KUKI CUSTOM: Pute Pate in ana che pi

OFFICE OF THE KUKI INPI CUSTOM DEPARTMENT

Subject÷ pute pate in ana che pi a hesa hon ahetbe nading leh ahelou khangthah ho hetding a thuphon hung kinei ahi.

1. Pule pakhang a moukidoh dan hi ama sa pen a chapa dinga anu nungsang kihol masa pen ahi.

Anu nungsang chu ajithei aum louleh pasal pa nule pa in anupa te kom a chu nang ula kachapa jithei naum pouvin kui kaki doh diu hitam tia pute kom a ana sei giuahi chuchi phat leh apute chun apuneo te chate lang ho aum leh ako peh ji uva pute kopeh na seipeh na anei nuchu akidoh jiuahi.

2. Mipa le minun chanu jinei thei anei teng leh achanu kom a chu chanu na ngai nadei cha um jong leh nani te chapa ho nanei pa dinga nani leh na gang in nahung doh kah uvin goldang nanei thei louding ahitia hilna ana nei jiuvin ahi.

3. Chunga kisei hojeh a hi mipute mitute khankho insung kingai lut na anaum ji ahin hiche jeh achu golvah kin a chapa le chanu jinei nikho a pute houlim na phat kipe jiahi.

Puten asei ding chu amao chanu ahileh custom khankho leh pathen phatthei boh na atupao atunu chung a houlim na anei jiuahi.

Atupao hin anei nu akipui khah louleh tupa tah pen leh tupa anina tupa athum na gei in anu nung sang alui louleh pute haolim na phat a hi tute vangpha uvin jinei thei a naum uh kaki pah e tia phatthei boh na anei jiin ahin lah custom dol in nakichen pithei uh napu te chanu um ahin naki chen pi loujeh uvin ep nedei mo nao um aham echonnao dungjui a neichan man selpi khat a neilut diu ahi tia thuphon ana nei khum jiu ahi.

Ajeh chu chapa tupa ejat nei jong leng neo jo lang hon sopi phungdang chang dang jong sithah bolthah khut kitia nupathah aki hol thei uh ahi.

Neichan man ti in anadal pha pen chu ani thakhel ding tia miupa in ajon tei ding tina ahi.

Miupan ajon lou tah jongleh athum na gei in ajon tei ding a pule pa chon na a ana um ahi.

4. Mipu pading a tupa thini a houlim na phat kipe lo na pen hi tunia katupao thi hi thipha a thi hihen lang thi si a thi hijong leh tupa ngailut na a pute kam chang bei a kivui thei lou kilha doh theilou  ahi jeh chu kahung khoh ten ahi tia houlim na anei jia custom dol a thipa a thi ahijih in katupa hi tunin tupa jumna sel nain pon dum khat a kakhu in echondol uvin tunin nupate hi nan ahchal khat kahin po e ahkeng kakhai e katu pao vang hi echon nadol uva bol ding a kilom kabol nileh selpi khat neipeh diu ahi tia phon doh na ananei jiu ahi.

5.Tulai khangthah ten pule paten ana che pilou chapa in anu athinileh ako sa a ahileh anu nungsang ama pen nate sangong apeh hi adih lou ahi custom in aphal lou ahi jeh in tukal abol a aum jong leh enungbol tah loudiu ajeh chu numei ngong aki la poi tihi suhtheng na kahin nei nom u ahi.

Ajeh chu pute pate khanglai a pat tua khangthah te in jong aki gom hihen lang akiguh jam hijong leh numei chu pasal a beh ding ahitia aki min votoh kilhon in mini chu mikhat ahitai aki titoh kilhon in numei nuchu pasal pa a beh ahitah jeh a chu aji pa hihen lang acha pa hijong leh numei kiko sa nileh sangong lah louding ahi kuitabang in kalah tei ding ache nading dol a kache sah ding ti naum uleh aji pa sa ngong lhun na alhun ding ahi tihi hil chet na hung kinei ahi.

Aji pa puten jong katu pao longman sangong kaneh diuchu edan uva umsa ahin katu pao vin aji nu thinia kusa na abol na chung a kaji nu sangong jong nei san pih diu ahi tia ahung thah leh puten khunung a tute damthei na ding a phatthei boh ding a kahin hilchet uahi.

Custom secretary 

Lhunthang Mate kuki

Custom chairman 

Lhunkholal kipgen kuki

~ ZalengamTimes

Share: