SAC Laipui Hliam Tuar Avangin Nufa An Boral

November 25, 2024 - Chinland ram Zophai Kalay Township Letpangchaung khua A-Group Pi Vanlalhrilhmawii ( Kum -29 ) chu laipui avangin hliam a tuara SAC awmna Civil Hospital ah in enkawlin tukin dar 4:00 AM ah a pasal leh fapa Kum -6 mi kalsanin chatuanram a pan thu tualchhung mi ten an sawi.

Thu zawh chianna - Thu awm dan chu tiang hi a ni;

November ni 16-17 ah military council SAC ten tualchhung ah laipui an tawngkaha Letpangchaung khua A-Group ah tlain Pu Lalchawivula leh Pi Vanlalhrilhmawii te in ah tla a, van duai thlak tak maiin Pi Vanlalhrilhmawii chuan hliam a tuarna hle a, a thluak pawh lang vek khawpin a tuar a, hu mi hun boruak vel ah hian thla -8 mi nau a keng mek bawk thu an sawi.

A ranglamin Kalay Civil Hospital ah enkawl a ni a, Pathian zarah November ni 20 tlai lam dar 6:30 PM ah hliam na tak chungin zei ngai mia lo in ( neih paingaiin ) nafu duh awm tak ( kut ke kim ) in a nei a, a hmingah Jenny Lalpeklawmi pek a ni bawk, harh vang tak a ni a chhiat tawh laia thla kim lo a piang a nih avangin enkawl uluk a ngai hle a Pathian zarah chu tia harh vang taka a awm thei chu an lawm hle a ni, electric hmangin naute chu Hem leh Oxygen pek a ni a. November ni 21 zing lam ah electric a awm tawh lo thut mai a, doctor ten Oxygen dang hmang tur an nei rem chang tawh lo lai tak a lo ni nen an tal buai hle a Jenny Lalpeklawmi chungah harsatna a lo thlenga van duai thlak tak maiin November ni 21 zing lam dar 6:30 AM ah chuan a boral ta a ni.

Jenny Lalpeklawmi ruang chu khaw lam ah hawngpui a ni nghala, tukin ah a nu in a boral leh ta mai chu a pa chuan tuar thiam har a ti hle a Pi Vanlalhrilhmawii chu vawiin November ni 25 tlai lam dar 3:00 PM ah Letpangchaung khua ah vuihna hunserh hman a nih tur thu tualchhung mi ten an tarlang bawk a ni.

Pu Lalchawivula leh Pi Vanlalhrilmawii chuan fapa Kum-6 mi an nei a, nau thar piang hlim Jenny Lalpeklawmi leh a nupui Pi Vanlalhrilmawii chuan an pafa kalsan in chatuanram an pan san a ni. Pi Vanlalhrilmawii chu Aungywa khaw mi a ni a, Pasal fanau neiin Letpangchaung khua ah an cheng a ni. Mi harsat ve tak an ni a, an chhungkua ah van duaina thleng hi a rapthlak a, a hliam a nat avangin Mizoram emaw hmun dang pan theih din hmun ah pawh an ding lo thu an sawi.

Zofa Journal

Share: