November 27th, 2024 --- Chinland ram Chin State Thantlang - Hakha Khawpui in kara military council SAC Point-3 Camp chu Chinland Council/ Chinland Sawrkar Pasaltha ten la felin , ralthuam tha hnem tak pawh an laksak tel thu mawhphurhna neitu lam chuan Zofa Journal ah hriattirna nei.
November ni 22 ah Chinland Sawrkar Pasaltha ( CNA, MCR, CDF-KKG, PDA, CDFs ) pawl hrang hrang tangrual ten beihpui thlakin an va kapa, Pathian zarah November ni 25 ah an lak fel thei thu an sawi.
SAC mi-4 an thi a, a tam zawk tlanchhia in Chinland Sawrkar Pasaltha lam chuan silai auto (6), rahpuah bomb (4), silai-mu bawm (7), silai-mu, bomb leh thil dang te nen an laksak thei thu an sawi.
Point-3 Camp chu a hmain Chinland Pasaltha lamin an control tawha SAC lam in Jet-Fighter an hmang nasat avangin an hnung tawlh a, October thla lam khan SAC lam chuan Point -3 Camp chu an luah lum leh thu an sawi .
Thantlang Indona a thlen apiangah Hakha Khawpui atangin SAC ten laipui nen an pui nasa thin hle a, Hakha Khawpui a SAC te chu Thantlang lam kal thei lo turin Chinland Sawrkar chuan thla-3 chuang a dang tawha Jet-Fighter pawh nitin an la hmang thu sawiin November ni 26 ah military council SAC ten Hakha Khawpui a SAC Battalion Khah-Lah-Yah 266 camp chu pui turin Y-12 thlawhna nen Sipai leh Bungrua tha hnem tak chu Parachute hmangin an in thlak thla/dah belh bawk thu an sawi.
Chinland Sawrkar lam chuan Tilim Operation-4 chu kalpui chhun zawm zel a la tum a ni.
~ Zofa Journal
.JPG)
.jpg)
No comments:
Post a Comment
Comments not related to the topic will be removed immediately.