Gratitude: Zomi Holywood Actor Gin Mung

Zomi Holywood Actor Gin Mung Lungdampih Mahmah Na!

9th Dec 2024

Leitung pian' zawh Zomite sungpan Holywood Actor masa pen *Gin Mung* in Lead Actor a sepna *"Myittar"* Movie, pen tu 2024 kum, December kha sung in Kawlgam khuapi tuamtuam a om Zohsianzung/ Cinema Hall khempeuh ah kilak ziahziah tading hi.

Hih Movie sung ah Academy thuap 4 a ngah Lumin, Academy thuap 3 a ngah, Thun Eidrabo cihte tawh kithuah in Gin Mung pen a main/ Lead Actor/ Menta asemngiat ahi hi. Hih Movie pen Kawlgam leh USA ah a kizaih ngiat hi in, Quality hoih mahmah hi. Gin Mung in a it mahmah a zi *Zobawi,* ZNTV Tanu tawh Myittar Home Premiere Program zang ding in tuni in Yangon zuan in vaciahta uh hi. Lam tawntung ah Topa'n hong kepsakta hen.

Hih Myittar Movie pen Kawlgam khuapi tuamtuam adiak in Zohsianzung omna Yangon, Nyipidaw, Mandalay khuapi a om Zomi te'n hih Myittar Movie thapia ciat ding in itna leh muanna lianpi tawh hong zawn ung.

Zomi nambup hong tawisang Gin Mung' hang in aangtang mahmah hang. I biak Pasian in a thupha namcin hong piaksak toto laita hen!

Photo: Zomi Hollywood Actor Gin Mung te Nupa
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭

Share: