ZO 4 ZOGAM VAISAITE HILCHIENNA

Z⭕4Zogam Vaisai te kung ah, athu theilo te vuh hil chienna

Amasapen in Zo4Zogam Whatsapp Channel Vaisai(Admin) te nousietna kang nei masa vuh hi . Na Social-Media Post bawl uh kana mu vuh'a ,   Zo/Zou Nam leh Gam khanto nading sang in eisung kisiet thei nading leh unau namdang ten ang etkhiel-simmaw thei nading thu  te nang suo vuh khu , lamdang kisa in , kida dap mama hi . Zo(Zou) miten News leh Information ban ah Minam khanto leh kituoh nading thu-le-la tuomtuom ,  I Zo/Zou Ngaina(Culture& Tradition) , I Zo/Zou Khangthu(History) bailam tah'a imuthei nading a vanzah phatah hiva chi ikinep lai un , tambang a Awsie suo a nangpan vuh khawh kisa tazen a , Anei'a bang in Zo4Zogam Vaisai te tel dihlo te , a tel dih a theisiem nading vuh'in tahlat ahi.

Thumanlo , thuman tawh ledawng na

1. "India a la Kuki te taw lie "ZO independent aki ding ,neutral " A makai pa uh KPA(kuki people alliance) a um 😂 A VV te uh KZVV nuoi a um ,KZVV ,KIC nuoi a um 😂Rally a pei chieng ua Zogam chi ngamlo"

1.Dawnna -  Kuki(Thado Speaking) te tawliek nachi pen , noma brainwashed+indoctrinated te lungsim ngaituona dihlo jieh ahijaw hi , Zou (Zo) nampi in unau lungsim kibahpi , sepkhawmpi theite tawh kisem ton ,kithuo khawm ihi zaw uhi , Kuki te nuoia um a amau vaisaina neia kipei a , KIM nuoi a ki um AHISIH hi , akium a aki ap hilei pen , "Taw lie" chithei pan hi. Zo(Zou) mite makai khu MLA ahisih a , UZO-GHQ leh a Kahieng ZYO,ZSP,ZoWRO,ZoWA,adg2 te khu Ko Zonam makai te ahi uh hi. MLA khu kou'a dinga Nasem Pa ahi chi nathei ta un . MLA Pu khu KPA Ticket a ching hina eh , Zo(Zou) taten Zou Kuol (Singngat AC) sung a vaihawm thei nading a Policies& Strategies apeipi te khu ka nuothuop uh. Bangjieh a KPA? Singngat AC sung a Ticket dang tawh ding nading dang umlou , Independent in dingleh Chance umlou , BJP , Cong ,JD ticket te lah ZC/ZRO ten amau PUPPET CANDIDATE kiguong uh , Zou(Zo) vote lah khat a luonglo , Luong hileh pen UZO(Zo Mipi) in kichingsah zoding hi . Zo(Zou) te i Luongton ding nuomlo te , i pankhawm ding nuomlo te  , Zo miten ka thei giagua uhi. Zou Volunteer te khu ZVCC vaihawm na neia um ahi , Govt. Recognised(ITLF,Zo United,NGOCC) Tribes ten ana thukim uh 'Kuki-Zo' term khu akizuitou den ahi, Kuki(Zo pomlo te) + Zo(Kuki pomlo te) = Kuki-Zo(As In Indo-China, Indo-US , Franco-Prussia, Austria-Hungary etc2 ) hing hi ahi . Tualeh Kuki(Thado Speaking) tepen KVV under KIC/M ahizaw a , Zou Volunteers(Zotal) tepen UZO ahi, ok?. Rally kuon chieng in Zo(Zou) te mai2 kuon ahisih a , Unau Hmar te , Gangte , Paite , Thado , etc toh kikuon ahi jieh in Zo/Zou specific term Zogam/Zougam khu kigen ngailo hi . 

2."Burma lam n kie lei la ZRA deilo ahi tawp ule jng CC sanga CB ajoin jo d uh avele Hithei ta chi a ,ma ban d n lo a utut join PDF -Zoland ten Zra a deilo vang ua CC pawi centric council dei Sam lo hia mo Zoland te bang in Zoland chi ngam be lei mo"

2.Dawnna- ZRA pen Zo te mai2 in adeilo hilo in , Unau  Siyin(CDM-Siyin) , Khuano(PDA-Tedim), Tedim/Sim/Sukte (Pdf-Zoland)  tenzong kideilo hi , unau dang tenzong adeilo ahileh ahoilou ahi chi theimai vai . CC khu Pawi nachi Lai(Hakha,Falam) te thuzaw na hi tuomlou hi , Southern Chinstate lang a Mara , Matu , Senthang , Lautu , te , Central a Zanniat , Ngawn , Dai , etc  leh Northern Chinstate ah Zo , Tedim/Sukte , Khuano , Siyin/Sizang te common platform ahi . CB khu Buddhist fundamentalist AA ten Tangkuong Vaat na azah uh hibo. CB leh CC sung a kipawl Minam koi tam zawdiei? Ngaisut huoi mama. Vaihawm na tahtah nei sang in Amin idei neilei bang kana? Tonzang Myone Zota Kuol sung ah Vaihawm poimaw masa zaw hi . 

3."Bng la CDF TONZANG "Zo galkap "bng chi kemkem ut na lai Ahilo le ZNA vel chi ZNA chia ding ngamlo a i ZO masang a Chin koi te na hi lam uh ki theilo uh mo ?"

3.Dawnna - CDF khu Chin/Chinland Defence Force ahi a , Tonzang Myone sungteng entuup dinga kalsuon ahijieh vun , CDF-Tonzang kichi hi , banah CDF-Tonzang khu Ei Zo ten i tanvou ihumbit zaw nang a mapang Zotal-Zolie te ahi vuh'a , National Unity Government toh kizop , Chinland Council toh kijop ahi hi . Tualeh , Kachin  khu Singpho/Jinghpaw/Jingpho ahi mabang in Chin khu Zo ahi. ZNA ichi thei jieh pen , ZNO aumhieh ahi , ZNO khu , Malaysia , Australia+NZ, USA , leh adg a um ahi a , ZNO leh CDF-Tonzang Support Group te kithuo ton kahi jieh vun , ZNA pen kihal sah hi , tuolo adang ah , CDF-TONZANG khu Zo siengset ahi jieh ZNA kichi thei zong ahi , kikhopkawm leh luongton ding nuom chiet hilei , KNA(B) te bang in atuom sim a ding zong kizo ding hiven , Nolawi lungton ding nuomlo te hing kingaituo masa vuo thusie-lasie nagen masang vun . 

4."India hi in Burma hi le Zogam chi ngamlo hi lel lo uchin mo Koi te la i ZO mi Suh sia gihgeh ? 

Kuki leh chin taw lie tte mo ?Ahilo le Pu T.gougin in a bol sama bng a i ZO min i Zogam 1st a koi te ? 

4.Dawnna - India leh Myanmar ah Zo(Zou) min ma kadei un kapeipi jing un , Hattuom , Khotang, Innsung , Leh Sanginn tan ah Zo/Zou min ka peipi uh hi . Zola kaphuo in kasa uh , Zoham in Kaham uh ,Zoniih Zopuon kateng ka baat uh. Luongton hilei bangza ibawlbe zo diei? Zogam Calling ana ngai tha2 vuou . Tuoleh Zo/Zou min khu , Ko Zo/Zou(Haidawi,Thangkhal,Khuangnung,Tungkhuo,Khodai,Suongpi , Lungtah-Sielmawng ) te a ahi ,exclusively .Unau Namdang ten Zo khu as in Chin-Kuki-Mizo chidan a angzat chieng un , azangthei pan uh, Zosuon vive ihi , Ko Zosuon Zo , Zo nam khat choh um , Zosuon nam tamtah um , ibawn a iki gen chieng un , Zo ihi pan uh . Pu T.Gogin Zo in ana siel leh ana envision bang in peitou hileh , tuhun in hichi loding hi. Pu T Gogin engsie leh dap deh te natheilou ahi chi Ko Zo/Zou original ten ka hai kei uh . Na khuak uh mite kisawp sak sih vuou ,noma ma in kisawp vuo , Puppet te aw. 

5."Kou Zogam state ka del lai ua

Nou Kukiland state sung a district del te na hilam uh ki thei un aw"

5.Dawnna - Zogam state delthei ding te ahileh Zo/Zou te ahi , Hmar ten Hmarram , Mizo ten Mizoram , Zo/Zou ten Zougam/Zogam , Gangte ten Ganggam , Tedim tem Tedimgam , Paite ten Paitegam , Vaiphei ten Vaipheigam , Thado/Kuki ten Kuki/Thadogam , Hiteng gawm lei zong amin Zogam hithei ngai2 loding , Adeilo um tei2 ding , Zo/Zou te Tamvou leh Dihna ahi Zogam/Zougam. 

Zogam state del nachi uh , heisung ah India Galkap te nadou vuoi? Talks Round bangza apeitai? Lawchinna anai tai? Biren Siel pieh nathaw uh , Meitei te maipha nasui uh , Contract Nna nadei uh , Nehding um nonlou taah a Na deh nadem uh , Atawpna na suhsiet  . Kawl lang ah Mipi revolution nasan nungthuop lona self interest peipi nalai , Zogam Charter failed miserably, The system is rotten with maggots eating one another , they'll die out, they sure will. 

"Zo Aw , Tahkapa Tapa , Zo Tapa." 

19-08-2023.

Napoleon Unit ,

Singngat , ZoGam - 795139.

(zo.aw.97@gmail.com)

~ Tahan Post

Share: