I lungsim ngaihtuahna agimnam om hileh Zu sang in a uih zaw diam🙈? Zu hoih saloute'n dawn louh ding; i tate theihsiam sak a dawn sak louh ding ahi. Mahni innsung khotang a kipan bawl hoih theih ahikei. Mahni innsung bawl hoih le hang i gam ah Jail a om le poimoh lou ding ahi. Bible in Gan sisan akhaam' thei kelkul a mipi' lak a sangoi a kithun nengam Upa-te leh Pastor-te le atel uhi. Khovel a mipilte'n Zu khaam nonlou uh. Khaam zoh louh ding ahi, chih theita uh ahi. India gamsung lel le en le hang, state hausa leh pichingte a Zu Free vek [zalentak a kizuak]. Meiteite' om lai a Meiteite' lak a kikhaam ngamlou; makaite' mit leh saptuam' mit in Leikai mu theilou; Meithai Nu' inn muthei mah². Zu kikhaamna state-te a khamtheih dang abawl/ ahih tam ahi.
Huai ban ah, Christian-te i hi ua, i sahkhua dan uh i-et leh, Zu pen saptuam leh khotang melma ahikei a, melma lian pen [No.1] *Corruption* ahi. Himahleh, saptuam leh khotang in nekgukna sang in Zu dou zaw abang uhi. Bible in le adeih louh mah² *nekgukna, golhgukna, lungsimsia, mi gensiat* leh adang² atam mah² mai hi. Bible in sum ngaihnat (love of money) sual chiteng bul achih ahi. Sum pen sual achi kei a, *sum ngaihnat* sual achi hi. Hiai ahihleh sum ngaihnat tuh nekgukna/ golhgukna kipatna ahi.
Pu Jamkholian Manlun (JK Manlun) – "I gam liang mapuite'n Ningzu lou in pui theilou, bangchi'n a vontawite gualzou in i tangkou diai? Bangchi'n machiang i suan diai? Zu leh Sa khamthei toh i ki bual² uh leh" achi a, adik ahi. Himahleh, nekgukna pen sual No.1 ahi a, Zu tuh sual No.50 ah akoih theih hi. Gam leh Nam it a khangtou tak² ding chi i hih uh leh nekgukna i dou masak uh ngai ahi.
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
.jpeg)
.JPG)
No comments:
Post a Comment
Comments not related to the topic will be removed immediately.