CNA te Tungzang leh Tuithang lut uh

CNA (KHALKHA) LEH AKAIH ZATAMTE TUNGZANG LEH TUITHANG AH LUT

21st Dec 2024 --- Dec 19, 2024 in CNA (Khalkha)' makaih Chinland Council (CC) buluh Galkapte Tungzang-Tuithang lam zuan in pai uh a, Anlang/ Gamlai gamgi ah ZRA-EC tawh kibing tuah in, kikapna om a, buluh Galkap CNA/ CC te mi thum asisa in kinung muh hi.

Buluh Galkap CNA/ CC (Khalkha) te mi 100 val pen Anlang lam ah Tonzang lam manawh kik ding in leh taai in, pawlkhat Tungzang leh Tuithang ah lutsuak uh hi. Tungzang laizang a kisuang Dialkhai (flag) pen lakhia zo lo uh a, mipite kaikhawm in buluh Galkap CNA/ CC lampan banghang in khuamite kong pai uh teh taai na hi uh hiam" acih uh leh "SAC a kipan thautawi limlim akihta/ adeihlo hi ung" ci'a adawn uh leh CNA/ CC makaipa kamka beba in hamdai pah lian ci uh hi.

Tuithang paisuak in, Tuithang ah ZRA-EC pan hong nusiasa khat' mualsuang zong thau tawh kapzaan uh in ZRA-EC lut khempeuh innkuante sim uh a, ciah kik in, Tungzang khuasunga sai (dawr/dukan) khempeuh a van leh nna-te a utut in neksak/ zatsak uh ci in gen khuamite'n gen uh hi.

Tungzang khuasung mite tawh kimuh khopna ah mi 2/3 in PDF-Zoland/ ZFU puansilh ci in CNA/ CC in mipite'n ZFU/ PDF-Zoland amuh khialhna ding deihna tawh apuan asilh pak uh aitam? ci in gen uh hi. Tungzang-Tuithang khua CNA/ CC (Khalkha) in abuluh ni lian in ZRA-EC in siamsinna 38veina zawh Pawi (POP) abawl laitak hi a, CNA/ CC (Khalkha) te Zou pau, Khalkha pau, Zote pau leh Hualngo pau azang pawlkhat om uh a, atamzaw in Zoupau thei in, asawt lo in CC/ CNA sung ah taangkam ding in Zopau/ Tedim kizang thei ding in kilam-en hi.

Tungzang leh Tuithang kikaal ah gate bawl sawm a a omlai tak uh hi in, ZRA-EC in uum gai khin cih thu kiza hi.

🔘CNA (Khalkha)' makaih CC te'n SAC tawh akizopna uh khah nai lo (NCA)
🔘CB tawh AA in nna semkhawm in SAC do
🔘ZRA-EC pen ZPCC/ ZDCI in vaihawmna panla
🔘Zomi sung ah buaina sang semsem a, pawlkhat SAC deih lo lua in SAC do lo ZRA-EC uiko-ngeuko a ko (midangte lah ko cih thadah ai mitdeh bang)

⭕ZRA-EC lah a supporter te' tung ah transparency om lo; nasepna kician sak lo; supporter te thanem om nengnang; amau apanpih nuamte beek lungkim sak zo lo, paih ding a lah S* nek ding a lah S*

⭕A ki-ummawh khat ah, CNA/ CC in Tedim khuapi ah galphual va saat vat ding in ki-ummawh hi. Ahang in, Mindat/ Falam pen CB in zawh bawl dekta ahihman in tuagel zo leh Tedim bek acian lai hi a, hih mun 3 teng laleh Chin State pen CB' khut sung ah om khading hi.

🛞CNA/ CC zong amakaite uh outdated (teekta/old model) uh in, CB te' pilna lah phanawn kei unteh, hatna ah lah phanawn kei unteh, CC sung a om teng lah namtom lungsim tawh akidim vive hi in, tua hun beita, khangthak hi.

CHIN BROTHERHOOD: ZFU/ PDF-Zoland, CNO/ CNDF-Falam, CNC/ CDF-Mindat, MDF/ MTC-Mara, Matupi-1/ CDF, Kanpalet/ CDF

CHINLAND COUNCIL:
Namneu tampi myo CNA tungpan angah sawm teng CDM-Sihzang, CDF-Tonzang, PDA-Tedim etc.

ZPCC/ ZDCI:
ZRA-EC (Tulaitak ZPCC' makaihna nuai h Galkap mangpi Pu Min Thang' makaihna tawmvei khawl phot in, Central MOD in ZDCI tawh ZRA-EC alet laitak ahi hi. Panmun kilaihna (reshuffling) zong pawlkhat om ding a, ZPCC makaipipa zong Mizoram CM tawh holimna leh thautawi kipawl tampi tawh holimna neikhin in, asawt lo in taksuah ding mipi'n lam-en hi)

_Copy&Paste_
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭

Share: