21/11/2024 (Thu): Tuni a Manipur Press Club a _media address_ abawl khitnung zek in milun *RK Ichanthoi a.k.a Miss Bhaolence* mat in ana om hi. Manipur gamsung buaina toh kisai state solkar/ Police in pan' alaak dan uh hawmthoh huai asakthu leh alungkimlouh thu naaktak in tangkoupih a, hiai thu ziak leh pawl lian zaw leh pawl dang toh kizopna mumal neilou student body khat sik-le-taang a hiaibang a athugen' gige ziak a mat a om hi'n theih in om hi.
Miss Bhaolence in agenna ah; ama' group in ahihleh "tutung Manipur gamsung buaina naaktak a tangkou kheding leh buaina aven'theihna dia pan'laak theih dan² a laak ding" chih atup leh angim uh himahleh, IT lam in dan leh dun aneihte' uh ziak a adeih bang uh leh atup bang ua agennop-asaknopte uh _social media_ tungtawn a sulang' theilou uh hi'n gen a- apuaknat, avei uh leh apuakgikte uh sungkhe theilou uh hidan in gen bok hi.
*Miss Bhaolence* in agenzelna ah; India khua-le-tui khat hihna ah, _back-up_ tu pawl (student body/ orgn.) omkei talehleng lungkimlouhna gen'theihna ding _rights_ nei hilou ka hiam? chi hi. Student body mumaltak a kiphutkhia pansan hikeimah leh, hiai bang a _social media_ tungtawn a kampau' aneihte _law enforcement_ lam in akalh uh leh aphallou uh, poi sakthu naaktak in gen hi. India khua-le-tui hihna nei khatpeuh in, "aw" suah theihna _rights_ neilou hiam? chih adotna leh adinsan pipen khat ahi hi.
*Miss Bhaolence* in _statement_ abawlna ah; ruling BJP MLA hi'n opposition Congress MLA hitale uh MLA-te'n pangkhawm a hiai buaina sawttak kidiahta pen sukbei/ sukveng dingdan angaihtuah uh hun law mah² ta ahi, chi hi. Mi tamtak (numei napuang tel) in ahinna manphatak uh taan lohta ua, huaite poi asakthu gen hi. Ban ah, student body leh CSO tuam² te leng pangkhawm a _common goal_ khat neih ding, huai tuh Manipur state leh amite veng'bit ding atup thupipen leh adeih pen ahihdan taaklang' hi.
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
Miss Bhaolence in agenna ah; ama' group in ahihleh "tutung Manipur gamsung buaina naaktak a tangkou kheding leh buaina aven'theihna dia pan'laak theih dan² a laak ding" chih atup leh angim uh himahleh, IT lam in dan leh dun aneihte' uh ziak a adeih bang uh leh atup bang ua agennop-asaknopte uh _social media_ tungtawn a sulang' theilou uh hi'n gen a- apuaknat, avei uh leh apuakgikte uh sungkhe theilou uh hidan in gen bok hi.
*Miss Bhaolence* in agenzelna ah; India khua-le-tui khat hihna ah, _back-up_ tu pawl (student body/ orgn.) omkei talehleng lungkimlouhna gen'theihna ding _rights_ nei hilou ka hiam? chi hi. Student body mumaltak a kiphutkhia pansan hikeimah leh, hiai bang a _social media_ tungtawn a kampau' aneihte _law enforcement_ lam in akalh uh leh aphallou uh, poi sakthu naaktak in gen hi. India khua-le-tui hihna nei khatpeuh in, "aw" suah theihna _rights_ neilou hiam? chih adotna leh adinsan pipen khat ahi hi.
*Miss Bhaolence* in _statement_ abawlna ah; ruling BJP MLA hi'n opposition Congress MLA hitale uh MLA-te'n pangkhawm a hiai buaina sawttak kidiahta pen sukbei/ sukveng dingdan angaihtuah uh hun law mah² ta ahi, chi hi. Mi tamtak (numei napuang tel) in ahinna manphatak uh taan lohta ua, huaite poi asakthu gen hi. Ban ah, student body leh CSO tuam² te leng pangkhawm a _common goal_ khat neih ding, huai tuh Manipur state leh amite veng'bit ding atup thupipen leh adeih pen ahihdan taaklang' hi.
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
.JPG)
.jpg)
No comments:
Post a Comment
Comments not related to the topic will be removed immediately.