HUIHNUNG DAN KIKHEK: KUAPEUH PILVAN POIMOH (with VIOLENCE videos )

On view of the situation, brief write ups

MANIPUR a Meiteiten State govt thahatna zang a Non-Naga singtangmite Manipur gamleipek apan hawlkhiak leh thahchimit atupna tuni, Nov. 25, 2024 in Ni 572 ching ta hi. State BJP govt puksiat ding hum teitei in, Central govt in play theihdan teng in design tuamtuam in tunitan Manipur buaina play tou nilouh himai ahi. Political issue ziak ahi chi in issue tackle taleh solution hong om kuul dia, huai in Phaizang teng kuangsak dia State govt puksia in PR omphut thei dinmun ahi gige. PR hi hialleh CM Biren pro-militants Group of Five (G5) kichite’ maban ding Manipur govt in abuaipih tham pha lo mahmah ding ahihziakin Phaizang bial leh Naga bial development package hoih taktak a mipi kamhum in Central govt in Manipur BJP govt dingsak hamham himai ahi.

ARAMBAI TENGGOLS

(Meitei militants)

I buaina pen Political issue ahihlam melhmang teitei tum in Law and Order issue dan in MHA leh state Home Dept kigulluk in tunitan in hon project khe teitei uhi. Huaibanah singtangmi helpawl teng Narco-Terrorist (Kani leibawl leh Khamtheih a sumdawng a kitoudelh a thautawi pawl) suahsak asawm banah Non-Naga singtangmi teng illegal immigrant (danlou bangtak gamdang apan pemlutte) hihsak teitei tupna paitou den lai hi. Narco-Terrorist tag pen Central govt leh UN ah Meitei Civil Societies leh Manipur govt lohsam tadih lai a, illegal immigrant tag pen leng deihbang in lamzang zou samlou uhi. Hiai hial ding pen zaw alohchin zoh uleng gintakhuailou hi. Political conflict ahihdan chiang kilkel mahleh Ministry of Home Affairs in Law and Order issue in tackle nilouh lai a, Central Armed Police Force hon koihlut behbeh leltak hi.

Jiribam a volunteer Salpha 10 si te’ lak ah sihdan melse deuhte postmortem result piakkhiak kihilou a, huai lungkimhuai lou chi in Salpha 10te’ luang tunitan kivui nailou. A sihdan uh muanmoh huai sakluat in om mahleh factual base content theihbut lah hilou, matvek a om nung ua 3rd degree torture thuak a thah hi uhiam? chihle kithei bunlou. CRPF khutnung taktak mah hiam? chihle chiangkuanglou. Amau apan thusuak le omlou bok hi. Amau thilhih ahihtaak leh leng sihdan melsetak tuh minsiat ding lauhziak a ham daai uhiam? chih le kitheilou, Home Ministry nuai a force ahihziak un Unified Command Kuldiep Singh, IPS khut nuai hipeuhmah ding hi.

Tunai akipan huihnung hong kikhek hiai hiai a, MHA kigolhdan hong chituam hiai hiai hi. Unified Command leng hong active nawnsim a, Mobile Internet shutdown leng extend tou nilouh lai uhi. CRPF DG hong zin a, eilam ah KSO, ZSF leh HSA in kitheihsiamna khat hong bawl uhi. DG pa Delhi munpi a tunnung sawtlou in Manipur a CRPF command tuding in Huidrom Premjit Meitei, DIG transfer order ngal a, maban ah CRPF te tuh Assam Rifles te neutral force kepbit zoh bangbang in buffer zone hon kembit ding uh chih muanna bei hiai hiai ding bang hi. 

NIA in data a poimoh bang a thawi theihna ding khualna in MHA in Dept of Telecom kiang ah kha 6 sung call data kepbit ding achih kum 5 paisa sung huamsak di’n thusuak leng hong om leuleu a, buaina hon etkoldan uh eilawi adi’n lungap huaipipi hong omtou thei ding bang hi. Thuguk leng hiau hiau tuh tuma deuh a Jiribam lam a volunteer si te’ mobile phone State Home Dept khut ah omvek ahi a, thuguk suizui theih ding muhsuah nei uhiam chihbel puangkhe kei mah le uh case thuuktak international border kantan a helpawlte leh galvan tolhlutna om hiam chih suizuina pailel hi a gen pawl om ua, volunteer si khaloute suikhiak sawmna leng nei uh hidan in thuguk om bang a, huaiziak in Lamka suahlam pang a Salpha volunteer si te’ omna khuate naktak in mipi alert uhi. Hiaite ziak khawng mah a mobile internet khak touh touh a om adiam chih muanmohna lian mahmah hi. Chihziak tuh, tuma a Meitei nungaknou leh tangvalnou pimang a omna case mi hon matkhiak ma un internet shutdown ni bangzahhiamtak om a, hong kihon zoh sawtlou in va mankhe zungzung thei ngal uhi.

Unau Jiribam lam a Salpha volunteer luang 10 i puakte uh kipiakna zahtakhuai mahmah in thupi i sa a, khangthu ah mangngei nawnlou martyrs hi uhi. Hiai sihna apan sinlai hon pia tuh Gal kibang nei namteng hiaibang hun a pangkhawm siam a Unified Command nuai a galdou hileng, si ding in uphuai nailou uhi. Amau i demna hilou in nambing galdou a kuan, gamtat zia ding centralize command nuai ah kithuzaktuah a kalsuan hile uh, amun a gamtat ding zia kitheituah a thudik thutang kitheizui dia, amau hihkhelh hiam CRPF te Nambing volunteer kuan ahihchiang un Mahni nambing a volunteer kineih chiat a central command omlou, awlmoh dandan leh phuutkhak dandan a mahni nambing volunteer te gamphuutsak pen manthat theihna ahihdan sinlai in lachiat in kithutuak a Nomenclature base hilou Unified Command khat dinkhawm a strategy pilvangtak a khoh siam hun petmah ta ahihdan hon lak hi.

Huihnung dan hong kikhek mahmah ahihziak in Non-Naga singtangmi Zosuan tengteng kihuaikhawm a panlakna himhim under single umbrella dan a i paisawm kei lai uleh Central govt a di’n napnuul theih lel leh bildoh taak i hikei dia, Political solution phuutkhiak zoh naksang in Law and Order issue dan in hon suppress sawm nilouh lai ding ua, delay tactic in Village Volunteer te vanzat leh galvante uh militants in hon puankhum vek ding ua, AFSPA diktak hon zatkhum a i buaina hon neutralized maimah khak ding tuh thil lauhuaipi ahi.

Huaiziak in galdouna vai toh kisai kha galdou mite, a heutute, vaihawmtute leh galvan toh kisaikhakna neite’n kihouna leh vdo/ lemlak chihte phone zang a social media a koih a vialtuahtuah theihdia koih nawnlouh a Volunteer te’n leng mobile phone zat nawnlouh a, khuttawi walkie talkie te manphatak in zatchiat sawm leng huai ah kikepbit theihna chiang omdi’n ngaisut huai hi.

~ Zomi Nampi FederationWG

Share: