"SAC Kumpi Tawh KILEMNA Bawl Ding In Amansa Hi Ung” – TNLA

TUNI Nov 25, 2024 in, Shan gam sung a kibusa, minam thautawi lak ah zong athahat mahmah *Ta-ang Galkap* TNLA in SAC kumpi tawh *KILEMNA* bawl ding in amansa in om ung cih pulak uh hi. Hih Kilemna/ Kimuhkhopna bawl ding pen Unau beelpawl thum aitang cih bang hi lo in, ko TNLA tawh atuam vilvel ding hi cih pulak beh uh hi.

Ki dodo, ki kapkap tawh Kawlgam sung ah daihna kilemna om lo ding cih minam galkap thautawi ten tel semsem ta uh ahihman in, SAC kumpi tawh kimu nuam in mite'n SAC/ MAL mai-et ziahziah ta uh hi.

*GALDO KHAWLTA:*
1. Kukan Galkap MNDAA te galdo khawlta in SAC kumpi tawh *KILEMNA* bawlta uh hi. A sawt lo in Lashio khuapi pan MNDAA te nungkik tading uh hi.
2. KIA te zong galdo khawl phot ding leh PDF te zong huh nawn lo phot ding in pulak khinta uh hi.
3. Ta-ang Galkap TNLA te zong SAC kumpi tawh kimu in *KILEMNA* bawl ding in khentatta uh hi. Kikapna khawl tading hi.
4. KNU te bel a khawl zawh uh sawtta hi.
5. TNLA te man leh AA tawh SAC kumpi in *KILEMNA* hong bawl leuleu ding uh hi.
6. Ngongtat CNF/ CNA te SAC Galkap kumpi maipha munuam in lit dawk bangta uh hi.
7. Zomite bel Online *Social Media* ah mau leh amau ki kapkap ki dodo lel uh hi. Lawhtaak bangmah om lo, sepzawh bangmah om lo hi…

©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭

Share: