VAIPHEI SUNGKUAN TE DAWNHUNA

21st October, 2024: Kanggui/ Tengnoupal lamte min ah *Thadou pao* mangcha la mi la sa-te galzamna mun Zogam lam hi thuphalo in hun sai sai takiu in ti kahun hiatsak masai.  Meitei gallai tak ahin I chenbum theina umsun mun Lamka/Zogam hi mimal angmasialna vawmtak mai ah lagen uhin la vangsiatna dingu ahizawi ti kihet un. Zia 20th October, 2024 ni a Vaiphei Sungkuan, Kanggui/ Tengnoupal min ah *Vaiphei sung buaina kuama kigawllo di ti khah* Henlianthang Thanglet in UPF leader Aron Kipgen leh S Molnom Hausapu te'n thupiak a hung nei ziak ua Signature Campaign la bawl ukha la ki hiatmil sak kit uh a tam? Vo sopite ho.....

Vaiphei suantu bul chu Zo ahi. Mizo te ziang bawn state khat a nei ua, Zo ah Zosuante zosia kikhaikhawm ding, survival a hawl thei uleh Kanggui/ Tengnoupal te khah unau kikal ah kinakna di mi matchak lahi lam uh kihet theilo lahiu em? Lawi upate'n Separate Administration a demand uleh nau Vaiphei Sungkuan kanggui/tengnoupal te'n *Separate Identity* for Henlianthang Thanglet a di liau liau ah la suapi u leh nau kikal ah la del piak uhi Singngat election bawl khial ziak a phuba lakna dinga hiatpitu diklo ah lapan diu ahem? La ngawl uleh la tawu vut nuu inla khotaw lam in taimang un, Zogam lam hilo in....Mi zosia'n Meitei gal do ahi, Henlianthang in Kuki leh Zomi melma lianpen Meitei CM Biren matchak ah Zomi leh Kuki kikal ah gal siam gua ahia, thil phalo a tun leh Vaiphei sungkuan Kanggui/Tengnoupal te'n amaw la kipuak diu ahi.

Vaiphei chu Zo chate lak ah khat ahin, Ipu leh pate sathin salung a neu a, sa leh gal akap khawm un, thankhuk khat in iki vui ua, hinna tamtak ichan ua, gam leh le gua le i chan a, tuhin ikhawsa thei deu tau a, kuamsap panlakna in- tum chuan hun vang vang tak kal a namphu Vaiphei chang a din gua midang te matchak ah thiamthei cha ei le kithep thak gua, inam lungmawl chiana ding le helo ah pui guat mai hi suilung mawlman ahiloleh themtu um ahi ti aki chian in Vaiphei mipin hethiam unla, zia gual puitu Nomenclature ah Meitei te matchak ah hung pangtu Henlianthang Thanglet hi demna sang pen piak tak hilo ahem? 

Vaiphei sung buaina bawltu Henlianthang Thanglet in VPC Assembly na Nam policy chungchang ah two-third majority I VPC Constitution in a piak gual ah a bawllo ziak in VPC Block 6 tenle Joint Press Statement ala sua tau khala, chuleh VPC President te lak ah VPC Constitution palkek masapen ahia, Dan palzut ah unconstitutional tak ah ama angmasialna Vaiphei te Zomi apat a pawt tai ati ziang hi , Vaiphei mipite lungkimna ahilo ziak in mipi sousang ahi. A gang theipen ah zia Biren matchak pa hin *mimal thupukna* a siamphat kitlo chun Vaiphei sungkuan, Kanggui/Tengnoupal te'n a maw laki puak diu ahi. 

Vaiphei nam thipi ngam,

Sd/-

Captain Messi

Zogam

~ social_media

Share: