ITLF in Jiribam a si salpha inkuante vehna nei

Tuni 15 November 2024 in ITLF makai te'n Jiribam a CRPF khut a si salpha inkuante vehna nei uhi. Salpha 10 lak a mi 9 Lamka district a om ua, khat ahih leh Pherzawl district ah om hi.

ITLF in salpha inkuante hehnepna leh kha muanna in salpha inkuante chini leh bawngnawi pe chiat ua, thumna neisak uhi. A luang puakna di toh kisai thuthak om bangbang sungkuante theisak ua, salphate kivui di dan le theisak uhi.

Ngurte ah salpha nih om ua, amaute Robert Lalnuntluong leh Fimlienkung hi uhi. Thenmuol ah Ramneilien leh Francis Larzarlien hi ua, Khopibung ah Elvis Lalropui leh Henry Lalsanglien hi uhi. Valpakot ah Lalsiemlien Hmar leh Muolvaiphei ah Lalthanei Infimate leh Joseph Lalditum Khawbung hi uhi.  Turbung, Pherzawl ah Ruolneisang ahi.

I salphate insung khosak haksa ngen ahi ua, i nam leh gam a dia hinna a piak uh thupi leh manpha mahmah ahih dan uh phawk thakthak in om hi. Khenkhat bang a tapa neihsun uh hi a, khenkhat a pate unau bang le om ua, hehpih huai mahmah uh hi.

Sihna chiatchiat ding in gam leh nam a hinna pete thupi pen ua, zahna sangpen i pia ahi. 

Share: