CNA killed Mr Langh Khan Suan

ZFU/PDF- Zoland Chuan Tg.Langh Khan Suan Chu CNA Ten An Thah Thu An Puang

December 11, 2024 --- Chinland ram Chin State Tedim District Tedim Khawpui atangin Tonzang Khawpui ah Tv/Tg.Langh Khan Suan ( Kum-29 ) chu a kala December 9th ah Tungtuang khua awm CNA ten manin chhan awm lo a an sawisak hlum thu ZFU/PDF - Zoland lam chuan sawiin, an dem hle a, mahni unau te chungah rawng taka chet-lak thin chu tawpsan turin vawiin ah thuchhuahna nei.

Tv/Tg.Langh Khan Suan ( Kum-29 ) chu rilru lam natna neiin mi hrisel lo tak a ni a, CNA ten an man hnuin December 10th zing lamah CNA kutah a boral a, pawisawi lo thihnaah hmalakna an neih tur thu ZFU/PDF- Zoland chuan an tarlang a ni.

Tualchhung mi te sawi dan chuan Tv/Tg.Langh Khan Suan chu Malaysia ramah a zina, rilru lam leh lung lam natna neiin a hriselna lam enkawl  turin Tedim ramah a hawnga December 6th atanga Tonzang Khawpui a kal chu a bo vang vanga, December 7th ah a thih thu an sawi. A ruang chu CNA lam in a chhung te hnenah a hawnpui thu an sawi bawk a ni.

Tv/Tg.Langh Khan Suan ruang chu naktuk December 12th chhun dar 2:00 PM ah vuina hunserh hman a nih tur thu an tarlang bawk a ni.

Note : He thil thlengah hian CNF/CNA lam( B- Side ) atangin eng mah thu chiang dawn a la awm lo a, thu awm dan leh kal dan eng mah thu chhuah an la nei hrih lo a ni.

- Zofa Journal

Share: