Know what is "Vz. 58 RIFLE"?

10/10/2024 (Thu): Vz. 58 Rifle – atheilou tamtak ki-omkha maithei hi; AK Rifle sakkhaak baihsam mahmah hi. Indian Army-te' lak ah, Special Forces, Paratroopers-te'n nidang in zatpi pen in ana nei uhi; AK Rifle sang in deih zaw uhi.

Sepaih Unit dangte'n AK Rifle azat sauhsauh lai un leng Para SF-te'n Vz. 58 Rifle zang' tuam se uhi. Himahleh, Israel' bawl Tavor 21 in kheekkhe ta uhi. Vz. 58 ahihleh Kargil Kidouna ah leng ana zang' ua, tun'bel, RR leh Unit tuamtuam ah tamtak hawmkhiat in om hi.

Vz. 58 Rifle pen Czechoslovakia' bawl hi in, AK Rifle hoih sa mahmah mai ua, chipchiar tak a AK Rifle enkhawm in, thau hoih tak AK' tang zang' lah hingal, AK' sang a zatnuam zaw hon bawlkhe ta uhi.

AK Rifle' sang in zaang zaw a, akap' leng dik viau zaw hi (target khathei zaw). Selector leng AK' sang in zat olsam in nuam zaw hi. Atang kap' ahihtoh kiton in olsamtak in theihtheih a, atang thun' leh kap' kik nawn ding a, _reload_ vel khah AK' sang in olsam zaw bok hi.

Himahleh, Magazine ahihleh AK toh zatkop theih hilou/ kikop theilou hi.

Agih dan: 2.91kg
Asau dan: 33 inches
Magazine: Tang 30

©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭

Share: