30/11/2024: Achesa 29th Nov. 2024 nikho chun Ccpur (Lamka) sunga um Kipmunnom vangkho ah Ng. Vahboi Haokip, Gospel Artiste in Aizawl Mizoram akon Lelte Award 2024 ahin san kipapi na kin-gon loupi tah ana um e.
Hiche kin-gon hi Ng. Vahboi ding a apute lah a Kipmunnom vangkho a cheng Pu Thangminlen le Pi Mary in agon peh lhon a KuGAA te'n mopoh na alah u ahin kin thempu in Pr. Ngamboi KBC No. 24 apang in Ng. Vahboi vang thumpeh na taona giltah anei in ahi.
Kin-gon chu Pa Boijang Haokip, Secy. KuGAA in a lamkai jin Pa Thangboi Chief of S. Gamnomjang in insung thakhel in houlim naleh lem na thu aseijin ki manchah sung in lasa them chom² ho akon vahchoi na la ana ki ngaikhom in chule i-nam sung uva CSO lamkai chom² ho, hou lamkai chom², KuGAA, Joint Artiste leh KBC No. 24 akon lamkai hon houlim leh kipa thilpeh anei uvin Kipmunnom Haosapu leh houbung akon lamkai hon jong houlim leh kipa thilpeh peh na anei uvin J. Seloijang akon Pa Lalboi Haokip in pute hina a houlim na aneijin ahi.
Ng. Vahboi Haokip in lasa them tamtah lah a aman hi tobang lolhin na ahin neihi Pathen jal ahi aphong doh in ima hilou ho jong Pathen in a manchah thei dan jong asei in Pathen vahchoi na la asah hi mi tampin tosot cheh jong leh anu in atosot dehset ahijeh in apen na anu (Nu Chinkhokim) chung ah kipathu jong a phong doh e. Kipa umtah chu Ng. Vahboi insung mite hon houlim naleh thilpeh tamtah hopdoh na jong anei uvin chuleh ngailut na jal a hung khom hon jong houlim leh kipa thilpeh anei uvin kin-gon loupi tah chu nilhah lam in mipi an nehkhom in phat chai ahitai.
Kin tah a kigong hijong leh ngailut jal a hungkhom holeh thilpeh chom² neiho jouse chung ah Ng. Vahboi Haokip leh a insung mite'n kipathu ahin phong uve.
.jpeg)
.JPG)
No comments:
Post a Comment
Comments not related to the topic will be removed immediately.