December 1st, 2024 - Chinland ram Chin State Thantlang leh Hakha khawpui in kar chu Chinland Council Sawrkar chuan operation kalpuiin a hmingah Tilim Operation-4 vuah a ni. Ruavazung SAC camp, Umpu Puaknak SAC camp, Nun Thluak Bo SAC Camp leh Timit SAC camp chu November kartawp chhungin an lak fel thu mawhphurhna neitu lam chuan tlangzarhna an nei.
Chinland Pasaltha Camp lakna report ;
Ruavazung SAC Camp chu November ni 30 zing lam dar 9:30 AM ah lakfel a ni a, Captain of the Regiment mi-3 telin SAC mi-13 an thi a, Battalion Commander telin SAC mi-19 an man thu an sawi a, silai (40) tha leh ralthuam bungrua tha hnem tak an laksak theih thu mawhphurhna neitu lam chuan an tarlang bawk a ni.
Umpu Puaknak SAC camp chu November ni 30 zam lam dar 5:00 PM ah lakfel a ni a, SAC mi-3 thi in, silai (12) leh ralthuam bungrua tha hnem tak an lak theih thu sawiin SAC tlanchhia pawh an awm thu an sawi.
Nun Thluak Bo leh Timit SAC buk khuarna camp pawh kalfel a ni a, chanchin erawh kim chang taka tar theih a la ni lo thu sawiin, tukin lamah Timit lam chu SAC ten Jet- Fighter hmangin an kap thu an sawi bawk a ni.
He Indona ralrel thilah " Jericho " tiin Command pek a ni a, November thlaah Pathianin Chinland Council Sawrkar hmalakna chu mipui tawngtai puina leh tangrualna zarah hlawhtlingna tam tak an chan thu sawiin Pathian malsawm an dawng thu Ground chhunga hmala tu lam chuan an sawi.
Note : Thantlang leh Hakha ah SAC Camp dang a la awma lak zawh fel hrih a la ni lo.
#zofajournal
.jpeg)
.JPG)
No comments:
Post a Comment
Comments not related to the topic will be removed immediately.