GUITE ROAD UPDATE: CLEARING ROAD

Thu kipahhuai mahmah

Guite Road Package 4A a menchim/leitolh-te hahsiang a, amun (Khuanggin kho kiang) a duty dingin, tuni in, Maukot a BIPL camp apan JCB khat kuankhia hi. Package 4A ahihleh, Khuanggin apan Sinzawl kho kikal sung ahi. Hiai package in tunai teng a menchip detna mun- Khuanggin leh Sinzawl kho kikal a Tuivai lei kuam banah, Sinzawl gam I lut tunga Pa Suanlian Farm kuam teng leng huap kha hi.

Tulel in BIPL in Khuanggin leh Mizoram gamgi kikal (package 4A & 4B, 20km val enkai dingin, Mizoram gamgi a Tuivai lei bul ah, JCB khat kia koih hi. Hiai JCB khat in, 20km val enkai ahihmanin, deihbangin enkai zoulou a, menchipna munte a delhtuahna ah hun sawtpipi kivei a, lampi a tangten sawtpipi a ngak sek uh ngai hi.

Khuanggin kho kianga JCB khát hong ki koihbeh toh kiton in, Khuanggin leh Sinzawl gamsung JCB nih in enkolta ding a, menchim/leitolhte ama sanga kizen leh kin gang zaw a hahsiang hong hih ki lamethuai ta hi.

GRCA in hiai banga JCB khat koihbeh ahihna dingin BIPL leh NHIDCL a thuneitute kiangah tamveipi ngetna ana bawlta a, hong kisepkhiak manin BIPL company tungah kipahthu gen hi.

Guite Road hoihzawk semna dingin GRCA in pan ki la tou zel dinga, mipi'n a poimoh leh kul banga hon nungthuap tou zel dingin kon ngen uhi.

Sd/-
Info & Publicity,
GRCA 

Share: