KUKI NAMPI MIPI HENGA THUPHON

Lamka, the 2nd October, 2024

No. 41/KIM/NT/23-09 : Achesa May 3, 2023 nikho'a pat Meitei leh Manipur Sorkal kitho a Kuki-Zo chate tha chimit ding tohgon anei utoh kilhon'in, hinkho mantam tah ina chan taovin phamo akisa lheh jeng in, demna sangtah akinei in ahi.  

 

Hitobang Nam in gal-leh-tol inei laitah uva, sopi thisan khat kikah a, eiho le eiho phatkhat phatkhat le kitha kimat aum jing hi Gam le Go, Chi le Nam adia vangset umtah ahin, igal mite'n itha u bon hibanga pamai isah lai uva eima Nam sunga iki tha to jing uhi Kuki Inpi'n pohnat naleh lainat na sangtah akiphong in ahi.

Nam lhomcha ihiuvin ilhom nakah uva ei le ei ikitha uhi agan nathei pena ingah diuvin Inpi'n tepna sangtah ahung kinei in ahi.

Meiteite leh Meitei-Manipur government vaihomna noija chenkhom kit talou hel dinga Inpi leh Kuki-Zo mipi'n atum'a kivai homna, Government of India koma demand kicheh tah kinei ahi tan, Nampi'n kilung toh tah'a malam imano ding laitah uva sopi kikah a kitha kimat ibol uhi Nampi vangset naleh gal lel nathei ding ahijeh in, tunung tuban leh changval hihen lang kiloikhomna hijong leh koiman ibol tah lou diuvin sangtah in temna leh thupeh ahung kinei in ahi. Koitobang Inpi temna leh thupeh nahsah louva sopi kikah a kitomo nathei leh kitha kimat bol aum kit leh, Melma toh thakhat ahitan, Kuki-Zo chate lungtup doudal a kila ding, mona jouse akipoh ding ahi.

Chutoh kilhon'in tuchung Nam gal'a, a hinkho le a thisan phal'a thina toh jouse Kuki Inpi'n lunghempi na leh Nam'a dia akipehdoh nau hi pachat na sangtah akipe'n, Nampi lungtup molso nikho leh jana sangpen kipe ding, khang thusima suhmil a umlou diu ahitai. Chule adalhah Nam mite leh insung mite Pathen'in lungmona leh vangphatna chuleh lolhinna eipe tao hen.  

Sd/-

(KHAIKHOHAUH GANGTE)

General Secretary

Kuki Inpi Manipur (KIM) 

Share: