THE SET TIME HAS COME; THE SET TIME FOR DONALD TRUMP! ~ Rev Dr Dongzathawng

Fellowship of Thirsty Souls and Hungry Hearts

Devotional # 96 (Vol 4)

Mun chin gam chin a Thirsty Soul Simtute Shillong apat jingpha!

Shillong Khua hun vot ta mama apat in Pasian Grace leh Mercy in hing vuh khum ta hen chin thupha ka hing pia hi! 

TUNI TOPIC: THE SET TIME HAS COME; THE SET TIME FOR DONALD TRUMP!

Text: “You will arise and have mercy on Zion;

For the time to favor her,

Yes, the set time, has come” (Psalm 102:13)

“Comfort, comfort my people, says your God  Speak tenderly to Jerusalem, and proclaim to her that her hard service has been completed, that her sin has been paid for, that she has received from the LORD's hand double for all her sins” (Isaiah 40:1,2) 

Introduction:

1. Tulai tate exam nai ta tu ha chuh khoimah a jin lou sawm phot

2. Ka umpi nu uh sawtpi um ding dan a ka lem et  uh leh Shillong hingmu ut jual. Shillong ang  jinna ding ua kou bahara ka pia sah uh, a umsung a neh leh tah, giahna  leh nitha ka pia uh chidan hing suah hi.

3. Khua hunki kheel jieh in naupangte hitang toh khu nai nai uh. Dr Shomi leh Dr Muankim Pasian in gualzawl ta hen! Ama uh te gel Pasian in jang in tu in ka dam siang ta uhi.

4. I gamsung politics pen thum thum nalai vai. Top san lou in thumtou jel vai. Kinial nial, gen gen, gelgel a pha tuam ding hisih. Thumna khu galvan hat pen ahi. Abul hing patsah I pa Pasian in hing pui tou jel ding hi.

 THUPI AH LUT VAI:

 “THE SET TIME HAS COME”

Janni Donald Trump ching khong khong ta hi. Republican te State bih (ahatna State te uh) thutuam hileh Swing State 7 te  or battle ground jong kichi koima  abih hilou, a ut ut na lam ua awn States te jong abawn in la mang bei hi. Tutung vang Pasian khut kilang mong mong. Ama thuah jou na ban ah Pasian mipite thum na ga mong mong ahi chi lou thei lou hi. 

Kamala in jong concession speech bawl jou ta hi. Umjie khu USA president kitel chiang aguallel penpenin a joutu call bawl in kipapina thu puang hi. Tua jou chiang  a party te lai ah official in a guallelna uh pawm in kipa thu gen hi. Tua khu concesson speech kichi hi.

 Tutung TRUMP chin khu Israel PM  in kipah pen leh kilawm phial hi. Bejemin Netanyahu in “History’s greatest comeback” chi hial hi.  Hungarian PM Viktor Orban in “Perhaps the biggest comback in the history of western politics” chiin kipapi uhi. Youtube mun khat ah “the king is back” kichi hial hi.

 Tu in A tung a Bible chang khu kum 600 paita theologian it huai Stephen Charnock in thuuh deu mai a gen en vai thupi  hi na lawmlawm e:

 “There is a certain set time for God to act. He lets the power of darkness have their hour, and then he  takes his: “ You will arise and have pity on Zion, It is the time to favor her; the appointed time has come” (Divine Providence, 239)

  “Providence has a set time to reveal his mercy, and he will not act a moment too late” ( 139)

 Pasian in ata genthei thuah ding a aphal sah, training apiah te khu a hun nei ahi. Tua mi hun a tun chiang bangma in dal thei lou ding in tundingna, lawchinna, pahtoina thupi tah tung sah hi.

Janni Trump Chin news ajah jah in ka lawm Thonglianlal Tungnung Commandant sap in  hibang in message hing hah hi : “Nothing can stop a man whose time has come” dih na lawmlawm e!

 Isaiah bung 40 isimna uah Pasian in amite kung ah na khelna val un hing ki soisah ta, double in na sual man uh na pia jou ta uhi. Na bolkhel uh val jen in ka hing jep ta hi. Tu in kei hun ahi ta hi. Double double in letsong, kipah man na mu ta ding uhi chi ahi.

 Ahiin tunia i thei ut uh khu tua “the set time” or  “appointed Time” kichi khu bang hun ding ata diei” chi ahi.

 Stephen gensah kia vai: “What is this time? It is the time when his children “eat ashes like bread and mingle tears with drink” Psalms 102:9 -( 239) 

Tua Pasiain hunse kichi khu bang hun atai ichi leh Pasian mite or atate gim leh beidon dan,  dinmun ngiam dan, hamsat huasiet dan khu VUTVAI khu tanghou bang a ang neh ua,  Tui leh leh amittui kihal ang dawn chiang un.. tuni khu Pasian hunkhiat tungta china ahi. 

Eg Hannah genthei dan leh gim thuah dan khu  John Eckhardt in alaibu Desperate prayer for desperate times ah hibang in gen hi: “she had been in a place where she could not even find words to pray. Her lips just move” (18) 

Aman agen jel na ah “When it looks as if nobody cares, nobody tires to help you, nobody looks our for you, and its just you and God, that is, sometimes one of the best places to be” (24).

 “When everything and everyone is out of the picture and it is just you and God, this is the place where He can give you -YOUR SAMUEL” (24)

 Hannah Nupi vangsiet, nupi genthei leh liangvai, nupi guallel leh jum, nupi hamsietna in a vuh khum nu din mun ahi. Vuivai leh a ann ne khawm,nmittui leh tui a dawm khawm dinmun khu himi ahi.

 “She kept praying and praying, and nothing changed, And this other woman kept mocking and mocking, and nothing changed, Hannah was ashamed and ashamed, She felt hopeless, and then she became desperate, I believe this is when desperation becomes your friend” ( 25) A tuah kha lou te ading in vang bang gen ade aw chi va un. A tuah te ading in aw keibang jong ana um dan ahi maw chi in ki hamuan ding uhi.

 John in Alaibu toh kisai hibangin gen hi “This book is for desperate people in desperate situations who can’t go on if God doesn't step in and do something miraculous quickly” (X111)

A tuahkha ten vang

Tu in TRUMP story ah lut kia ta vai. TRUMP in 2020 a kai mama na pi a vote huaise deu in ki gu a tua mi in sap gop ngii ngei ta van thou jou non sih va kichi hi. 

TRUMP in kum 4 a thil tuah te mihing khat ding in hin mualsuah nading um lou hi. Koima leader hibang  a kibawl vang mama ding hi. Ang bang chi hin mual suah chi khu a thei ham sa veve ahi. 

 1.Vaihomna dihlou tah a a guallel sah mai hilou in January 6 a White House kibulu na jieh in ama ngoh ua, kum 4 nikhat jong buai lou in umsah lou uhi. 

2. Court case 90 val bol khum uhi.  Court case hijat nei koi na thei ngai ei?

3. A inn FBI ten  RAID va bawl khum uhi. Bangma mu tuan lou uhi,

4. Khat vei mai hilou in 2 vei tah assassination attemp kibawl hi. Hibang leader vang mama hi. Pentalun in khau deu in thu sua tuanlou uhi. Iran in TRUMP thah sawm chi  warning apiah te jong thei na jenpi un White house in Iran bangma gensah ngam lou hi. TRUMP invang ka president sung in party leader khat hing ki thah sawm leh tua mi gamte kung ah na han uh leh bawl un na gam uh  vutvai ka suah sah ding chiin ka giih ding chi bok bok mai hi. 

5. Mug Shot ki bawl kha hi. Umjie khu Jail lut ding te lim kilah na ahi. Jail a um chet sih leh jong Police in amat te kibawl na thil jum huai top din mun tung hi. 

6. US President impeachment  2 vei kibawl ama mai ahi, 

7. President ahi a a sepkhawmpi ding a deitel vice President hiding  deisahna sangpen apiah Mike Pence in ama a buai top ni in din pi ngam lou hi. Tua mai hilou in munchin ah TRUMP dem in, 2024 a TRUMP tet khe ding in candidate khat ah hing ah hing pang na lai hi. Anat ding dan.. 

8. A deisahna sangpen toh a guat koima thei phah lou te: William Bill Bar, Attorney General, Mark Esper, Secretary of Defence, Generals tuam tuam  te ama dou in hing pang uhi. Media ah ama demtu in pang uhi.  Anat ding dan dan... 

9. A deisahna sangpen toh aguat UN ambassador Niki Haley in atawp tan or a guallel tan in primary ah Trump hing fight tou tou hi. Ta mai jeen. 

10. Ron Deantis, Floridam Governor ding a ana endorse leh ana support in 2023 bul tung lai in hing popular sim in, TRUMP hing khet khiah sawm hi. Republican lam a mipi tampi hing jou man hi. Hi thei leh TRUMP mun suan ding a ana ki ngap mama pa ahi. 

11. Primary ah TRUMP hibang a genthei leh kibolsiet na nengkhat jong thuahpi lou leh hepi lou in TRUMP dem in a lom hoi 10 vel hing kisa uhi. Ahi vangin TRUMP in jou siang hi. Jou lou hileh tua a lomte ama mun lua ut a ki tum tumte ahi uhi. Tu in khat jong ki lang doh nonlou in tum mang siang ta uhi. 

 12. Tua primary a ama suan sawm te TRUMP nominate ahi in anai nai a va ding ua amai pha va sui ua VP in ana ki lam en sou sou uhi, TRUMP jong ngol lou, A hi di dan danin a nai nai a umsah a atawp in mi tuam daih khat ki guan hieu hi. Ama dou dou khat khu VP a kinaipi pen ding in koi ut lou hi. A dih ahi. Lemchang leh ama mun suan ut ngen tang ahi uhi. 

Hibangmi meipuah leh mumal lou te: Nikki, Ron Desantis, Vivek,Tim Scott, Chris Christie, Mike Pence etc. Tunin Viveh a jum maw jieh in a lut tei tei adangteng mong mong jum a tummang siang ahi ta uhi. 

13.  Tualeh mi jummaw mama te: Mitt Romney khu Republic ten Obama hunlai a president ding ana guatpa uh ahi. Hinanleh tunin TRUMP dou in ha pang in pang a vote jong pe lou ding in kigen hi. Ama ana deisah leh tungding party khu hibang in taisan ngam moh hi. 

14.  Aban ah Dick Chenney te in. George Bush VP pa Dick Chenney in public ah TRUMP adei lou thu puang a atanu LIz Chenney khu TRUMP jail lut na ding a ha pang a pang tu ahi. Jumma thou uh maw, Pary vote a VP tan ana kai uh ah tunia ama ana tungding party ahi chi against uh. 

15. John Macain jong khu OBAMA term masa a President ding a republican party in ana tun ding uh ahil Ahiin ama shi ta nanleh ama inkuan  jieh in 2020 ah  Arizona State a republicante chinglou ahi.  Hia a party in a tel leh atun ding te khu apary against in pang uhi. HImi khu ZOU ham awsie in  in TATSIE kichi hi. 

HIbang teng kum 4 sung ahing tuah tou TRUMP, media te leh melma te leh, govt leh alom hoite thaah la, mat la Pasian khut leu leu leh Pasian mite thumna leu leu jieh a hing suah doh ahi. 

Ama pienthah leh pianthah lou pen kithei sih, Ahin Gingtute value systom hou tah tah  jui leh din pi pa ahi.  Hagau lam leader leh pastor ahisih. Ahiin leader ding in vang a thupi mama, a gum mama,  adet mama, a muan huai mama, apah mama,  mi hing khang tampi a um kha lou leh um mai mai nonlouding lamkai thupi ahi. 

Hibang ahin khua vangsietna teng ahing tuah tou a nanleh tuate’n khen lum jou lou hi. Hinapi in Biden ang kitawp jou in Kamala hing hat dingbang in lang ta hi.  Kamala hoijieh hilou in TRUMP mu-dahna sangseng seng in a court case tengpi toh  August tuam lah apat in TRUMP hing kie niem hiai hiai hi. Hibang kal ah khoi a hing kipan e thei phahlou in Bobby Kennedy in TRUMP hing bel in hing thuap hi. Kennedy te inkuan Democate party neitute phial a kigen khu Bobby hing tai pot hi. Tuajou in Democrate te congress  member TULSI Gabbard  in a party uh pai dan hi thei mama sa louin TRUMP hing bel kia hi. Tuateng jou in Leitung a hausa pen hingei ELAN MUSK hing lut kia hi. HIteng in TRUMP din mun ngiam top lai leh alomteng in a paisan lai in TRUMP hing domsangkia uhi. Amauhte khu TRUMP ading a 2nd Wind ahi uhi. Pasian mihingkhat a gitlou seng a atatval sengchiang ama khen khe dingin a hatjaw khat jang jel hi. 

Stephen Charnock in “The same year Pelagius the great poisoner of christian doctrine, was born in Britain, and in His providence ordered that Augustine, the most defender of the TRUTH, be born in Africa” ( 213) 

“The horn that questioned the truth no sooner appeared but God provided the carpenter to cut if off” ( 213) 

“It can be observed in nature that where poisons grow, antidotes grow bear themm by the indulgent provision of the creator” (213) 

“As the wisdom of the serpent is against the church, so the wisdom of God is for it” (213) 

Pasian in vaihomna dih lou, migiloute, dan dih lou, sil hoilou te suveng leh soisah ding in a hatjaw vanjat amansa in ana koi jou ta hi. AHAB leng gilou leh Aji Zejibel nang dingin Humpi bahnei bang jolnei Elizah mansa in ana koi jou ta hi. 

Hiteng pih ang pal tou ang phut tou a tunia 47the President hing ching ahi. Mantam mama e!

Khatvei interview na ah President kai le chin nang hing na got te, hibang hamsatna hing tu te na got diei chi aki doh lai in “I will be too busy to make America Great” chiin dawng hi. 

Conclusion and spiritual application:
Trump in 2020 in ana pai tou jom leh tunia bang a Senate majority hilou ding. Tualeh tunia Ukraine gal jieh a minsie mama ding hi. Tualeh Republican Party( GOP) leadership corrupt mama nuai a president hiding hi. Tu in ahileh Pasianin bonus apia a Senate a jong majority, Congress a jong majority aban ah GOP jong MAGA nuai hita. Bangkim ama thu thu hita. A ut ut bawl thei ding china hita hi.Pasianin double double a BONUS apiah ahi. 

Hagau lam ah la ta lei TRUMP in tunia hibang gualzawna atanna ding in kum 4 sung hibang liang a hamsatna phu tou hi. 

Tunin TRUMP bang in i mawpuahna asan bang jel in ahing doutu tam ding hi. A dieh in i melma ten ang bol hunta leh hoi ding hia, I lom hoi pen leh ei hing tawsawn ding a ki lawm pen pen te khu ahing dou tu apan chiang nadieh hi. Bang bang hita nanleh Pasian in hun guat nei hi. Tua hun ang tun chiang bangma in dal thei nonlou dinghi. Tua mun tunna ding in Aman a ut ut jang thei hi. Melmate jang ut mama hi. Tua hun chiang Dal malah in ahing dal tu teng khu eilam a dign in hing lehei ding hi. Ei hing dou te khu ahing domsang tu te in Pasian in hing jang ding hi. I melma te kheel a ei a ding a nasem hoi um lou dinghi. Trump hibang  amiten abawl jieh in mipiten avote nei sun uh ama kung ah a hepina latna diing in pia sau sau ua, Swing state teng nasan jou bei hi. 

Mangpa’n tunia vutvai leh an tanghou na neh khawm lai leh na mittui khu tui leh tui na dawn khawm ni beisah in ama hunchiam hing tung sah ta hen! 

Na jum leh na gen thei na teng teng khu a double a double in i Pa Pasian hoi in hing le thuh ta hen!

 “You will arise and have mercy on Zion;

For the time to favour her,

Yes, the set time, has come” (Psalm 102:13)

 “Comfort, comfort my people, says your God  Speak tenderly to Jerusalem, and proclaim to her that her hard service has been completed, that her sin has been paid for, that she has received from the LORD's hand double for all her sins” (Isaiah 40:1,2) 

 Topa Thupha

SHALOM!!

 Pastor DZT.

(via WAP)

Share: