18 October 2024: He nula hi a khawlo zawng ni lovin sep rawtui teh ang. Nawi a lo hun leh ta bawk a !!
Sap kan tih thlak ngawt mai nilo, sap ram dik taka sikul kal, Exam naa Sap ho aia sap tawnga ti tha zawk hial, nula hmelchhe rawng kai vak lo Mafeli hi ka sawi teh ang. MLA ah hial a rawn ding tawh a, mahse Party belh bulfûk nei ta lo chu hmathlir, hawizau leh hriatna ah ril fu mahse helamah kher kher chuan Zoram Khawvar tih vel Ticket ah hi chuan thlantlin a nih a rinawm loh.
FAKNA :
Mizo tawng a thiam em em mai leh sap tawng a rawlh tha duh miah lo hi fak tlak a ni. Kohhranah leh khawtlangah Mizo tawng hman uar kan inzirtir nasa a, chutih laiin Kohhran lamah chuan kan Account vawn dan leh kan Meeting tawng kauchheh, kan Sermon te thleng hian sap pachal thusawi letlingtua hman tlak tak tak loh thleng hian sap tawng rawlh phet kan tum lah tak a!!
"Bank a pawisa awm zat" tih mai tur te hi "Bank Balance" kan ti duh zawk tlat nia!! Hetiangah hian Mafeli hi hriat chhuah a awl riau. Sap tawngin dak duh tak tak se, kan bo map na tur khawp hian sawi theih a ngah ngei ang. Mahse Host ah kan lek lam ta fo a, Mizo tawng a thiam zia leh a zir nasat tur zia te, hman uar a tum zia hi hmuh hmaih chi a ni lo. A zei leh zei loh aiin Mizo tawng humhalh a tum zia hi ka thlir a ni fo mai. "Nak zan..." tih a hmang dik em em mai thin ringawtte hi Mizo tleirawl atanga nula tan thleng hian entawn tlak a ni.
Chuti ni lo se, eng ram mi pawh, Mizo in SAP kan tih vek zinga mi pasalah a nei anga, Youtube Channel siamin a tawngkam thiamna nen, a hawiher nen, sap ram leh an nun awt ta reng reng Mizote hmang hian engtin tin emaw sum lakluh nan min hmang ve nasa teh ang chu!! Hnamah a chiang a, a nu leh pa a chawimawi a, Chunglam hian hei aia nasa hian a la chawimawi let ka beisei tlat nia!!
INZIR ANG U :
Kohhranah hian, in lawinaah ni ve tak maw? Officer tenau Pension te hi a kul a tai an ni fo mai. Sap tawng chelek an uar em em mai a, sap thusawi letling turin an tlaktlai der lo!! Sikul chhe chhuak pawh ni lo, sap tak tak zinga sikul kal chhuak, Mafeli hian Mizo tawng a humhalh dan hi Kohhran tan pawh zir tham a tling a, amah ang hian sap tawng thiam ta se, Kohhrana lehkha thiamlote HNARNA tawka sap tawng leklam hreh lo kan tam tur zia hi.
Kan rawlh peih ang hian kan thiam ziktluak si lova, sap tawng lamah rinrawlah kan hmantlak bawk si lova, Mafeli nun hi chhuipui ila, entawn ang u. Tawng thei tak tak si lovin lehkhathiam lo zawkte beng hniamna tawk leka sap tawng Kohhrana kan chelek fo hi Pu Thangkura dan takin "A sap ram kal loh thlak!! " Mafeli ah a chiang e.
TLIPNA :
A nun zia zawng zawng ka zir hman lo. TV a a lo lan leh a tawngkauchheh hi a ni mai. Hetah ringawt hian TAWNG HUMHALH TUMNA ka hmu tlat. Sap hla, hla hlui ngaithla tuipuitu nih phei chuan Mizo tawngin a phuhchhuah fiah zawh loh khawpa sap hla ril hi a awm chiang khawp mai. Chutiang pawh chu lo ni se, Mizo ka ni a, Mizo tawng hi a lêt a ka thiam, hnam dang tawng aia ka uar tur leh ka hum him tur tawng a ni tih hi Pulpit tlang tawngkam thleng hian i chiang ang u.
Sap kan tih thlak ngawt mai nilo, sap ram dik taka sikul kal, Exam naa Sap ho aia sap tawnga ti tha zawk hial, nula hmelchhe rawng kai vak lo Mafeli hi ka sawi teh ang. MLA ah hial a rawn ding tawh a, mahse Party belh bulfûk nei ta lo chu hmathlir, hawizau leh hriatna ah ril fu mahse helamah kher kher chuan Zoram Khawvar tih vel Ticket ah hi chuan thlantlin a nih a rinawm loh.
FAKNA :
Mizo tawng a thiam em em mai leh sap tawng a rawlh tha duh miah lo hi fak tlak a ni. Kohhranah leh khawtlangah Mizo tawng hman uar kan inzirtir nasa a, chutih laiin Kohhran lamah chuan kan Account vawn dan leh kan Meeting tawng kauchheh, kan Sermon te thleng hian sap pachal thusawi letlingtua hman tlak tak tak loh thleng hian sap tawng rawlh phet kan tum lah tak a!!
"Bank a pawisa awm zat" tih mai tur te hi "Bank Balance" kan ti duh zawk tlat nia!! Hetiangah hian Mafeli hi hriat chhuah a awl riau. Sap tawngin dak duh tak tak se, kan bo map na tur khawp hian sawi theih a ngah ngei ang. Mahse Host ah kan lek lam ta fo a, Mizo tawng a thiam zia leh a zir nasat tur zia te, hman uar a tum zia hi hmuh hmaih chi a ni lo. A zei leh zei loh aiin Mizo tawng humhalh a tum zia hi ka thlir a ni fo mai. "Nak zan..." tih a hmang dik em em mai thin ringawtte hi Mizo tleirawl atanga nula tan thleng hian entawn tlak a ni.
Chuti ni lo se, eng ram mi pawh, Mizo in SAP kan tih vek zinga mi pasalah a nei anga, Youtube Channel siamin a tawngkam thiamna nen, a hawiher nen, sap ram leh an nun awt ta reng reng Mizote hmang hian engtin tin emaw sum lakluh nan min hmang ve nasa teh ang chu!! Hnamah a chiang a, a nu leh pa a chawimawi a, Chunglam hian hei aia nasa hian a la chawimawi let ka beisei tlat nia!!
INZIR ANG U :
Kohhranah hian, in lawinaah ni ve tak maw? Officer tenau Pension te hi a kul a tai an ni fo mai. Sap tawng chelek an uar em em mai a, sap thusawi letling turin an tlaktlai der lo!! Sikul chhe chhuak pawh ni lo, sap tak tak zinga sikul kal chhuak, Mafeli hian Mizo tawng a humhalh dan hi Kohhran tan pawh zir tham a tling a, amah ang hian sap tawng thiam ta se, Kohhrana lehkha thiamlote HNARNA tawka sap tawng leklam hreh lo kan tam tur zia hi.
Kan rawlh peih ang hian kan thiam ziktluak si lova, sap tawng lamah rinrawlah kan hmantlak bawk si lova, Mafeli nun hi chhuipui ila, entawn ang u. Tawng thei tak tak si lovin lehkhathiam lo zawkte beng hniamna tawk leka sap tawng Kohhrana kan chelek fo hi Pu Thangkura dan takin "A sap ram kal loh thlak!! " Mafeli ah a chiang e.
TLIPNA :
A nun zia zawng zawng ka zir hman lo. TV a a lo lan leh a tawngkauchheh hi a ni mai. Hetah ringawt hian TAWNG HUMHALH TUMNA ka hmu tlat. Sap hla, hla hlui ngaithla tuipuitu nih phei chuan Mizo tawngin a phuhchhuah fiah zawh loh khawpa sap hla ril hi a awm chiang khawp mai. Chutiang pawh chu lo ni se, Mizo ka ni a, Mizo tawng hi a lêt a ka thiam, hnam dang tawng aia ka uar tur leh ka hum him tur tawng a ni tih hi Pulpit tlang tawngkam thleng hian i chiang ang u.
~ Mizo News
.JPG)
.jpeg)
No comments:
Post a Comment
Comments not related to the topic will be removed immediately.