NOVEMBER 16, 2024 ZÂNA THIL TLUNG HRILFIENA: HNU ASSAM

NOVEMBER 16, 2024 zana Pu Hoajoel thata a umna chungthu kha HNU, Assam in a thei angtawkin a bawzui a, thu chienglem chu hieng ang hi a nih. Pu Hoajoel hi Pangmol khuo mi a nih a, Pangmol khuo hi Jiribam le Imphal inkar NH-37 in a hraw Old Kaiphundai  khuo kawl Egaro Mile (eleven miles) National Highway-37 a inthawka lam peng KM 3 vela hla a um a nih.

HNU, Assam le Assam sawrkara thuneitu hai inbiepawa hma hi lak a nih, Assam ram sunga thiltlung nia hril a um leiin thudik finfiea, Assam ram sunga thil tlung a nih chun Assam sawrkarin dan angtakin tuolthattu hai chungah hin action a lak tum a nih.

Thiltlung dan chu hieng ang hi a nih; Pu Hoajoel hi an khuo Pangmol a inthawkin a nau damnaw  Cachar, Assam rama um kan dingin November 16, 2024(Inrinni) khan a hung a, zan 8:13 PM khan Jiribam lai vela a um laiin Vai hai fawn hmangin a nuhmei a hung bieka, chu zova chun Jiribam a inthawka Cachar, Assam ram hung lut tumin lawngin Jiri vadung hung tan dingin an hunga. Jiri vadung tana Cachar, Assam tieng an hung kai tumna hi Lakhinagar khuo a nih. Assam ram tieng la lut hman lovin lawnga an hung chuong lai hin Chalrang haiin lo manin Aglapur Ningshingkhun lai an that a nih. Pu Hoajoel nuhmei Pi Ngaktinneng khawm inhmupui a nih. Pu Hoajoel ruong hi Jiribam Police Station ah a um a, SP in order a pek huna Silchar Medical College a postmortem thaw ding a nih. Pu Hoajoel thina hi pawi ei tiin ei tuorpui takzet a nih.A mâksan a nuhmei le a nau ṭawngṭaipui ei tiu.

Assam ram sunga thil tlung anga hril hi thudiklo a nih. Social media a thudiklo/hrietchienglo mipui sukchiai theina ding thil hrim hrim mi tukhawma thedar lo dingin ei inhriettir a nih.

 

Assam rama ei mipui hai ei him theina dingin HNU, Assam chun a theitawkin hma a laka, ei Chief Minister inzaumtak khawm vawihni inbiekkpui a nih a, buoina suokpal ding veng dingin ei umna lai vela Police Station popo inring zing dingin thu a pek a nih. Ei Chief Minister inzaumtak chun Manipur buoina hi Assam rama keilut tumtu taphawt hai chungah dan ang hremna pek ning an tih a tih. Assam sawrkar ei biekpawp theia a um hi lawm a um takzet a nih. Mitin fimkhur seng dingin ei inhriettir nawn a nih.

 

Hnam ta dingin

S/d

Lalramfel Biate

General Secretary, HNU, Assam.

Share: