One Myanmar army surrender

 SAC Sipai Pakhat Chu A Ralthuam Nen Chinland Pasaltha Hnenah A In Pe Lut

11 Oct, 2024: Chinland ram Chin State Thantlang Township a awm Military Council SAC Khah-Lah-Yah 269 Battalion Ko Khant Soe Thu chu a ralthuam tha hnem tak nen tlan chhuakin Thantlang Chinland Pasaltha Duty na hmunah a in pek luh thu CDF lam chuan Zofa Journal ah a hriattir.

October ni 9 tlai lam khan Thantlang SAC Khah-Lah-Yah 269 Battalion a awm Ko Khant Soe Thu chu a tlan chhuaka, SAC kut hnuaiah kum-2 chhung sipai hna a lo thawk ve tawh thu sawiin, a luhna a la rei lo thu a sawi. Mipui lam a thlawp thu sawiin a ralthuam rawn ken chhuah te chu silai auto (1), silai mu-bawm (4), vawm bomb (1), silai mu, zial leh bungrua dang te a ni a, a vaiin Chinland Pasaltha (CNA,CDFs) kutah a hlana, a in tuam hlawmna tur lawm man pek ani thu an sawi.

Ko Khant Soe chuan Thantlang township ah SAC mi 70 tha an la awm thu sawiin chungte chu Police Station, Dr.Hmun Thanga în leh NLD Office chheh velah buk khurin an in zar pharh thu a sawia, a thawhpui tam tak Chinland Pasaltha hnena in pe duh CDM chak tam tak an la awm thu te sawiin SAC an pu ten an khuahkhirh hneh em avanga an tlan chhuah ve thei lo thu a sawi bawk a ni.

~ Zofa Journal

Share: