🔖 Lamka Academy League final a Northeast Youngsters in PLL Academy jou
⭕ Nov 30, 2024 (Kiginni)
📰 Eimi Times Daily Newspaper
Lamka sunga football academy chomchom umho kiloikhomna Lamka Academy League tohgonna noiya achesa July a hung kipan Under-21 Lamka Academy League 2024 final tuni Rengkai playground ah aum in, final match ah Northeast Youngsters Football School (NEYFS) in Pehlum Lamhil Lawm (PLL) Academy chu 1-1 draw jou penalty shoot-out ah 5-3 a jou in Cup champion hina achang uvin ahi.
_Tuni final match kichepna chu akipat nung sotlou minute 11na ah Khuplemlun mangcha in NEYFS ten makaina goal akhum un hijongle first-half sung mama in PLL Academy langa Lunminlal in goal akhum in, half chan in 1-1 in akidraw uvin ahi. Second-half in team teni goljou ding kichu in hatah in anapang un, hijongle goal kikhum jou dehlou in, final match vetnom umtah chu 1-1 draw in akichai in ahi._
Champion ding kivetna penalty shoot-out mangcha in ana um in, hiche a chu NEYFS 5-3 a goljou in Cup champion hina akilah uvin ahi.
_Ahinlah, league round sunga gollel khalou a point sangpen hinmu PLL Academy te League champion hina achang uvin, amahon jong trophy akisan uvin ahi. Hiche Under-21 League a hi team 6 in pan alah u ahin, team hohi home & away system a vel 2 cheh hung kichem uva, team khat in match 10 cheh ananei u ahi. Chuleh, match hohi weekend bouseh le ana um ji ahi. League Stage sunga point sangpen PLL Academy te direct final kai ahiuvin, 2na leh 3na Sinlung Football Academy leh NEYFS semi-final play-off kichem uva, NEYFS in anajo u tolhon a final lut ahiuvin, tuni Cup final a champion hina chang u ahi._
Final match a trophy ho hopdohna chu Special Guest Pauminthang Simte, manager SYMROPIA FC in anei ahi.
⭕ Nov 30, 2024 (Kiginni)
📰 Eimi Times Daily Newspaper
Lamka sunga football academy chomchom umho kiloikhomna Lamka Academy League tohgonna noiya achesa July a hung kipan Under-21 Lamka Academy League 2024 final tuni Rengkai playground ah aum in, final match ah Northeast Youngsters Football School (NEYFS) in Pehlum Lamhil Lawm (PLL) Academy chu 1-1 draw jou penalty shoot-out ah 5-3 a jou in Cup champion hina achang uvin ahi.
_Tuni final match kichepna chu akipat nung sotlou minute 11na ah Khuplemlun mangcha in NEYFS ten makaina goal akhum un hijongle first-half sung mama in PLL Academy langa Lunminlal in goal akhum in, half chan in 1-1 in akidraw uvin ahi. Second-half in team teni goljou ding kichu in hatah in anapang un, hijongle goal kikhum jou dehlou in, final match vetnom umtah chu 1-1 draw in akichai in ahi._
Champion ding kivetna penalty shoot-out mangcha in ana um in, hiche a chu NEYFS 5-3 a goljou in Cup champion hina akilah uvin ahi.
_Ahinlah, league round sunga gollel khalou a point sangpen hinmu PLL Academy te League champion hina achang uvin, amahon jong trophy akisan uvin ahi. Hiche Under-21 League a hi team 6 in pan alah u ahin, team hohi home & away system a vel 2 cheh hung kichem uva, team khat in match 10 cheh ananei u ahi. Chuleh, match hohi weekend bouseh le ana um ji ahi. League Stage sunga point sangpen PLL Academy te direct final kai ahiuvin, 2na leh 3na Sinlung Football Academy leh NEYFS semi-final play-off kichem uva, NEYFS in anajo u tolhon a final lut ahiuvin, tuni Cup final a champion hina chang u ahi._
Final match a trophy ho hopdohna chu Special Guest Pauminthang Simte, manager SYMROPIA FC in anei ahi.
.jpeg)
.JPG)
No comments:
Post a Comment
Comments not related to the topic will be removed immediately.