, Pastor in, *"Kei' ngaihdam theih ahikei; Kumpuan a ka piakkhiat khit hita ahi"* chihsan lel hi. Beidong in inn pawlam ah atapa avuak uh ana ngak charchar hi.
Nitak/ zinglam dak 12:30 ahong gin'tak in avuakna uh room kongkhak hong kihong in, paching 10 vel in khutthak siakna dia azat uh [atapa in] asoisakna uh thuak zoulou in khophawk lou in puk a, zawngkhia in, damdawi inn tun' mah le uh, houpih theih hizui nawn talou hi.
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
.JPG)
No comments:
Post a Comment
Comments not related to the topic will be removed immediately.