THINGKANGPHAI AREA KIDALHAH LEH KINUNG LOLUT DAN THUSIM CHOMCHA

Thingkangphai area or FIOC hi kho 5 kiloikhomna, hichu Thingkangphai, Thinglhangphai, Selkui, Molbem leh Haipijang khocheng ahi. Serou meilheite toh nai cha a chengkhom ahiuve. Meilhei gal jeh in July 6, 2023 nikho chun ana ki hal lha kha tan, hinlah Pathen lungset jal in October 2024 sung in alhangmi holeh FIOC haosa ho, KICdl chuleh amun a um namsepai UK ho panlah jal in akinung chenlut thei pan tai. Akihallhah nikho leh akichenlut kah thusim achomlam tah a hiti ahi.

∆ SUGNU FIRING (agomlam a)
Sugnu a ding a first firing hi 28 May 2023 nikho ahi. Agam kai namsepai ho kithopi din Lamka lang apat in zalengam ho chuleh volunteer leh sepai pang kigom in mi 21 hovel ahung uvin gal ahung kap hu uve. Vangset umtah in zalengam  ho mi 1 serou mun ah aliem in VV mi 2 toh aliem e, chuleh adang akisukha khat leh ni ahung um phat un withdraw abol pai taove. Dt 5 June nikhon jong Z ho ahung un chomkhat apan jou nung un akile kit taove. Hiche nikho mama chun Sugnu last stand _Gamlen_ kho chu nilhah pung 3 vel in ahin dalha un Thingkangphai area ahin jon taove. Loi te adang hon adalhah nung un Songpi lang a kon in S ho mi 20 lang in ahung umpi nalai uve. Ajing in Serou mun a Arambai ho gypsy khat ambush abol un aphol ah mi 2 akijam dan in mi 2 vang ana sohcha man lhon e. A gypsy u jong ana hal lhah peh taove.

∆ THINGKANGPHAI LHANG KI HAL LHAH
Hiche nikho 5 June nilhum kei in *stand to* in jingkah 6 June chan aum uve. Jing kah 4:20 apat in Sugnu AR, BSF, Arambai, UNLF, Police Commando, IRB, MR chuleh VDF kigom hon Central Force Casper 3, bullet proof Mahindra 7, Scorpio BP 3 mangcha in Serou w/no 3 a kon in Haipijang a um namsepai _Thunder post_ leh _Thahpi post_ attack nasatah in ahung bol pan uvin, Thingkangphai ground khel a post khat jong practical school apat in attack ahin bol taove. Jingkah 4:20 apat ni lhah 2:30 chan chu amun a namsepai hon second 10 chang thipman lou in bomb chang 180 val pohsah toh meichang gojuh bah sah te firing chu aki maito pin, vangset umtah in namsepai galhang khat in thina ana toh in, VV 1 leh eimi pawlees 1 jong ana kitongkha e. Hiche na ban ah chun Sachih lang a kon leh Salluk lang a kon in AR hon namsepoy ho chu ahin le umdoh phat un 2:30 pm vel chun withdraw ana bol taove.

 
Withdraw abol nung un In leh lou kinuse cheng se chu stateforce holeh commando hon ahal lha pai taove. Thingkangphai firing leh khosung kihal ho drone footage leh video clip ho jong aum e. Vangset nung hi jong leh vang phat umtah in Thinglhangphai houin vang eina hal lhah peh pouvin, hiche mun chu tuhin kaikhomna in akimang pan tai.

∆ KHOSUNG KINUNG LOLUT
Alhangmi ho leh agam namsepai ho pan lah najal in tuhin melmate khut a chulsa kho le veng chu Pathen panpina jal in nung lo lut thei in aum tan hi jeh chun Pathen thangvah in um jing ta hen. Tuhin lhangmi volunteer holeh namsepai hon akim avel ah phatechan pan mun akinei in mipite toh lungmong in khosung akinung lo dim thei tai.

Sugnu firing hi tuchung gal a dia agimnei loi khat a het ahitai. 28 May apat June 6 chan ni 10 kijom a firing aum jeh chun amun a um namsepai ho jong alal lheh un, kidoupi te jong hem leh thal chuleh mi kivat lou ahiuvin, amun a um namsepai full arms 90 lang in aki maitopi na ban uva sopi group dang ho chuleh sepai pang hon jong eihung kithopi na ma vang uvin Central Force mangcha a lungthim neitah a ahung vaikon te chu ana hat lheh uve. Meilheite ahung tam kon u totoh in firing sung mong mong chun mi 100 lang in thina atoh uve tihi akicheh in amahon jong athiho op peh na kin ana mang uve. Tuchung gal a firing a mi aha thina pen loi ahitai.

Pathen in Kuki Nam phatthei eiboh jing tao hen.

~ WAP

Share: