TRIBUTE TO PU NEHLUN KIPGEN, ON HIS MARTYRS DAY, 12TH OCTOBER, 1993.
By :- Thanglam Manlun
By :- Thanglam Manlun
Indipendent freelance writer
Keima'n nangho khonung khan kho ding gelna'n kanache masatai tunin. Lungtup Kukiland lhuntheina din, kalong leiyin kado'n, kachetai tohban dalhan. Chamlhatna kol-ni aso'a, Kukiland sunga nomtol lamkol kai-ni ahung lhun kahse'n, thohhat tah'in hung pang jing'un.
KNF KIPHUDOH DAN :- Theodor harzl in van-noiya kithe thang Israel nam mite kom'a Jewish Homeland semdohlou akhohdan alhangsap bang'in, Pu Nehlun Kipgen'in jong Kuki nam mite chenna Mizoram, Assam, Nagaland leh Manipur pumpi chon'in, Kukiland semdohlou akhohdan thu lhang anasam 'in ahi. Hitoh kilhon chun Bible in "gollui chihna ho kihil sah'in" ati bang'in, Pu Pakang Haokip chuleh Pu Demkhoseh Gangte toh kithon Kuki National Front ahin phutdoh tauvin ahi. KNF phudoh ahitoh kilhon'in, 1st Rising day chu 18th May,1987 in Molnoi khopi Chandel District'ah ana mang'un ahi. Hiti chun Pu Nehlun Kipgen President hina'n KNF ahin lamkai tan ahi.
PU NEHLUN KIPGEN IN A CHAPANG HO AHILNA :- Lamkai pha'n amite angailut toh kilhon in thudih leh thuphan ahilji'uvin ahi. Chutima chun Pu Nehlun Kipgen in jong anungjui chapang ho ngailutna aneitoh kilhon'in, thugil mangchan anahillin ahi. Quote, Nangho Gul bang'in kithol them'un lang, Ahpa bang'in gingkhen chan um'un, chuleh Vakhu bang'in nunnem mun tin ana hillin ahi. Hiche thugil hi nam ngailutna jalla hung kipedoh anung jui chapang ho ahilna thugil ahi.
PU NEHLUN KIPGEN IN NAM ANGAILUT DAN :- Leiset mihem koima anam ngailu lou umponte. Ahin, ngailutna vang akibangpon ahi. Ngailutna dih tah chu sacrifice ahi. Pakai Jesu'n van'a alal touna dalhan, nang le kei hinna din akiphal theng'in, Calvary cross chung'ah akikhet beh'in ahi. Hichu ngailutna sangpen ahitan ahi. Chutima chun leilam hinkho'a jong, nam ngailutna sangpen chu, thi changeiya dinga kiphal thengna chu ngailutna sangpen ahitan ahi. Pu Nehlun Kipgen in nam ngailutna thu'ah hitin ana seiyin ahi. Quote, Keima'n ka inn-sung mite sang'in Kukiland kangailujon, chuleh Kukiland sang'in ka nam mite kangailu joi tin ana seiyin ahi.
PU NEHLUN KIPGEN IN ANGAINOM PEN LAA :- Lei mihem ten lung-lai koiya laa ingainom houhi, ajeh neiya kingainomji ahi. Laa tampi umho lah'a, gam-ngai laa hi vision nei lamkai ho'n angainom pen'u ahinomyin ahi. Israel nam mite jong Babylon gam'a sohchanga aum laiyun, gam-ngai laa ana sauvin ahi. Chutima chun Kuki nam mite jong, nam dangte musit leh noise'a iumna'uva kon huhdohna dinga, hung kipandoh Pu Nehlun Kipgen in alungtup Kukiland gam-ngaina laa (laa thah bu 127) "chigenthei lung donna nagam'a hin, lungdon mitlhi pum'in kangah'e, tanglouvin Pakai nei umpin lang, nam genthei lengvai pah banga pah ding". Nam genthei lengvai Kuki nam mite pahbanga apahding hi Pu Nehlun Kipgen doi-le-tup lenpen ahi.
GAAL HANG PU NEHLUN THI NIKHO :- Kuki political visionary, Pu Nehlun Kipgen in anam mite chamlhatna gam puilut ding khoh sahna'a naa atohjing laijin, vangset umtah'in nisim 12th October, 1993 nikho'n, aloi chapang khat huhdoh ding khosahna jeh'in, Motbung khopi'ah CRPF ho khut'ah ahinkho ana mollem tan ahi.
Achaina'n chemasa gaal lamkai, Pu Nehlun Kipgen lung-tup Kukiland ilhun masang seuvin cholnga louvin pangjingu hite.
Keima'n nangho khonung khan kho ding gelna'n kanache masatai tunin. Lungtup Kukiland lhuntheina din, kalong leiyin kado'n, kachetai tohban dalhan. Chamlhatna kol-ni aso'a, Kukiland sunga nomtol lamkol kai-ni ahung lhun kahse'n, thohhat tah'in hung pang jing'un.
KNF KIPHUDOH DAN :- Theodor harzl in van-noiya kithe thang Israel nam mite kom'a Jewish Homeland semdohlou akhohdan alhangsap bang'in, Pu Nehlun Kipgen'in jong Kuki nam mite chenna Mizoram, Assam, Nagaland leh Manipur pumpi chon'in, Kukiland semdohlou akhohdan thu lhang anasam 'in ahi. Hitoh kilhon chun Bible in "gollui chihna ho kihil sah'in" ati bang'in, Pu Pakang Haokip chuleh Pu Demkhoseh Gangte toh kithon Kuki National Front ahin phutdoh tauvin ahi. KNF phudoh ahitoh kilhon'in, 1st Rising day chu 18th May,1987 in Molnoi khopi Chandel District'ah ana mang'un ahi. Hiti chun Pu Nehlun Kipgen President hina'n KNF ahin lamkai tan ahi.
PU NEHLUN KIPGEN IN A CHAPANG HO AHILNA :- Lamkai pha'n amite angailut toh kilhon in thudih leh thuphan ahilji'uvin ahi. Chutima chun Pu Nehlun Kipgen in jong anungjui chapang ho ngailutna aneitoh kilhon'in, thugil mangchan anahillin ahi. Quote, Nangho Gul bang'in kithol them'un lang, Ahpa bang'in gingkhen chan um'un, chuleh Vakhu bang'in nunnem mun tin ana hillin ahi. Hiche thugil hi nam ngailutna jalla hung kipedoh anung jui chapang ho ahilna thugil ahi.
PU NEHLUN KIPGEN IN NAM ANGAILUT DAN :- Leiset mihem koima anam ngailu lou umponte. Ahin, ngailutna vang akibangpon ahi. Ngailutna dih tah chu sacrifice ahi. Pakai Jesu'n van'a alal touna dalhan, nang le kei hinna din akiphal theng'in, Calvary cross chung'ah akikhet beh'in ahi. Hichu ngailutna sangpen ahitan ahi. Chutima chun leilam hinkho'a jong, nam ngailutna sangpen chu, thi changeiya dinga kiphal thengna chu ngailutna sangpen ahitan ahi. Pu Nehlun Kipgen in nam ngailutna thu'ah hitin ana seiyin ahi. Quote, Keima'n ka inn-sung mite sang'in Kukiland kangailujon, chuleh Kukiland sang'in ka nam mite kangailu joi tin ana seiyin ahi.
PU NEHLUN KIPGEN IN ANGAINOM PEN LAA :- Lei mihem ten lung-lai koiya laa ingainom houhi, ajeh neiya kingainomji ahi. Laa tampi umho lah'a, gam-ngai laa hi vision nei lamkai ho'n angainom pen'u ahinomyin ahi. Israel nam mite jong Babylon gam'a sohchanga aum laiyun, gam-ngai laa ana sauvin ahi. Chutima chun Kuki nam mite jong, nam dangte musit leh noise'a iumna'uva kon huhdohna dinga, hung kipandoh Pu Nehlun Kipgen in alungtup Kukiland gam-ngaina laa (laa thah bu 127) "chigenthei lung donna nagam'a hin, lungdon mitlhi pum'in kangah'e, tanglouvin Pakai nei umpin lang, nam genthei lengvai pah banga pah ding". Nam genthei lengvai Kuki nam mite pahbanga apahding hi Pu Nehlun Kipgen doi-le-tup lenpen ahi.
GAAL HANG PU NEHLUN THI NIKHO :- Kuki political visionary, Pu Nehlun Kipgen in anam mite chamlhatna gam puilut ding khoh sahna'a naa atohjing laijin, vangset umtah'in nisim 12th October, 1993 nikho'n, aloi chapang khat huhdoh ding khosahna jeh'in, Motbung khopi'ah CRPF ho khut'ah ahinkho ana mollem tan ahi.
Achaina'n chemasa gaal lamkai, Pu Nehlun Kipgen lung-tup Kukiland ilhun masang seuvin cholnga louvin pangjingu hite.
~ Kukiland India
.jpeg)
.JPG)
No comments:
Post a Comment
Comments not related to the topic will be removed immediately.